Polokalama ʼo Te Ako ʼo Te Minisitelio Faka Teokalatike Ki Te Taʼu 2004

Te ʼu Akonaki

Lolotoga te taʼu 2004 ʼe tou mulimuli anai ki te ʼu fakatuʼutuʼu ʼaenī moʼo fai te Ako ʼo Te Minisitelio Faka Teokalatike.

TE ʼU TOHI: Les Saintes Écritures — Traduction du monde nouveau [bi12], Te Tule Leʼo [w], Tirez profit de l’École du ministère théocratique [be], “ Toute Écriture est inspirée de Dieu et utile ” (tā 1998) [si], Te ʼu Tokoni Ki Te ʼu Fai Palalau Faka Tohi-Tapu [hw], pea mo te kiʼi kaupepa Te ʼu Fai Palalau Faka Tohi-Tapu [td].

Ko te ako ʼe tonu anai ke kamata TAUTONU ʼaki te katiko, mo te faikole, mo te ʼu fakamālo pea ʼe hoko fēnei anai:

HE KALITATE KI TE FAIAKONAKI: Minuta 5. Ko te tagata taupau ʼo te ako, mo te tēhina ʼaē ʼe lagolago ki te tagata taupau ʼaia, peʼe ko he tahi tagata ʼāfea, ʼe ina fai anai he akonaki ki he kalitate ki te faiakonaki, ʼo fakatafito ki te tohi École du ministère. (ʼI te ʼu kokelekasio ʼaē ʼe mole hahaʼi ai te ʼu tagata ʼāfea, ʼe feala ke fakaʼaogaʼi he tagata faifekau faka minisitelio.) ʼE fakaʼaogaʼi anai mo te ʼu talanoa ʼo te tohi, gata pe mo kapau ʼe kole atu ke mole fakaʼaogaʼi. ʼE mole fai anai te ʼu fehuʼi ʼo te ʼu fakaʼosi kapite, koteʼuhi neʼe fakatuʼutuʼu tāfito ke tou fakaʼaogaʼi takitokotahi, pea ko he ʼu tokoni ʼe foaki kia tatou ʼāteaina pe.

AKONAKI N° 1: Minuta 10. ʼE fai anai e he tagata ʼāfea peʼe ko he tagata faifekau faka minisitelio, pea ʼe fakatafito anai ki Te Tule Leʼo, ki te tohi Tirez profit de l’École du ministère théocratique, peʼe ko te tohi “ Toute Écriture est inspirée de Dieu et utile. ” ʼE fai anai ia minuta e 10, pea ʼe mole fai he fakamanatu. Ko te fakatuʼutuʼu ʼo te akonaki ʼaia, ʼe mole gata pe anai ki te fakamatala ʼo he ʼu puani, kae ʼe tonu ke fakahā te ʼaoga ʼo te akonaki ʼaia, pea mo faka maʼuhigaʼi te ʼu puani ʼaē ka ʼaoga tāfito ki te kokelekasio. ʼE fakaʼaogaʼi anai te kupu tāfito ʼaē kua tuku atu. Ko te ʼu tēhina ʼaē ka nātou fai anai te akonaki ʼaia, ʼe nātou tokakaga anai ʼo mulimuli ki te temi ʼaē ʼe tuku age kia nātou. ʼE fai anai he ʼu tokoni ʼāteaina kia nātou mo kapau ʼe ʼaoga.

TE ʼU PUANI ʼAOGA ʼO TE TOHI-TAPU: Minuta 10. ʼI te ʼu ʼuluaki minuta e ono, ʼe palalau anai he tagata ʼāfea faiva peʼe ko he tagata faifekau faka minisitelio faiva ki te ʼu manatu ʼaē ka ʼaoga ki te kokelekasio. Ko te akonaki ʼaia ʼe mole ko he fakamatala fakanounou pe ʼo te ʼu kapite ʼaē neʼe tonu ke lau. Ko te akonaki ʼaia ʼe fakatuʼutuʼu tāfito moʼo tokoni ki te kokelekasio ke nātou mahino pe koʼe ʼe ʼaoga pea mo ʼaoga feafeaʼi te ʼu manatu ʼaia kia nātou. ʼE tokaga anai te tēhina ke mole fakalaka ʼi te ʼu minuta e ono ʼaē neʼe tuku age ki te faʼahi ʼaia. ʼE tonu ke ina tuku minuta e 4 ke fai e te kokelekasio he ʼu tali. ʼE kole anai e te tēhina ki te kokelekasio ke nātou tali fakanounou (ʼe mole tonu ke fakalaka ia sekonita e 30) ʼo ʼuhiga mo te ʼu manatu ʼaē neʼe nātou leleiʼia ʼi tanatou lau te Tohi-Tapu pea mo tona ʼaoga. ʼOsi ʼaia, pea ko te tagata taupau ʼo te ako ʼe ina fakaafe anai te kau ako ke nātou ʼolo ki tonatou ʼu kalasi.

AKONAKI N° 2: Minuta 4. ʼE ko he lautohi ʼe fai anai e he tēhina. ʼI te agamāhani, ko te lautohi ʼaia ʼe toʼo anai mai te Tohi-Tapu. Tuʼa tahi ʼi te māhina, ko te akonaki ʼaia ʼe ko he lau ʼo te ʼu palakalafe ʼo Te Tule Leʼo. Ko ia ʼaē ka ina lau, ʼe mole ina kamata anai ʼaki he ʼu ʼuluaki palalau pea mo he ʼu palalau fakaʼosi. ʼI te vāhaʼa fuli, ʼe mole tatau anai te loaloaga ʼo te ʼu koga tohi ʼaē ka lau, kae ʼe tonu ke fai ia minuta e 4 peʼe siʼisiʼi age. Ko te tagata taupau ʼo te ako, ʼe ina ʼuluaki fakasiosio anai te ʼu koga tohi, ʼi muʼa ʼo hana tufa te kiʼi pepa ʼaē ʼe tohi ai te higoa ʼo ia ʼaē ka lautohi, ʼo mulimuli ki te taʼu ʼa te kau ako pea mo tonatou fealagia. ʼE tokoni tāfito anai te tagata taupau ʼo te ako ke mahino tanatou lautohi, ke totonu, ke faka maʼuhigaʼi te ʼu kupu tāfito, ke lelei te ʼaveʼave ʼo tonatou leʼo, ke fai he ʼu kiʼi tuʼu, pea mo faigaʼi ke hage tanatou ʼu palalau ko tanatou ʼu palalau māhani.

AKONAKI N° 3: Minuta 5. ʼE fai anai e he tuagaʼane. Ko te tuagaʼane ʼaē ka ina fai te kiʼi fai palalau ʼaia ʼe tohi age anai te ʼaluʼaga ʼo te fai palalau, peʼe ina filifili totonu he ʼaluʼaga ʼi te lisi ʼo te pasina 82 ʼo te tohi École du ministère. ʼE tonu ki te kau ako ke nātou fakaʼaogaʼi te kupu tāfito ʼaē kua tuku age, pea mo fakaʼaogaʼi ki he ʼaluʼaga moʼoni pea mo ʼaoga ʼi te fai faka mafola ʼi te telituale ʼo tokotou kokelekasio. Kapau ʼe mole tuku age ki he tuagaʼane he tohi ke fakatafito kiai tana fai palalau, pea ʼe ina fai anai he ʼu kumi ʼi te ʼu tohi ʼaē kua tā e te tagata kaugana agatonu mo poto. Ko te kau ako foʼou, ʼe tuku age anai kia nātou te ʼu akonaki ʼaē ʼe fakatafito ki he tohi kua hinoʼi. Ko te tagata taupau ʼo te ako, ʼe tokaga anai ʼo vakaʼi peʼe gāueʼi feafeaʼi e te tuagaʼane te alatike ʼaē ʼe fai kiai te fai palalau, pea mo ina vakaʼi peʼe tokoni feafeaʼi ki te fafine ʼaē ʼe nā fai palalau ke ina fakakaukauʼi te ʼu vaega ʼaē ʼe nā lau, pea mo mahino ki te ʼu puani tāfito ʼo tanā fai palalau. Ko te tuagaʼane ʼaē ʼe ina fai te akonaki ʼaia ʼe tonu ke poto ʼi te lautohi. ʼE hinoʼi anai e te tagata taupau ʼo te ako he hoa ʼo te tuagaʼane.

AKONAKI N° 4: Minuta 5. ʼE tonu ki te kau ako ke nātou gāueʼi te kupu tāfito ʼaē kua tuku age. Kapau ʼe mole tuku age he tohi ki te akonaki ʼaia, pea ʼe tonu anai ki te kau ako ke nātou fai he ʼu kumi ʼi te ʼu tohi ʼaē neʼe tā e te kalasi ʼo te tagata kaugana agatonu mo poto. Kapau ʼe tuku age ki he tēhina, pea ʼe feala ke ina fai ohage ko he akonaki, ʼo ina manatuʼi te hahaʼi fuli ʼaē ʼi te fale fono. Kapau ʼe ko he tuagaʼane ʼaē ʼe ina fai, pea ʼe tonu ke mulimuli tuʼumaʼu ki te faʼahiga fai ʼo te Akonaki N° 3. ʼE feala ke foaki e te tagata taupau ʼo te ako ki he tēhina te akonaki N° 4 mo kapau ʼe ina sio ʼe feala. Koutou tokagaʼi ko te ʼu akonaki ʼaē ʼe tuʼu ai he kiʼi fakaʼiloga, ʼe fai pe anai e te ʼu tēhina, ohage ko he akonaki.

TE TEMI: ʼE mole tonu anai ke fakalaka te temi ʼo he akonaki, ʼo feiā mo te ʼu fai tokoni ʼa te tagata taupau ʼo te ako. Kapau ʼe fakalaka te temi ʼo te ʼu akonaki kehekehe, mai te N° 2 ʼo aʼu ki te 4, pea ʼe feala ke fakagata tona fai. Kapau ʼe fakalaka te temi ʼo te ʼu tēhina ʼaē ʼe nātou fai te Akonaki N° 1, peʼe ko te ʼu puani ʼaoga ʼo te Tohi-Tapu, pea ʼe fai anai kia nātou he ʼu tokoni ʼāteaina. ʼE tonu kia tatou fuli ke tou tokaga fakalelei ki totatou temi. Ko te polokalama katoa e minuta 45, ʼo mole lau ai te katiko pea mo te faikole.

TE FAI TOKONI: Minuta 1. ʼI te hili ʼo te ʼu akonaki ʼa te kau ako, ko te tagata taupau ʼo te ako ʼe mole fakalaka anai ʼi te minuta tahi, tana fai tokoni fakaloto mālohi ʼo ʼuhiga mo te faʼahiga fai ʼo te ʼu akonaki. ʼE mole gata ʼaki pe anai tana ʼui ʼaē “neʼe lelei,” kae ʼe ina fakahā anai te ʼu tupuʼaga totonu ʼaē neʼe lelei ai te akonaki. ʼO mulimuli ki te ʼu faʼahi ʼaē ʼe ʼaoga ki te kau ako, ʼe feala anai ke fai he tahi ʼu tokoni ʼāteaina ʼi te hili ʼo te fono, peʼe ʼi te tahi temi.

TE TĒHINA LAGOLAGO MOʼO FAI TOKONI: ʼO hilifaki ki te tagata taupau ʼo te ako, ʼe lava filifili e te kolesi ʼo te kau tagata ʼāfea he tagata ʼāfea faiva, ke lagolago moʼo fai tokoni, mo kapau ʼe ʼāteaina he tahi kiai. Kapau ʼe feʼauga te kau tagata ʼāfea ʼi te kokelekasio, pea ʼe fetogi anai te tagata ʼāfea ʼaē ka ina fai te faʼahi ʼaia ʼi te taʼu fuli. Ko te maʼua ʼo te tēhina fai tokoni ʼaia ʼe ko te foaki ʼo he ʼu tokoni ʼāteaina pe mo te ʼu tēhina ʼaē ka nā fai te akonaki N° 1 pea mo te ʼu puani ʼaoga ʼo te Tohi-Tapu, mo kapau ʼe ʼaoga. ʼE mole ʼaoga anai ke ina foaki te ʼu tokoni ʼaia ʼi te ʼu faiakonaki fuli ʼa te ʼu tagata ʼāfea peʼe ko te ʼu tēhina faifekau faka minisitelio. ʼE fai anai te fakatuʼutuʼu ʼaia lolotoga te taʼu 2004, pea ʼe feala ke fai he ʼu fetogi ki muli age.

TE PEPA ʼO TE ʼU TOKONI: ʼI te tohi.

TE FAKAMANATU: Minuta 30. ʼI te ʼu māhina lua fuli, ʼe takitaki anai te fakamanatu ʼaia e te tagata taupau ʼo te ako. ʼE ʼuluaki fai anai he kalitate ki te faiakonaki, pea mo te ʼu puani ʼaoga ʼo te Tohi-Tapu ohage ko tona fakatuʼutuʼu ʼi te polokalama. ʼE fakatafito anai te fakamanatu ki te ʼu puani ʼaē neʼe vakaʼi ʼi te ako lolotoga te ʼu māhina e lua kua ʼosi, ʼo feiā mo te vāhaʼa ʼaē ʼe fai ai te fakamanatu ʼaia.

POLOKALAMA

5 Sanualio Lau ʼo te Tohi-Tapu: Senesi 1-5 Katiko 79

He Kalitate Ki Te Faiakonaki: Fakahā Lelei Te ʼAoga ʼo Te Akonaki (be p. 157 ¶1–5)

N° 1: Te Fai ʼo He Plan (be pp. 39-​42)

N° 2: Mateo 1:​1-17

N° 3: td 1A Te Faka ʼUhiga ʼo Te Agahala

N° 4: aTe Ako ʼe Tou Maʼu Mai Te ʼu Faʼifaʼitaki ʼi Te Tohi-Tapu ʼo Te Hahaʼi ʼAē Neʼe Mole Nātou Fai Te Meʼa ʼAē ʼe Totonu

12 Sanualio Lau ʼo te Tohi-Tapu: Senesi 6-10 Katiko 215

He Kalitate Ki Te Faiakonaki: Fakahā Lelei Te ʼAoga ʼo Te Akonaki (be p. 158 ¶1-3)

N° 1: Te Aga Maʼa​—Koteā Tona Faka ʼUhiga Moʼoni? (w02 1/2 pp. 4-7)

N° 2: Mateo 1:18–2:12

N° 3: He Koʼe ʼe Kovi Te Loi?

N° 4: td 1B He Koʼe ʼe Tou Maʼuli Mamahi ʼAki Te Agahala ʼa Atama

19 Sanualio Lau ʼo te Tohi-Tapu: Senesi 11-16 Katiko 220

He Kalitate Ki Te Faiakonaki: Tou Tokoni Ki Te Hahaʼi Ke Nātou Mahino Ki Te Manatu (be p. 158 ¶4-p. 159 ¶3)

N° 1: Ko Te ʼu Pelesepeto Fakaʼatua ʼe ʼAoga Kia Koutou (w02 15/2 pp. 4-7)

N° 2: Mateo 2:​13–3:6

N° 3: td 1C Koteā Te Fuaʼi ʼAkau ʼAē Neʼe Tapuʼi?

N° 4: He Koʼe ʼe Vaevae e Te Kau Fakamoʼoni ʼa Sehova Tanatou ʼAmanaki Mo Te Hahaʼi?

26 Sanualio Lau ʼo te Tohi-Tapu: Senesi 17-20 Katiko 106

He Kalitate Ki Te Faiakonaki: Te Filifili ʼo Te ʼu Kupuʼi Palalau (be p. 160 ¶1-3)

N° 1: Te Lotomahino ʼe Tokoni Mai Ke Tou Agalelei Pea Mo Manavaʼofa (w02 15/4 pp. 24-7)

N° 2: w02 1/1 pp. 10-​11 ¶9-​11

N° 3: Koteā Te Faka ʼUhiga ʼo Te ʼu Palalau ʼa Sesu Ia Luka 13:24?

N° 4: td 1D Koteā Te Agahala Ki Te Laumālie Maʼoniʼoni?

2 Fepualio Lau ʼo te Tohi-Tapu: Senesi 21-24 Katiko 64

He Kalitate Ki Te Faiakonaki: Ko He Palalau ʼe Faigafua Te Mahino Kiai (be p. 161 ¶1-4)

N° 1: Te Teuteuʼi ʼo He Akonaki Ki Te Ako (be p. 43 ¶1–p. 44 ¶3)

N° 2: Mateo 3:7–4:4

N° 3: td 2A ʼE Mole Ko Te ʼAtua ʼAē ʼe Ina Fakatupu Te ʼu Mamahi ʼi Te Malamanei

N° 4: bHe Koʼe ʼe Tonu Ke Faka Maʼuhigaʼi Te Fakapapau ʼAē Ki Te ʼOhoana?

9 Fepualio Lau ʼo te Tohi-Tapu: Senesi 25-28 Katiko 9

He Kalitate Ki Te Faiakonaki: Tou Palalau ʼo Fakaʼaogaʼi He ʼu Kupu Kehekehe Pea Mo Totonu (be p. 161 ¶5–p. 162 ¶4)

N° 1: Te Teuteuʼi ʼo He Fai Palalau Pea Mo Te Filifili ʼo Te ʼAluʼaga Ki Te Fai Palalau (be p. 44 ¶4–p. 46 ¶1)

N° 2: Mateo 4:​5-17

N° 3: ʼE Lava Maʼu Feafeaʼi Te Tokalelei Moʼoni ʼi Te Mālama Maveuveu ʼAenī?

N° 4: td 2B He Koʼe Neʼe Fakagafua e Te ʼAtua Te Agakovi

16 Fepualio Lau ʼo te Tohi-Tapu: Senesi 29-31 Katiko 160

He Kalitate Ki Te Faiakonaki: Ko He ʼu Kupu ʼe Nātou Foaki Te Mālohi, ʼe ʼIloga Ai Te ʼu Meʼa ʼi Totatou Loto, Pea Mo Maʼuli Ai Te Faiakonaki (be p. 163 ¶1–p. 164 ¶2)

N° 1: ʼE Takitaki Te Hahaʼi Agatonu e Te Agatonu (w02 15/5 pp. 24-​7)

N° 2: w02 1/2 pp. 15-​16 ¶6-​10

N° 3: td 2C ʼE Fakahā e Te ʼAtua Tona Manavaʼofa Lahi

N° 4: He Koʼe Ko Te Vilitute ʼe Ko He Kalitate Maʼuhiga Ki Te Kau Kilisitiano?

23 Fepualio Lau ʼo te Tohi-Tapu: Senesi 32-35 Katiko 1

He Kalitate Ki Te Faiakonaki: Tou Mulimuli Ki Te Faʼahiga Faʼu ʼo Te Lea (be p. 164 ¶3–p. 165 ¶1)

Ko Te Fai Palalau Moʼo Fakamanatu

1 Malesio Lau ʼo te Tohi-Tapu: Senesi 36-39 Katiko 49

He Kalitate Ki Te Faiakonaki: Te Fakaʼaogaʼi ʼo He Plan (be p. 166 ¶1–p. 167 ¶1)

N° 1: Te Teuteuʼi ʼo Te ʼu Faiakonaki Maʼa Te Kokelekasio (be p. 47 ¶1–p. 49 ¶1)

N° 2: Mateo 4:18–5:7

N° 3: He Koʼe ʼe Tonu Ke Fakapipiki Te Faʼa Kātaki Ki Tatatou Tui?

N° 4: td 2D Ko Te Puleʼaki Pe e Tahi, Ko Te Puleʼaga ʼo Te ʼAtua

8 Malesio Lau ʼo te Tohi-Tapu: Senesi 40-42 Katiko 205

He Kalitate Ki Te Faiakonaki: Koutou Fakatuʼutuʼu Lelei Takotou ʼu Manatu (be p. 167 ¶2–p. 168 ¶1)

N° 1: Tou Teuteuʼi Te ʼu Koga ʼo Te Fono Gāue Pea Mo Te Tahi ʼu Akonaki (be p. 49 ¶2–p. 51 ¶1)

N° 2: Mateo 5:​8-20

N° 3: ʼE Lava Taupau Feafeaʼi He ʼu Felogoi Lelei Mo Sehova?

N° 4: td 3A Koteā ʼAē ʼe ʼUi e Te Tohi-Tapu ʼo ʼUhiga Mo Te ʼAho Fakamanatu?

15 Malesio Lau ʼo te Tohi-Tapu: Senesi 43-46 Katiko 67

He Kalitate Ki Te Faiakonaki: Ke Faigafua Te Plan ʼo Takotou Faiakonaki (be p. 168 ¶2–p. 169 ¶5)

N° 1: Te ʼu Faiga Mālohi​—Ko ʼAfea ʼe Hoki Tapuakina Ai e Sehova? (w02 1/8 pp. 29-​31)

N° 2: Mateo 5:​21-37

N° 3: td 3B Te Misa​—ʼE Mole ʼAlutahi Te Toʼotoʼoga ʼAia Mo Te Tohi-Tapu

N° 4: ʼE Tou Lava Maʼu Feafeaʼi Hotatou ʼu Kaumeʼa ʼAki Te ʼu Koloā Heʼe Faitotonu?

22 Malesio Lau ʼo te Tohi-Tapu: Senesi 47-50 Katiko 7

He Kalitate Ki Te Faiakonaki: Ko Te Fakatokatoka Lelei ʼo Te ʼu Manatu (be p. 170 ¶1–p. 171 ¶2)

N° 1: He Koʼe Neʼe Tali e Sehova Te Sakilifisio ʼa Apele Kae Fakafisi Ki Te Sakilifisio ʼa Kaino? (w02 1/8 p. 28)

N° 2: Mateo 5:​38–6:4

N° 3: td 4A Koteā Te Faka ʼUhiga ʼo Te “Fakaʼosi ʼo Te Malamanei”?

N° 4: He Koʼe Ko Te Manavasiʼi Kia Sehova ʼe Ko Te Kamataʼaga ʼo Te Poto?

29 Malesio Lau ʼo te Tohi-Tapu: Ekesote 1-6 Katiko 52

He Kalitate Ki Te Faiakonaki: Te Tahi Faʼahiga Fakatokatoka ʼo Te ʼu Manatu (be p. 171 ¶3–p. 172 ¶5)

N° 1: ʼE Hāofaki Feafeaʼi Koutou e Tokotou Fealagia Fakakaukau? (w02 15/8 pp. 21-4)

N° 2: w02 15/2 pp. 19-​20 ¶7-​11

N° 3: Koteā Te Manatu ʼa Sehova ʼo ʼUhiga Mo Te Fialahi?

N° 4: td 4B Tou Tokagaʼi Te ʼu Fakaʼiloga ʼo Te ʼu ʼAho Fakamuli

5 ʼApelili Lau ʼo te Tohi-Tapu: Ekesote 7-10 Katiko 76

He Kalitate Ki Te Faiakonaki: Tou Fakaʼaogaʼi Pe Te ʼu Tohi ʼAē ʼe ʼAoga (be p. 173 ¶1-4)

N° 1: Te Teuteuʼi ʼo Te ʼu Faiakonaki Ki Te Kaugamālie (be p. 52 ¶1–p. 54 ¶1)

N° 2: Mateo 6:​5-18

N° 3: td 5A Ko Te Kau ʼUluaki Kilisitiano Neʼe Mole Nātou Fai Te Po Tapu Pea Mo Te ʼu ʼAho Tupu

N° 4: He Koʼe Ko Te ʼAmanaki ʼe Ko “He Foʼi Tau Ki Te Maʼuli”?

12 ʼApelili Lau ʼo te Tohi-Tapu: Ekesote 11-14 Katiko 87

He Kalitate Ki Te Faiakonaki: He Akonaki ʼe Fai ʼAki Pe He Plan (be p. 174 ¶1–p. 175 ¶4)

N° 1: Te ʼu Tonu ʼe Tonu Ke Fai e Te Tēhina Faiakonaki (be p. 54 ¶2-4; p. 55, te kiʼi talanoa)

N° 2: Mateo 6:​19-34

N° 3: He Koʼe ʼe Tonu Ke Tou Tali Ke Akonakiʼi Tatou e Sehova?

N° 4: Koteā Te Tafitoʼaga ʼo Te Akonaki ʼo Te Pulekatolio? (hw p. 55 ¶1–p. 56 ¶1-3)

19 ʼApelili Lau ʼo te Tohi-Tapu: Ekesote 15-18 Katiko 53

He Kalitate Ki Te Faiakonaki: Te ʼu Faʼahi ʼAē ʼe Mole Tonu Ke Tou Fai Mokā Tou Fakaʼaogaʼi Pe He Plan (be p. 175 ¶5–p. 177 ¶1)

N° 1: ʼE Tonu Ke Tou Faka ʼUhiga Feafeaʼi Te ʼu ʼAhiʼahi? (w02 1/9 pp. 29-​31)

N° 2: w02 1/3 pp. 15-​16 ¶8-​11

N° 3: Ko Ia ʼAē Kua Mate ʼe Tonu Koa Ke Fakatūʼa Ia Ia ʼUhi Ko Tana ʼu Agahala? (hw p. 56 ¶2-6)

N° 4: cHe Koʼe Ko Te ʼOhoana ʼe Ko He Maʼuli Fakatahi ʼo Aʼu Ki Te Mate?

26 ʼApelili Lau ʼo te Tohi-Tapu: Ekesote 19-22 Katiko 59

He Kalitate Ki Te Faiakonaki: Kapau ʼe Kole Atu e He Tahi He Fakamahino (be p. 177 ¶2–p. 178 ¶2)

He Fai Palalau Moʼo Fakamanatu

3 Maio Lau ʼo te Tohi-Tapu: Ekesote 23-26 Katiko 13

He Kalitate Ki Te Faiakonaki: Tatatou Faʼahiga Palalau (be pp. 179-​80)

N° 1: Koutou Hikihiki Takotou Poto ʼi Te Faiakonaki (be p. 56 ¶1–p. 57 ¶2)

N° 2: Mateo 7:​1-14

N° 3: ʼE Lava Tokoni Feafeaʼi Sehova Ki He Tahi Ke Ina Tauʼi Tana ʼu Agamāhani Kovi?

N° 4: td 6A Koteā Te ’Ēkelesia Moʼoni Pea Mo Tona Tafitoʼaga?

10 Maio Lau ʼo te Tohi-Tapu: Ekesote 27-29 Katiko 28

He Kalitate Ki Te Faiakonaki: Koutou Maʼu He Leʼo ʼe Logo Lelei (be p. 181 ¶1-4)

N° 1: “Koutou Fakakehekeheʼi” (be p. 57 ¶3–p. 58 ¶2)

N° 2: Mateo 7:​15-29

N° 3: td 6B Ko Petelo Koa Te “Maka”?

N° 4: He Koʼe ʼe Kovi Te Maʼu ʼo He ʼu Manatu Fakapalatahi?

17 Maio Lau ʼo te Tohi-Tapu: Ekesote 30-33 Katiko 93

He Kalitate Ki Te Faiakonaki: Koutou Fakaʼaogaʼi Lelei Takotou Mānava (be p. 181 ¶5–p. 184 ¶1; p. 182, te kiʼi talanoa)

N° 1: Koutou Uga Te Nofoʼaki Ke Nātou Fakakaukau (be p. 58 ¶3–p. 59 ¶3)

N° 2: Mateo 8:​1-15

N° 3: He Koʼe ʼe Tonu Ke Tou Agamālū?

N° 4: td 7A Ko Te Kau Kilisitiano Moʼoni Fuli ʼe Tonu Ke Nātou Fagonogono Te Moʼoni

24 Maio Lau ʼo te Tohi-Tapu Ekesote 34-37 Katiko 86

He Kalitate Ki Te Faiakonaki: Koutou Faoʼi Takotou ʼu Ivi (be p. 184 ¶2–p. 185 ¶2; p. 184, te kiʼi talanoa)

N° 1: Koutou Fakahā Te Faʼahiga Maʼuliʼi ʼo Te ʼu Manatu Pea Mo Tuku He Faʼifaʼitaki Lelei (be p. 60 ¶1–p. 61 ¶2)

N° 2: Mateo 8:​16-27

N° 3: td 7B He Koʼe ʼe Tonu Ke Tou ʼAʼahi Liuliuga Te Hahaʼi?

N° 4: He Koʼe ʼe Tonu Ke Tou Agatonu ʼi Te ʼu Kiʼi Meʼa Liliki?

31 Maio Lau ʼo te Tohi-Tapu: Ekesote 38-40 Katiko 204

He Kalitate Ki Te Faiakonaki: Tou Tokagaʼi Te Manatu ʼo Ia ʼAē ʼe Fai Palalau Mo Tatou (be p. 186 ¶1-4)

N° 1: ʼE Tou Lava Hikihiki Feafeaʼi Tatatou ʼu Fai Palalau Ke Toe Lelei Age (be p. 62 ¶1–p. 64 ¶1)

N° 2: w02 1/5 pp. 19-​20 ¶3-6

N° 3: Ko Te Fakaloto Fīmālie ʼe Lava Maʼu e He Tahi Mo Kapau ʼe Mahino Kia 1 Soane 3:​19, 20?

N° 4: td 7C Ko Tatatou Fai Fagonogono ʼe Ina Fakamaʼa Tatou Mai Te Toto

7 Sūnio Lau ʼo te Tohi-Tapu: Levitike 1-5 Katiko 21

He Kalitate Ki Te Faiakonaki: Koutou Fakalogo Lelei (be p. 187 ¶1-5)

N° 1: ʼE Lava Feafeaʼi He Hoko Atu ʼa He Fai Palalau (be p. 64 ¶2–p. 65 ¶4)

N° 2: Mateo 8:28–9:8

N° 3: td 8A Te ʼu Faikole ʼAē ʼe Fakalogo Kiai Te ʼAtua

N° 4: He Koʼe ʼe Kovi Te Faifakalauʼakau?

14 Sūnio Lau ʼo te Tohi-Tapu: Levitike 6-9 Katiko 121

He Kalitate Ki Te Faiakonaki: Koutou Tokoni Ki ʼIhi Ke Nātou Tuputupu (be p. 187 ¶6–p. 188 ¶3)

N° 1: Koutou Faiga Ke Koutou ʼIloʼi Te Manatu ʼo Ia e Fai Palalau Mo Koutou (be p. 66 ¶1–p. 68 ¶1)

N° 2: Mateo 9:​9-26

N° 3: ʼE Tou Lava Ako Feafeaʼi Ke Tou Fehiʼa Ki Te Meʼa ʼAē ʼe Kovi?

N° 4: td 8B Ko Te ʼu Faikole Fea ʼAē ʼe Mole Fakalogo e Te ʼAtua?

21 Sūnio Lau ʼo te Tohi-Tapu: Levitike 10-13 Katiko 183

He Kalitate Ki Te Faiakonaki: Koutou Foaki He Tokoni ʼAoga Ki Te Hahaʼi (be p. 188 ¶4–p. 189 ¶4)

N° 1: ʼE Tonu Ke Feafeaʼi Takotou ʼu Faʼahiga Tali (be p. 68 ¶2–p. 70 ¶3)

N° 2: Mateo 9:27–10:4

N° 3: td 9A He Koʼe ʼe Fehiʼaʼinaʼi Te Kau Kilisitiano Moʼoni?

N° 4: Koteā Te Manatu ʼa Sehova ʼo ʼUhiga Mo Te Kākā?

28 Sūnio Lau ʼo te Tohi-Tapu: Levitike 14-16 Katiko 18

He Kalitate Ki Te Faiakonaki: Koutou Fakaʼapaʼapa Ki Te Hahaʼi (be p. 190 ¶1–p. 191 ¶1)

He Fai Palalau Moʼo Fakamanatu

5 Sūlio Lau ʼo te Tohi-Tapu: Levitike 17-20 Katiko 54

He Kalitate Ki Te Faiakonaki: Koutou Aga Fakaʼapaʼapa (be p. 191 ¶2–p. 192 ¶1)

N° 1: He ʼu Fai Palalau Mokā Tou Fai He ʼu Tohi (be pp. 71-3)

N° 2: Mateo 10:​5-19

N° 3: Tou Falala Ki Te Kautahi ʼa Sehova

N° 4: td 9B ʼE Mole Tuku Anai e Te Fafine Ke Fakamavae Ia Ia e Tona ʼOhoana Mai Te ʼAtua

12 Sūlio Lau ʼo te Tohi-Tapu: Levitike 21-24 Katiko 138

He Kalitate Ki Te Faiakonaki: Koutou Palalau ʼAki He Aga Fakaʼapaʼapa (be p. 192 ¶2–p. 193 ¶2)

N° 1: Koutou Holi Ke Koutou Tuputupu (be p. 74 ¶1–p. 75 ¶3)

N° 2: Mateo 10:​20-36

N° 3: td 9C ʼE Mole Tuku Anai e Te Tagata Ke Tāʼofi e Tona ʼOhoana Tana Tauhi Ki Te ʼAtua

N° 4: Ko Sehova ʼe Ko Te ʼAtua Koa ʼa Te Kau Sutea?

19 Sūlio Lau ʼo te Tohi-Tapu: Levitike 25-27 Katiko 7

He Kalitate Ki Te Faiakonaki: Koutou Tui Papau Ki Te Meʼa ʼAē ʼe Koutou Tala (be p. 194 ¶1–p. 195 ¶2)

N° 1: Koutou Fakaʼaogaʼi Te Poto ʼAē ʼe Koutou Maʼu (be p. 75 ¶4–p. 77 ¶2)

N° 2: Mateo 10:37–11:10

N° 3: ʼE Pulihi Feafeaʼi Anai Te ʼu Fai Fakapō

N° 4: td 10A He Koʼe ʼe Maʼuhiga Age Te Fakamālōlō Fakalaumālie?

26 Sūlio Lau ʼo te Tohi-Tapu: Faka au 1-3 Katiko 30

He Kalitate Ki Te Faiakonaki: E Feafeaʼi Hakotou Fakahā ʼe Koutou Tui Ki Te Meʼa ʼAē ʼe Koutou Tala? (be p. 195 ¶3–p. 196 ¶4)

N° 1: ʼE Tonu Koa Ke Maheka Te Kau Kilisitiano? (w02 15/10 pp. 28-​31)

N° 2: w02 15/6 pp. 18-​19 ¶6-9

N° 3: td 10B Ko Te Puleʼaga ʼo Te ʼAtua ʼe Ina Molehi Anai Tatatou ʼu Mahaki ʼo Talu Ai

N° 4: ʼE Kovi Koa Hatatou Tagi Mokā Mate He Tahi Neʼe Tou ʼOfa Ki Ai?

2 ʼAukusito Lau ʼo te Tohi-Tapu: Faka au 4-6 Katiko 31

He Kalitate Ki Te Faiakonaki: Tou Palalau Fakaʼeteʼete Kae ʼAki He Mālohi (be p. 197 ¶1-3)

N° 1: Tou Fai Ke Maʼuhiga Tatatou ʼu ʼAho Ia Muʼa ʼo Sehova (w02 15/11 pp. 20-​3)

N° 2: Mateo 11:​11-27

N° 3: ʼE Lava Tokoni Feafeaʼi Te Tohi-Tapu Ki Te Hahaʼi Ke Gata Tanatou Fefehiʼaʼaki?

N° 4: td 10C Ko Te ʼu Fakamālōlō ʼo Te Temi Nei ʼe Mole Ko He Fakamoʼoni ʼAia ʼe Tali e Te ʼAtua

9 ʼAukusito Lau ʼo te Tohi-Tapu: Faka au 7-9 Katiko 35

He Kalitate Ki Te Faiakonaki: Tou Palalau Fakaʼeteʼete Mokā Tou Fai Faka Mafola (be p. 197 ¶4–p. 198 ¶5)

N° 1: ʼE Feala Koa ʼi He ʼAho Ke Mole Kei ʼi Ai He Fakapalatahi? (w02 1/1 pp. 4-7)

N° 2: Mateo 11:28–12:14

N° 3: td 10D Ko Te Poto ʼi Te ʼu Lea Neʼe Ko He Fakatuʼutuʼu Faka Temi Pe Ia

N° 4: Ko Ai Ia Ia ʼAē ʼe Fakafeagai Kia Kilisito?

16 ʼAukusito Lau ʼo te Tohi-Tapu: Faka au 10-13 Katiko 23

Ko He Kalitate Ki Te Faiakonaki: Ko He ʼu Palalau Lelei ʼi Tona Temi Totonu (be p. 199 ¶1-4)

N° 1: Tou Falala Kia Sehova​—Te ʼAtua ʼAē ʼe Maʼuli Moʼoni (w02 15/1 pp. 5-7)

N° 2: Mateo 12:​15-29

N° 3: ʼE ʼAlutahi Koa Te Lagavaka ʼa Te ʼAtua Mo Tona ʼOfa?

N° 4: td 11A Te Haʼuʼaga ʼo Te Kau Fakamoʼoni ʼa Sehova

23 ʼAukusito Lau ʼo te Tohi-Tapu: Faka au 14-16 Katiko 207

Ko He Kalitate Ki Te Faiakonaki: Tou Palalau Fakaʼeteʼete Mo Tatatou Famili Pea Mo Te Kau Kilisitiano (be p. 200 ¶1-4)

N° 1: Ko He Tautēhina Neʼe Kehekehe Tanā Aga (w02 15/1 pp. 21-3)

N° 2: w02 15/7 pp. 23-4 ¶15-​19

N° 3: td 12A ʼE Mole Loto e Te ʼAtua Ke Tou Fakatahi Mo He Tahi ʼu Lotu

N° 4: dHe Koʼe ʼe Mole Lelei Te ʼu Gaoʼi Viteo Agamālohi Maʼa Te Kau Kilisitiano?

30 ʼAukusito Lau ʼo te Tohi-Tapu: Faka au 17-21 Katiko 150

He Kalitate Ki Te Faiakonaki: Koutou Fai He ʼu Palalau Fakaloto Mālohi Pea Mo Lelei (be p. 202 ¶1–p. 203 ¶2)

He Fai Palalau Moʼo Fakamanatu

6 Sepetepeli Lau ʼo te Tohi-Tapu: Faka au 22-25 Katiko 42

He Kalitate Ki Te Faiakonaki: Koutou Haga Fai He ʼu Palalau Lelei (be p. 203 ¶3–p. 204 ¶1)

N° 1: He Koʼe Neʼe Fakaʼauha Te Mālama ʼĀfea? (w02 1/3 pp. 5-7)

N° 2: Mateo 12:​30-45

N° 3: td 12B ʼE Mole Tonu Te ʼUi ʼAē “ ʼe Lelei Te ʼu Lotu Fuli”

N° 4: eHe Koʼe ʼe Tonu Ki Te ʼu Mātuʼa Kilisitiano Ke Nātou Lautohi Ki Tanatou Fānau

13 Sepetepeli Lau ʼo te Tohi-Tapu: Faka au 26-29 Katiko 71

He Kalitate Ki Te Faiakonaki: ʼI Takotou ʼu Fai Palalau Mo Te ʼu Tēhina Mo Tuagaʼane (be p. 204 ¶2–p. 205 ¶4)

N° 1: ʼE Pulihi Feafeaʼi Anai Te ʼu Mahaki Fakatupu Māʼimoa (w02 1/5 pp. 4-7)

N° 2: Mateo 12:46–13:9

N° 3: td 13A Ko Te Fakaʼaogaʼi ʼo Te ʼu Fakatātā ʼi Te Tauhi ʼe Ko He Meʼa Fakaufiufi Ki Te ʼAtua

N° 4: ʼE Fakahoko Feafeaʼi Te ʼu Fakapapau ʼa Te ʼAtua ʼAki Ia Sesu Kilisito?

20 Sepetepeli Lau ʼo te Tohi-Tapu: Faka au 30-32 Katiko 51

He Kalitate Ki Te Faiakonaki: He ʼu Palalau ʼe Fai Liuliuga Moʼo Faka Maʼuhigaʼi (be p. 206 ¶1-4)

N° 1: Koutou To Te Faitotonu, Koutou Utu Te Lotoʼofa ʼo Te ʼAtua (w02 15/7 pp. 28-​31)

N° 2: Mateo 13:​10-23

N° 3: td 13B Neʼe Fakaʼauha Te Puleʼaga ʼo Iselaele ʼUhi Ko Tanatou Tauhi Fakatātā

N° 4: fHe Koʼe ʼe Mole Tonu Ke Tou Sioʼi He ʼu Paki Peʼe Ko He ʼu ʼAta ʼe Hā Ai He ʼu Felāveʼi Fakasino Heʼeʼaoga?

27 Sepetepeli Lau ʼo te Tohi-Tapu: Faka au 33-36 Katiko 47

He Kalitate Ki Te Faiakonaki: Tou Fai Liuliuga Tatatou ʼu Palalau ʼi Tatatou Fai Faka Mafola Pea Mo Tatatou Faiakonaki (be p. 207 ¶1–p. 208 ¶3)

N° 1: ʼE Lava Tokoni Feafeaʼi Koa Te Kau Sagato Moʼoni Kia Koutou? (w02 15/9 pp. 4-7)

N° 2: w02 1/8 pp. 18-​19 ¶15-​19

N° 3: td 13C ʼE Mole Tali e te ʼAtua Ke “Vaelua” Tatatou Tauhi

N° 4: He Koʼe ʼe Mole Lelei Te ʼu Fai Gaoʼi Fakamataku?

4 ʼOketopeli Lau ʼo te Tohi-Tapu: Teutalonome 1-3 Katiko 191

He Kalitate Ki Te Faiakonaki: Te Fakamatala ʼo Te Kupu Tāfito (be p. 209 ¶1-3)

N° 1: ʼE Maʼu Te Fakafimālie ʼAki Te ʼAtamai Mālama Totonu ʼo ʼUhiga Mo Te ʼAtua (w02 1/10 pp. 5-7)

N° 2: Mateo 13:​24-35

N° 3: Koteā Te Faka ʼUhiga ʼo Te Maʼuliʼi ʼo Te Moʼoni?

N° 4: td 14A ʼE Manatu Tahi Koa Te ʼu Meʼa Fakapoto Lalahi Mo Te Tohi-Tapu?

11 ʼOketopeli Lau ʼo te Tohi-Tapu: Teutalonome 4-6 Katiko 181

He Kalitate Ki Te Faiakonaki: Koutou Filifili Te Kupu Tāfito ʼAē ʼe Lelei (be p. 210 ¶1–p. 211 ¶1; p. 211, te kiʼi talanoa)

N° 1: Te Lau ʼo Te Temi Mai Te Taʼu 537 ʼi Muʼa ʼo Totatou Temi Ki Te Taʼu 997 ʼi Muʼa ʼo Totatou Temi (si p. 285 ¶5-7)

N° 2: Mateo 13:​36-50

N° 3: td 14B Ko Te ʼu ʼAho ʼo Te Fakatupu Neʼe Ko ʼAho Koa e Hola 24?

N° 4: Koteā Te Faka ʼUhiga ʼo Te ‘Manatu Ki Te Laumālie’?

18 ʼOketopeli Lau ʼo te Tohi-Tapu: Teutalonome 7-​10 Katiko 78

He Kalitate Ki Te Faiakonaki: Te Faka Maʼuhigaʼi ʼo Te ʼu Manatu Tāfito (be p. 212 ¶1–p. 213 ¶2)

N° 1: Te Lau ʼo Te Temi Mai Te Taʼu 997 ʼi Muʼa ʼo Totatou Temi Ki Te Taʼu 2370 ʼi Muʼa ʼo Totatou Temi (si pp. 285-6 ¶8-​11)

N° 2: w02 15/8 pp. 15-​16 ¶3-6

N° 3: td 15A Ko Ai ʼAē Ka Fakatuʼuake Anai Mai Te Mate?

N° 4: gKoteā Te Manatu ʼa Sehova ʼo ʼUhiga Mo Te Kau ʼAposita

25 ʼOketopeli Lau ʼo te Tohi-Tapu: Teutalonome 11-​13 Katiko 34

He Kalitate Ki Te Faiakonaki: ʼAua Naʼa Lahi Fau Te ʼu Manatu Tāfito (be p. 213 ¶3–p. 214 ¶5)

He Fai Palalau Moʼo Fakamanatu

1 Novepeli Lau ʼo te Tohi-Tapu: Teutalonome 14-​18 Katiko 26

He Kalitate Ki Te Faiakonaki: Ko He ʼu ʼUluaki Palalau ʼe Fakatupu Te Fia Logo (be p. 215 ¶1–p. 216 ¶5)

N° 1: Te Lau ʼo Te Temi Mai Te Taʼu 2370 ʼi Muʼa ʼo Totatou Temi Ki Te Taʼu 4026 ʼi Muʼa ʼo Totatou Temi (si pp. 286-7 ¶12-​15)

N° 2: Mateo 13:51–14:7

N° 3: td 15B ʼE Fakatuʼuake Anai ʼIfea Te Kau Mate?

N° 4: He Koʼe ʼe Tonu Ki Te Kau Kilisitiano Ke Nātou Faka Faigafua Tonatou Maʼuli?

8 Novepeli Lau ʼo te Tohi-Tapu: Teutalonome 19-​22 Katiko 25

He Kalitate Ki Te Faiakonaki: Koutou Faiga Ke Fia Logo Te Hahaʼi Mokā Koutou Fai Faka Mafola (be p. 217 ¶1-4)

N° 1: Te Maʼuli ʼa Sesu ʼi Te Kele (si p. 291 ¶16-17)

N° 2: Mateo 14:​8-21

N° 3: td 16A ʼE Fakagata Feafeaʼi Anai Te Agakovi?

N° 4: ʼE Lava Tokoni Feafeaʼi Mai Kia Tatou Te ʼu Faʼifaʼitaki Faka Tohi-Tapu Ke Tou Tauʼi Te Lotovaivai?

15 Novepeli Lau ʼo te Tohi-Tapu: Teutalonome 23-​27 Katiko 20

He Kalitate Ki Te Faiakonaki: ʼI Takotou ʼu ʼUluaki Palalau, Koutou Fakahā Te Puani Tāfito ʼAē Ka Koutou Palalau Kiai (be p. 217 ¶5–p. 219 ¶3)

N° 1: Te Vaevae ʼo Temi ʼo Te Minisitelio ʼo Sesu (si p. 291 ¶18-​19)

N° 2: Mateo 14:​22-36

N° 3: ʼE Tou Lava ʼIloʼi Feafeaʼi Ia Nātou ʼAē ʼe Lagolago Ki Ai Te ʼAtua?

N° 4: td 16B He Koʼe Ko Halamaketone ʼe Ko He Aga ʼOfa ʼAia Mai Te ʼAtua?

22 Novepeli Lau ʼo te Tohi-Tapu: Teutalonome 28-​31 Katiko 32

He Kalitate Ki Te Faiakonaki: Ko He ʼu Palalau Fakaʼosi ʼe Fakaloto Mālohi (be p. 220 ¶1-3)

N° 1: Te Lau ʼo Te ʼu Taʼu ʼi Te Temi ʼo Te Kau ʼApositolo (si pp. 291-2 ¶20-3)

N° 2: Mateo 15:​1-20

N° 3: td 17A ʼE Hāofaki Tatou e Te ʼAtua ʼAki Pe Ia Kilisito

N° 4: He Koʼe ʼe Tonu Ke Fia Mālalo Te Kau Kilisitiano?

29 Novepeli Lau ʼo te Tohi-Tapu: Teutalonome 32-​34 Katiko 41

He Kalitate Ki Te Faiakonaki: Te ʼu Puani ʼAē ʼe Mole Tonu Ke Galoʼi (be p. 220 ¶4–p. 221 ¶4)

N° 1: Te Lua Folau Faka Misionea ʼa Paulo (si pp. 292 ¶24-5)

N° 2: w02 15/10 p. 11 ¶10-​13

N° 3: He ʼu ʼAluʼaga ʼe Feala Ai Ke Tou Tāpuhā Te Huafa ʼo Te ʼAtua

N° 4: td 17B ʼE Mole Tuʼu ʼi Te Tohi-Tapu Te ʼUi ʼAē “Kua Hāofaki Kita ʼo Talu Ai”

6 Tesepeli Lau ʼo te Tohi-Tapu: Sosue 1-5 Katiko 40

He Kalitate Ki Te Faiakonaki: ʼI Te Fai Faka Mafola (be p. 221 ¶5–p. 222 ¶6)

N° 1: Te Tolu Folau Faka Misionea ʼa Paulo Pea Mo Te ʼu Taʼu Fakaʼosi, 56-​100 ʼi Totatou Temi (si p. 293 ¶26-​30)

N° 2: Mateo 15:​21-35

N° 3: td 17C ʼE Mole ʼUi e Te Tohi-Tapu ʼe Hāofaki Anai Te “Malamanei Katoa”

N° 4: Ko Te Po Tapu ʼe Ko He Lafeti Faka Kilisitiano Koa?

13 Tesepeli Lau ʼo te Tohi-Tapu: Sosue 6-8 Katiko 213

He Kalitate Ki Te Faiakonaki: Ko He ʼu Palalau ʼe Moʼoni (be p. 223 ¶1-5)

N° 1: Te Faifakalelei​—ʼE Ko Te Kalavi ʼo Te Tokalelei (w02 1/11 pp. 4-7)

N° 2: Mateo 15:36–16:12

N° 3: He Koʼe ʼe Tonu Ke Hoko Atu Tatatou Fai Faka Mafola ʼi Te ʼu ʼApi?

N° 4: td 18A ʼE Mole ʼi Ai He Afi Moʼoni ʼi Te ʼIfeli

20 Tesepeli Lau ʼo te Tohi-Tapu: Sosue 9-​11 Katiko 135

He Kalitate Ki Te Faiakonaki: “Tou Pipiki Mālohi Ki Te Folafola Agatonu” (be p. 224 ¶1-4)

N° 1: Fakamālohiʼi Ia Koutou (w02 1/12 pp. 30-​1)

N° 2: w02 15/11 pp. 18-​19 ¶19-​23

N° 3: td 18B Ko Te Afi ʼe Ina Fakatātā Te Fakaʼauha

N° 4: hKoteā Te Faka ʼUhiga ʼo He Tahi ʼe Manako Ki Te Tokalelei

27 Tesepeli Lau ʼo te Tohi-Tapu: Sosue 12-​15 Katiko 17

He Kalitate Ki Te Faiakonaki: Koutou Vakaʼi Peʼe Moʼoni Te ʼu Manatu ʼAē ʼe Koutou Fakaʼaogaʼi (be p. 225 ¶1-3)

He Fai Palalau Moʼo Fakamanatu

[Kiʼi nota]