He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo ʼAuk.

“Tokolahi te hahaʼi ʼe maʼuhiga kia nātou te maʼu ʼo he higoa lelei. Ko ʼihi hahaʼi kua nātou feʼekeʼaki peʼe koteā anai ka manatuʼi e te hahaʼi ʼo ʼuhiga mo nātou mokā nātou mamate. Kua ke feʼekeʼaki feiā koa? [Tuku ke fai mai hana tali. Lau age ia Tagata Tānaki 7:1.] ʼE fakahāhā e Te Tule Leʼo peʼe feafeaʼi hatatou lava maʼu he higoa lelei ia muʼa ʼo te tagata pea mo te ʼAtua.”

Réveillez-vous ! ʼaho 22 ʼo ʼAuk.

“Kapau neʼe kua gaohi koviʼi ia koe peʼe ko he tahi ʼo tou famili, pea ʼe lagi ke mahino ki te mamahi ʼo te faʼahi ʼaia. [Tuku ke fai mai hana tali.] ʼE fakahā e te nusipepa ʼaenī ʼo te Réveillez-vous ! ia he ʼu tokoni ʼaoga kia nātou ʼaē ʼe gaohi koviʼi. ʼE toe fakahā aipe foki ia te fakapapau ʼa te ʼAtua ʼo ʼuhiga mo he temi ʼe mole toe ʼi ai anai te ʼu fihifihia ʼaia.” Koutou lau age ia Mikea 4:4.

Te Tule Leʼo ʼaho 1 ʼo Sep.

“Tokolahi te hahaʼi ʼe nātou manatu ko te ʼu lotu kehekehe ʼe ko he ʼu ala kehekehe kae ʼe nātou iku fuli ki te meʼa pe e tahi. Ko ʼihi ʼe nātou tui ʼe ʼi ai te lotu moʼoni pe e tahi. Koteā tau manatu ʼo ʼuhiga mo te faʼahi ʼaia? [Tuku ke fai mai hana tali.] ʼE sivisivi e te nusipepa ʼaenī te lea fakatātā ʼo te temi muʼa pea ʼe ina fakamahino ia te fehuʼi ʼaia.” Koutou faka tokagaʼi age ia Mateo 13:24-​30.

Réveillez-vous ! ʼaho 8 ʼo Sep.

“Tokolahi ʼi te temi nei ʼe nātou mulimuli ki te lamote. Maʼa ʼihi hahaʼi, ʼe lahi fau te faka maʼuhigaʼi ʼo te ʼu mutuʼi meʼa ʼaē ʼe tui e te hahaʼi pea mo tonatou ʼu agaaga ʼe hā mai ki tuʼa. Koteā la tau manatu ʼo ʼuhiga mo te faʼahi ʼaia? [Tuku ke fai mai hana tali.] ʼE fakahā e te Réveillez-vous ! ia he faʼahiga manatu fakapotopoto ʼo ʼuhiga mo te lamote.” Koutou lau age ia Kolose 3:​12.