Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa ʼo te ʼaho 2 ʼo Sepetepeli ʼo aʼu ki te vāhaʼa ʼo te ʼaho 23 ʼo Tesepeli 2002. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Koutou tohi “moʼoni” peʼe “hala” ki te ʼu fehuʼi ʼaenī:
1. ʼI ʼihi ʼaluʼaga, ʼe mole maʼu he felogoi koteʼuhi ʼe mole fia logo te ʼu mātuʼa mokā faiga he tūpulaga ke ina tala age te ʼu meʼa ʼaē ʼe faigataʼa tana talanoa kiai. (Taag. 21:13) [Lau ʼo te Tohi-Tapu; vakaʼi te wF86 1/11 p. 16 pal. 4.]
2. Ko he ‘ ʼā māʼoluga’ (Taag. 17:19) ʼe faka ʼuhiga ki te fialahi, pea ʼe kita “tuʼutāmaki” ai, ohage ko tona ʼui ia Tāʼaga Lea 16:18. [Lau ʼo te Tohi-Tapu; vakaʼi te wF87 15/5 p. 29.]
3. ʼE talanoa te Pesalemo 147:18 ki te faʼahiga fakaʼaluʼalu ʼo te tō ʼo te ʼua. [Lau ʼo te Tohi-Tapu; vakaʼi te wF71 15/12 p. 746-7.]
4. Ko te hivaʼi e te hahaʼi popūla Sutea “te hiva ʼa Sehova,” neʼe ko he lakaga ʼaia ki te kau Papiloni ʼaē neʼe nātou fakapōpulaʼi nātou, ke nātou manukiʼi te huafa ʼo Sehova, pea mo fakamālaloʼi ia ia ʼi te ʼu ʼatua ʼo Papiloni. (Pes. 137:3, 4) [Lau ʼo te Tohi-Tapu; vakaʼi te ws p. 140 pal. 9.]
5. ʼE fakatokaga mai ia Tāʼaga Lea 6:1-5 ke ʼaua naʼa tou loto fia foaki. [Lau ʼo te Tohi-Tapu; vakaʼi te wF87 15/5 p. 28.]
6. Ko te manatu ʼaē ʼe ʼui ia Pesalemo 141:5 “kapau ʼe tāʼi ʼau e te agatonu,” ʼe faka ʼuhiga ki he tēhina ʼe ina fai he tokoni mālohi ki he tahi. [Lau ʼo te Tohi-Tapu; vakaʼi te wF75 1/8 p. 460.]
7. ʼI te tohi ʼo Pesalemo, ʼe maʼu tuʼa 700 ai te huafa ʼo Sehova, pea ʼe tuʼa 43 ai tona tohi fakanounou ko “Sah,” koia ʼe fakafuafua ʼe tohi tuʼa 5 te huafa ʼo te ʼAtua ʼi te ʼu Pesalemo takitahi. [si p. 105 pal. 23]
8. Ko “te ʼu meʼa ʼofa ko he ʼu tagata” ʼaē ʼe talanoa kiai ia Efeso 4:8 (MN ), ʼe ko te kau tagata ʼāfea ʼaē ʼe fakanofo ʼaki te laumālie maʼoniʼoni, pea neʼe foaki kia nātou te pule ke nātou tokakaga ki te ʼu meʼa ʼaē ʼe ʼaoga ki tonatou ʼu tēhina ʼi te faʼahi fakalaumālie. (Gaue 20:28) [w00 1/8 p. 6 pal. 3]
9. Ko te ako ʼo te tohi ʼo Tāʼaga Lea, ʼe ko he ako ʼaia ʼo te poto ʼo Salomone. [si p. 107 pal. 1]
10. Ko te tokoni faka Tohi-Tapu ʼaē ʼe tou maʼu ia Tāʼaga Lea 21:17, ke tou līaki “te manako ki te ʼu fakafiafia,” ʼe hā ʼaki mai ʼe kovi te ʼu fakafiafia heʼe kaihaʼa ai tokita temi ʼi te ʼu faʼahi ʼaē ʼe maʼuhiga tāfito. [Lau ʼo te Tohi-Tapu; vakaʼi te w97 1/10 p. 27 pal. 7.]
Koutou tali ki te ʼu fehuʼi ʼaenī:
11. Koteā ʼaē neʼe tala age e Sesu ki tana ʼu tisipulo ʼe hoko anai ʼi te kele, mokā kamata anai tana pule Hau ʼi selo? [my 98]
12. ʼE tonu ke hā feafeaʼi tatatou fakafetaʼi moʼoni ki te totogi ʼaē neʼe foaki e Kilisito, ʼi te fakaafe ʼaē ʼe tou maʼu ia Luka 9:23? [w00 15/3 p. 8 pal. 1]
13. He koʼe neʼe tala age e Sesu ki tana ʼu ʼapositolo, ʼe tonu ke nātou liliu anai ohage ko he ʼu kiʼi tamaliki? [my 94]
14. Koteā te faka ʼuhiga ʼo te ʼu palalau ʼa Sesu ʼi tana ʼui ko te laumālie maʼoniʼoni “e ina ako atu anai te meafuape nee au tala atu kia koutou pea e ina fakamanatu anai kia koutou te meafuape nee au tala atu kia koutou”? (Soane 14:26) [w00 1/4 p. 8 pal. 7-8.]
15. He koʼe neʼe ʼui ko te kau Nefilime ʼe ko “te ʼu tagata mālolohi” pea mo “te ʼu tagata ʼiloa”? (Sen. 6:4) [w00 15/4 p. 28 pal. 1]
16. Koteā ʼaē ʼe maʼuhiga ke tou fai moʼo tāʼofi totatou loto naʼa ina kākāʼi tatou? (Sel. 17:9) [w00 1/3 p. 30 pal. 4]
17. Koteā ʼaē ʼe fia fakahā e te Pesalemo 128:3 ʼo ʼuhiga mo te ʼu foha ʼaē ʼe nātou “hage ko he ʼu huliʼi oliveto” ʼe nātou takatakai te laupapa ʼa te tagata? [Lau ʼo te Tohi-Tapu; vakaʼi te w00 15/8 p. 30 pal. 4.]
18. Kapau ʼe fakatupu manavasiʼi te gāue ʼa te ʼAtua, pea ʼe malave feafeaʼi anai kia tatou? (Pes. 139:14) [Lau ʼo te Tohi-Tapu; vakaʼi te w93 1/10 p. 14 pal. 18.]
19. He koʼe ʼe ʼui e Tāʼaga Lea 5:3, 4 ko te ʼu fua ʼo te ʼu aga heʼeʼaoga “ ʼe kona ohage ko te apiseneto” pea “ ʼe māsila ohage ko te heletā ʼe mata lua”? [Lau ʼo te Tohi-Tapu; vakaʼi te w00 15/7 p. 29 pal. 2.]
20. Ohage ko tona ʼui ia Tāʼaga Lea 14:29, ʼe lava tokoni feafeaʼi kia tatou te fakasiosio poto ke tou tekeʼi te ʼu fua kovi ʼo te mole loto lolomi pea mo te hoko ʼita? [Lau ʼo te Tohi-Tapu; vakaʼi te w97 15/3 p. 13 pal. 7-8.]
Koutou fakakatoa te ʼu kupuʼi palalau ʼaenī:
21. Ko he tahi ʼe fia mālalo ʼe nofo ʼi te ʼu ․․․․․․․․ ʼo te ․․․․․․․․, pea ʼe ina ʼiloʼi ʼe ʼi ai te ʼu ․․․․․․․․ ʼi te ʼu meʼa ʼaē ʼe tonu ke ina fai pea mo te ʼu meʼa ʼaē ʼe ina lava fai. (Mik. 6:8) [w00 15/3 p. 21 pal. 1-2]
22. Logola ko te laumālie maʼoniʼoni ʼe mole ina pulihi te ʼu ․․․․․․․․ pea mo te ʼu ․․․․․․․․, kae ʼe lava tokoni mai ke tou ․․․․․․․․. (1 Ko. 10:13; 2 Ko. 4:7) [w00 1/4 p. 11 pal. 6]
23. Ko ia ʼaē ʼe talanoa kiai ia Tāʼaga Lea 8:22 ʼe ina ʼui “ko Sehova totonu neʼe ina fakatupu ʼau,” neʼe ko te ․․․․․․․․. [Lau ʼo te Tohi-Tapu; vakaʼi te wF87 15/5 p. 28; mo te wF75 1/12 p. 735-6.]
24. Kapau ia ʼaho nei, ʼe tou manatu ohage ko te Pesalemo 122:1, 2, pea ʼe tou fiafia anai ʼi tatatou ․․․․․․․․. [Lau ʼo te Tohi-Tapu; vakaʼi te wF80 15/3 p. 28-29.]
25. Ko he tāʼaga lea ʼe ko he ʼu palalau nounou, pea ʼe faka ʼuhiga ․․․․․․․․ pea ʼe fakaʼaogaʼi moʼo uga ․․․․․․․․. [si p. 107 pal. 6]
Koutou fakaʼiloga te ʼu tali ʼaē ʼe totonu:
26. Neʼe maʼuhiga kia Sopo (te ʼiloʼi; te manavaʼofa; te fai fakamāu) ʼa Sehova, koia neʼe (aga fakapotopoto; aga manavaʼofa; faitotonu) ki tana kau kaugana. (Sopo 31:13, 14) [w00 15/3 p. 26 pal. 1.]
27. ʼI totatou temi “neʼe toe ʼaumai e Sehova te hahaʼi popūla ʼo Sione” ʼi te kamata ʼo te taʼu (1878; 1919; 1935). (Pes. 126:1) [Lau ʼo te Tohi-Tapu; vakaʼi te kj p. 301 pal. 18.]
28. Ia Tāʼaga Lea 4:7, ʼe faka ʼuhiga te poto ki (te ʼiloʼi ʼo te ʼu meʼa ʼaē neʼe hoko; te mahino ki te pikipikiga ʼo te ʼu meʼa ʼaē neʼe hoko; te maʼuliʼi ʼo te ʼatamai mālama pea mo te mahino). [w00 15/5 p. 21 pal. 1]
29. Ko te ʼu kumi ʼa te kau tōketā ʼi te temi ʼaenī, ʼe nātou fakahā mai ko te ʼita ʼe lava fakatupu kovi ki te ʼalu lelei ʼa te toto, pea ʼe tupu ai te mahaki mafu, te mamahi ʼulu, te toto ʼo te ihu, te ninimo pea mo te puli ʼo te leʼo, pea ʼe ʼalutahi mo (Tāʼaga Lea 14:30; Sopo 19:20; Pesalemo 12:3). [Lau ʼo te Tohi-Tapu; vakaʼi te g93 8/7 p. 32.]
30. ʼI te ʼu ʼuluaki kapite e lua ʼo te tohi ʼa Paulo ki te kau (Loma; Kalate; Hepeleo), ʼe nā fakaʼaogaʼi lahi te ʼu Pesalemo ʼo ʼuhiga mo te (tuʼulaga māʼoluga; papitema; minisitelio ʼi te kele) ʼo Sesu Kilisito. [si p. 106 pal. 28]
Koutou fakatahiʼi te ʼu vaega ʼaē ʼe ʼalutahi mo te ʼu kupuʼi palalau ʼaenī:
Taag. 3:5-7; 5:21; 14:15; 16:5; Loma 15:4
31. Ko te ʼu felāveʼi fakasino fuli ʼaē ʼe heʼemaʼa, tatau aipe peʼe mole ʼiloʼi e he tahi, kae ʼe mole ū kia mata ʼo te ʼAtua. [w00 15/7 p. 31 pal. 4]
32. ʼE foaki e Sehova te fakaloto fīmālie ʼi tana Folafola, heʼe maʼu ai te ʼamanaki taulekaleka ki te ka haʼu. [w00 15/4 p. 5 pal. 4]
33. Tou falala katoa kia Sehova pea mo tou fakalogo kia te ia. [Lau ʼo te Tohi-Tapu]
34. Ko he tahi ʼe poto pea mo fakasiosio tonu, ʼe ina fakafuafua te ʼu fua kovi ʼo tana aga, pea ʼe mole hoko mulimuli ki he faʼahiga lamote, ʼuhi kua tokolahi ia nātou ʼaē ʼe nātou fai te lamote ʼaia. [Lau ʼo te Tohi-Tapu; vakaʼi te g94 8/12 p. 16 pal. 1.]
35. Kapau ʼe mole tou tauʼi tatatou fialahi, pea ʼe fehiʼa anai ia Sehova kia tatou. [Lau ʼo te Tohi-Tapu]