He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼAuk.

“Tokolahi ʼe nātou tui ko te ʼu meʼa ʼaē ʼe hoko ʼi tonatou maʼuli, ohage ko he mahaki peʼe ko he fakaʼī, ʼe ko he ʼu fakaʼiloga ʼaia mai te kau mate ʼaē ʼe nonofo ʼi te ʼu potu fakalaumālie. [Koutou lau te palakalafe 5 ʼi te pasina 4.] ʼI tau manatu ʼe moʼoni koa te faʼahi ʼaia? [ʼI tana ʼosi tali atu, lau age ia Apokalipesi 12:9.] ʼO ʼalutahi mo te vaega ʼaia, ʼe fakahā mai e te nusipepa ʼaenī ʼe ko Satana ʼaē ʼe ina fakaʼaogaʼi te ʼu meʼa fakamataku moʼo kākāʼi tatou. ʼE maʼuhiga ke tou mahino ki te manatu ʼa te Tohi-Tapu ʼo ʼuhiga mo te ʼu meʼa fakamataku.”

Réveillez-vous ! ʼaho 8 ʼo ʼAuk.

“Kua ke tokagaʼi kua ʼāsili te ʼu agamālohi ʼi totatou temi. ʼE hage neʼe mole tou tokagaʼi te ʼu hala ʼaē neʼe tou fai ʼi te ʼu temi muʼa. [Fakahā age te ʼu paki ʼi te pasina 6 mo te 7.] Koteā tona tupuʼaga? [Tuku ke fai mai hana tali pea lau age ia Selemia 10:23.] ʼE talanoa te Réveillez-vous ! ʼaenī ki te ako ʼe tou tāʼofi mai te ʼu meʼa neʼe hoko ʼi te temi muʼa, pea mo fakahā mai peʼe fakaʼosi feafeaʼi anai te pule ʼaenī.”

Te Tule Leʼo ʼaho 15 ʼo ʼAuk.

“Kia koe la, ko ai ʼaē ʼe maʼuhiga tāfito ke tou agatonu ki ai? [Tuku ke fai mai hana tali.] ʼE faka maʼuhigaʼi e te alatike ʼaenī te agatonu ki te ʼAtua moʼoni. [Fakahā te pasina 5, pea lau age ia 2 Samuele 22:26.] ʼE ke ʼiloʼi koa ko te agatonu ʼaia ki te ʼAtua ʼe tokoni mai ke mole tou agakovi ki te hahaʼi? ʼE ʼau ʼiloʼi ʼe ke leleiʼia anai tona lau.”

Réveillez-vous ! ʼaho 22 ʼo ʼAuk.

“ ʼE mole ke tuʼania koa naʼa mole maʼu he puleʼaki moʼo fakagata te ʼulihi ʼo te kele? [Tuku ke fai mai hana tali.] Ko te tupuʼaga tāfito ʼo te faʼahi ʼaia ʼe ko te laku maumau ʼo te ʼu meʼa kehekehe. Ohage la neʼe akoʼi e Sesu tana kau tisipulo ke mole nātou laku maumau te meʼa kai. [Lau age ia Soane 6:12.] ʼE fakahā e te nusipepa ʼaenī ko te ʼu pelesepeto ʼa te Tohi-Tapu ʼe tokoni ki te ʼu famili ke mole nātou mulimuli ki te aga māhani ʼaē ko te laku ʼo te ʼu meʼa.”