Polokalama ʼo Te Fono Gāue

Vāhaʼa ʼo te ʼaho 9 ʼo Tesepeli

Katiko 151

12 min: Te ʼu logo ʼo te kokelekasio. Te ʼu Tonu. ʼAki te ʼu manatu ʼi te pasina 6, fai he ʼu faʼifaʼitaki moʼo fakahā Te Tule Leʼo ʼo te ʼaho 1 ʼo Tesepeli pea mo te Réveillez-vous ! ʼo te ʼaho 8 ʼo Tesepeli.

15 min: “Tou Kalagaʼi Te Logo ʼo Te Puleʼaga.”a ʼI te vakaʼi ʼo te palakalafe 3, foaki he ʼu tokoni peʼe lava feafeaʼi hatatou lau fakahagatonu age te Tohi-Tapu mokā tou faka mafola te logo lelei.​—Te Minisitelio ʼo Te Puleʼaga ʼo Tesepeli 2001 p. 1 pal. 3.

18 min: Ke ʼi Ai He Fua ʼo Takotou ʼu Gāue Lelei Fuli Pe. Ko he akonaki pea mo he fai palalau mo te kokelekasio. ʼE fai e he tagata ʼāfea. Vakaʼi te hisitolia pea mo te tuputupu ʼo te kokelekasio, ʼo talanoa ki te ʼu faiga ʼaē neʼe fai moʼo fakatuʼu te kokelekasio. Fakatuʼutuʼu fakatomuʼa ke fakamatala e ʼihi he ʼu ʼaluʼaga fakaloto mālohi neʼe nātou sio kiai ʼi te temi ʼaia. Vakaʼi mo te ʼu tuputupu ka hoko ʼi te ka haʼu, pea fakaloto mālohiʼi te kokelekasio katoa ke nātou lagolago mālohi ki te ʼu gāue ʼo te kokelekasio.

Katiko 146 pea mo te faikole fakaʼosi.

Vāhaʼa ʼo te ʼaho 16 ʼo Tesepeli

Katiko 29

10 min: Te ʼu logo. Lau ʼo te falā. Fakahā te ʼu fakatuʼutuʼu makehe ki te fai faka mafola ʼi te ʼaho 25 ʼo Tesepeli.

15 min: Ko Nātou ʼAē ʼe Sio Mamaʼo ʼe Nātou Mahino Anai. (Tan. 12:​3, 10) Ko he faʼifaʼitaki. Ko he tahi ʼe ina fia ʼiloʼi te moʼoni, ʼe ina fehuʼi fēnei: “E feafeaʼi haku ʼiloʼi ʼe totonu takotou fakamahino ia te ʼu meʼa ʼaē ʼe ako e te Tohi-Tapu?” ʼE fakamahino e te kaugā fai faka mafola te faʼahiga fai ʼo he ʼu kumi faka Tohi-Tapu. (Te Tule Leʼo ʼo te ʼaho 15 ʼo Maio 1996 p. 19-20.) ʼAki he faʼifaʼitaki e tahi peʼe lua ʼi te tohi Comment raisonner, ʼi te pasina 403 ki te 408, ʼe ina fakahā pe neʼe feafeaʼi tatatou mahino ki te fakatuʼutuʼu ʼa te ʼAtua ki te kele, ʼaki te vakaʼi fakalelei ʼo te ʼu vaega faka Tohi-Tapu. ʼE fakamahino e te kaugā fagona ʼe ko te faʼahiga fai ʼaia ʼe lava fakaʼaogaʼi moʼo fakamahino lelei te tahi ʼu akonaki ʼo te Tohi-Tapu, pea ʼe ina fakahā age ʼe feala ke ina ako te Tohi-Tapu.

20 min: “Tou Manatuʼi Te Hahaʼi Matutuʼa ʼAē ʼe Agatonu.”b Vakaʼi mo te ʼu manatu ʼaē ʼe tuʼu ʼi Te Tule Leʼo ʼo te ʼaho 1 ʼo ʼAukusito 1994, ʼi te pasina 29. Talanoa ki te ʼu fakatuʼutuʼu ʼaē neʼe fai ʼo ʼuhiga mo nātou ʼaē kua vaivavai, ke nātou tohi tanatou gāue tatau aipe peʼe ko minuta e 15. Fai he ʼu fakamatala ʼe fakahā ai te ʼu lelei ʼaē ʼe tou maʼu fuli ʼi tatatou ʼu fakatahi mo nātou ʼaia.

Katiko 135 pea mo te faikole fakaʼosi.

Vāhaʼa ʼo te ʼaho 23 ʼo Tesepeli

Katiko 47

10 min: Te ʼu logo. ʼAki te ʼu manatu ʼi te pasina 6, fai he faʼifaʼitaki moʼo fakahā Te Tule Leʼo ʼo te ʼaho 15 ʼo Tesepeli pea mo te Réveillez-vous ! ʼo te ʼaho 22 ʼo Tesepeli.

15 min: Ko he akonaki ʼe ʼaoga ki te kokelekasio.

20 min: “ ʼE Koutou Lagolago Koa Ke Fai He Tānaki Gāue ʼe Totonu?”c ʼI te vakaʼi ʼo te palakalafe 2, talanoa ki te tohi Notre ministère, ʼi te pasina 106 ki te 108.

Katiko 165 pea mo te faikole fakaʼosi.

Vāhaʼa ʼo te ʼaho 30 ʼo Tesepeli

Katiko 38

10 min: Te ʼu logo. Fakamanatuʼi ki te kau fai faka mafola ke nātou ʼaumai te ʼu kiʼi pepa tānaki gāue ʼo Tesepeli. Kapau ʼe fetogi e takotou kokelekasio te ʼu ʼaho fono ʼi te taʼu foʼou, fakaloto mālohi te kokelekasio ke nātou kau kiai ʼi te ʼu ʼaho foʼou. Talanoa ki te tufa ʼo Sanualio, pea mo fakahā te ʼu tohi ʼaē ʼe kei maʼu ʼi te kokelekasio.

15 min: Vakaʼi te tohi Adorez Dieu. Ko he akonaki pea mo he fai palalau mo te kokelekasio. Fakamahino te fakatuʼutuʼu ʼo ʼuhiga mo te tohi foʼou, ko te lua tohi ʼaia ʼe feala ke fakaʼaogaʼi moʼo hoko atu he ako Tohi-Tapu. (Te Minisitelio ʼo Te Puleʼaga ʼo Sūnio 2000 p. 4 pal. 5-6.) Kole ki te kokelekasio ke nātou fakahā he ʼu faʼahi ʼo te tohi ʼe nātou leleiʼia. Fakahā lelei ko ʼihi koga ʼo te tohi ʼe nātou fakaʼaogaʼi te ʼu fehuʼi pea mo te ʼu vaega moʼo uga ia ia ʼaē ʼe ako ke fakakaukau loloto ki te Folafola ʼa te ʼAtua. Fakahā lelei te faʼifaʼitaki ʼaē ʼe tou maʼu ʼi te pasina 47 palakalafe 13 ki te pasina 48.

20 min: Te ʼu Faiga Mālohi​—Ko ʼAfea ʼe Hoki Tapuakina Ai e Sehova? Ko he akonaki ʼe fai e he tagata ʼāfea ʼe fakatafito ki Te Tule Leʼo ʼo te ʼaho 1 ʼo ʼAukusito 2002, ʼi te pasina 29 ki te 31.

Katiko 212 pea mo te faikole fakaʼosi.

Vāhaʼa ʼo te ʼaho 6 ʼo Sanualio

Katiko 67

7 min: Te ʼu logo.

23 min: Ko He Tokoni Ke Tou Fakalogo Ki Te Lao ʼa Te ʼAtua ʼo ʼUhiga Mo Te Toto. Ko he akonaki ʼe fai e he tagata ʼāfea faiva, ʼe fakatafito ki te ʼu puani tāfito ʼaē ka foaki e te filiale. ʼE tonu ke vakaʼi e te sikalaipe ke feʼauga te ʼu kate ʼaenī ʼe tonu ke tufa: te ʼu kate Instructions médicales prévisionnelles/Décharge pea mo te ʼu kate Document dʼidentité médical. ʼI te hili ʼo te fono, ʼe feala ke foaki kia nātou ʼaē kua papitema he kate foʼou Instructions médicales prévisionnelles/Décharge, pea ko nātou ʼaē ʼe ʼi ai tanatou ʼu fānau kei liliki ʼe feala ke nātou toʼo he kate Document dʼidentité médical maʼa te fānau takitokotahi. ʼI muʼa ʼo tana sinie, ʼe tonu ke vakaʼi fakalelei peʼe kua tohi katoa te ʼu kate. ʼE tonu anai ke sio te ʼu tagata ʼāfea ki te sinie pea mo te tohi ʼo te ʼaho ki te ʼu kate ʼaia. ʼE tonu anai ke ʼiloʼi papau e te ʼu tēhina takitaki ʼo te ʼu ako tohi peʼe kua tohi fuli te ʼu kate Instructions médicales prévisionnelles/Décharge ʼo nātou ʼo tonatou ʼu ako tohi. Ko nātou ʼaē neʼe mole kau ki te fono ʼaia pea mo nātou fia tohi hanatou kate, ʼe tokoni anai kia nātou he tēhina ʼo te ako tohi peʼe ko he ʼu tagata ʼāfea ʼi te Fono Gāue ʼaē ka hoa mai, ʼo aʼu ki te kua maʼu fuli e te ʼu tēhina mo tuagaʼane tanatou kate kua tohi fakalelei. (Vakaʼi te tohi ʼo te ʼaho 5 ʼo Novepeli 1997.) Ko te ʼu kaugā fagona ʼe feala ke nātou faʼifaʼitakiʼi te meʼa ʼaē ʼe tohi ʼi te kate ʼaia, ʼo nātou tohi ki he moʼi pepa te ʼu meʼa ʼaē ʼe nātou loto kiai maʼa nātou pea mo tanatou fānau.

15 min: “Tou Fakahā He Loto Fakafetaʼi Ki Te ʼu Tohi.”d ʼE faʼifaʼitaki e he kaugā fagona tana tufa te ʼu nusipepa. Ko te tagata ʼo te ʼapi ʼe fia logo ki te manatu faka Tohi-Tapu pea mo te fakamatala age ʼo te ʼu nusipepa, ʼo ina ʼui ʼe ina lau anai. ʼE ʼui fēnei e te kaugā fai faka mafola: “ ʼE ʼau ʼiloʼi papau ʼe ʼaoga anai kia koe te ʼu nusipepa ʼaenī ohage ko tona ʼaoga ki te tokolahi. ʼE tufa te ʼu nusipepa ʼaenī ʼi te malamanei katoa, pea kua fakaliliu Te Tule Leʼo ia lea e 146. ʼE mātou tali te ʼu meʼa ʼofa ʼa te hahaʼi ʼaē ʼe nātou fia lagolago ki te gāue ʼaenī, tatau aipe peʼe veliveli te ʼu meʼa ʼofa ʼaia.”

Katiko 79 pea mo te faikole fakaʼosi.

[Kiʼi nota]