He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼAuk.

“Kua hoko pē kiā tātou fuli ia he mate ʼo hotatou kaumeʼa peʼe ko hotatou kāiga. ʼE talanoa ia te Folafola ʼa te ʼAtua ki he mālama foʼou ʼe maʼu ai te tokalelei pea ʼe mole kei maʼu ai ia te mate pea mo te mamahi, mokā ina fakatuʼuake anai nātou. [Lau age ia Fakahā 21:3.] Kotou fakakaukauʼi age ia te fiafia ʼaē kā natou maʼu anai ʼo toe fēia aipē mo tātou.”

Réveillez-vous! ʼo ʼAuk.

“ ʼI tau manatu, ʼe feala anai koa ki te ʼu puleʼaga fakatagata ke natou maʼu ia he puleʼaki lelei moʼo fakatokatoka ia te fihifihia ʼaē ʼo ʼuhiga mo te fakavela ʼo te kele? [Tuku ke fai mai hana tali. Pea kotou lau age ia Selemia 10:23.] ʼE kotou leleiʼia anai ia te ʼalatike ʼaenī. ʼE fakahā lelei ai ʼe maʼu e te ʼAtua ia te puleʼaki ʼo ʼuhiga mo te ʼu fihifihia ʼaē ʼe hoko ki te kele.”

Te Tule Leʼo ʼaho 1 ʼo Sep.

“Tokolahi ʼe mole hanatou ʼamanaki ʼo ʼuhiga mo te kā haʼu ʼuhi ko te ʼu fihifihia lalahi ʼaē ʼe hoko ki te kele. Koteā tau manatu ʼo ʼuhiga mo te faʼahi ʼaia? [Tuku ke fai mai hana tali. Pea kotou lau age ia Pesalemo 37:11.] ʼI te nusipepa ʼaenī, ʼe fakahā ai ʼihi tupuʼaga Fakatohi-tapu ke tou maʼu ai te loto falala ki te kā haʼu.”

Réveillez-vous! ʼo Sep.

“Lolotoga te ʼu sēkulō, neʼe ʼi ai te ʼu fihi ʼo ʼuhiga mo te maʼuli ʼi te hili ʼo te mate. Koteā tau manatu ki te faʼahi ʼaia? [Tuku ke fai mai hana tali.] Kotou talanoa ki te manatu ʼaē neʼe fakahā e Sopo. [Lau age ia Sopo 14:14, 15.] ʼE fakahā mai ʼi te ʼu ʼalatike ʼaenī ia te manatu ʼa te Tohi-Tapu ʼo ʼuhiga mo te maʼuli ʼi te hili ʼo te mate.”