Te ʼu Tonu

◼ Tufa ʼo ʼOketopeli: Te Tule Leʼo pea mo te Réveillez-vous ! ʼE feala ke foaki te kaupepa Fakamaʼua ki he tahi ʼe fia logo, pea mo tou faiga tāfito ke tou kamata he ʼu ako Tohi-Tapu. Novepeli: Te kaupepa Koteā ʼAē ʼe Fakamaʼua Mai e Te ʼAtua Kia Tatou? peʼe ko te tohi Te ʼAtamai Mālama ʼAē ʼe Ina Taki Ki Te Maʼuli Heʼegata. Kapau kua ʼosi maʼu e te hahaʼi te ʼu tohi ʼaia, pea ʼe feala ke tou tuku age te tohi Adorez Dieu peʼe ko he tohi ʼāfea. Tesepeli Mo Sanualio: Te tagata ʼaē ʼe lahi tokotahi ʼo te ʼu temi fuli. ʼE feala ke koutou tufa mo Te Tohi ʼo Te ʼu Hisitolia Faka Tohi-Tapu.

◼ Ko te pepa ʼaē ʼe ʼalutahi mo Te Minisitelio ʼo Te Puleʼaga ʼaenī ʼe ko te “Polokalama ʼo Te Ako ʼo Te Minisitelio Faka Teokalatike Ki Te Taʼu 2004” pea ʼe tonu ke taupau fakalelei heʼe fakaʼaogaʼi lolotoga te taʼu katoa.

◼ Kapau ʼe fetogi te ʼu hola fono ʼo tokotou kokelekasio ʼi te ʼaho 1 ʼo Sanualio, pea ʼe tonu ke fakahā e te sikalaipe te ʼu fetogi ʼaia ki te filiale. Kapau ʼe ʼaoga, pea ʼe feala ke fakaʼui he tahi ʼu pepa fakaafe ki te ʼu fono. ʼE tonu ke fakaʼui te ʼu pepa fakaafe ʼaia teitei vāhaʼa e valu ʼi muʼa ʼo te temi ʼaē ʼe koutou loto ai ke momoli atu.