Te Tohi Mai Te Kolesi Pule

Naʼi Kaugā Fai Faka Mafola ʼo Te Puleʼaga:

ʼI te temi nei, kua ʼosi te fakalahi ʼo te fale tā tohi ʼi Wallkill pea kua fakaʼaogaʼi ki te gāue. Neʼe fakatuʼu te ʼu masini tā tohi foʼou e lua, ʼe nā tā takitahi ia nusipepa e 90 000 ʼi te hola e tahi, pea mo te ʼu meʼa gāue foʼou moʼo faʼu te ʼu tohi ʼe takafi fefeka e 120 ʼi te minuta e tahi. Ko te hiki ʼo te fale tā tohi ki Wallkill neʼe faka fealagia ai ke fakatau te falefata ʼaē ʼe tuʼu ʼi te 360 Furman Street ʼi Brooklyn. ʼI te temi nei ʼe lahi ʼaupito te gāue ʼa te ʼu tēhina heʼe nātou toe gaohi te fale ʼaē ʼe tuʼu ʼi te 117 Adams Street, maʼa nātou ʼaē neʼe mavae mai te falefata ʼaē ʼe tuʼu ʼi te 360 Furman Street.

Ko te fetogi tuʼulaga ʼo te fale tā tohi neʼe fakamaʼua ai kia teitei tēhina mo tuagaʼane e 300 ke nātou mavae mai Brooklyn ʼo ʼolo ki Wallkill. Tahi ʼaē meʼa, ko te kau gāue e teitei 100, ʼaē ʼe nātou tokakaga ki te ʼu olotinatea pea mo te ʼu polokalama ʼo te filiale, neʼe nātou mavae mai Wallkill ʼo ʼolo ki Brooklyn, ʼaē kua liliu ʼi te temi nei ko te potu tāfito ʼo te ʼu gāue maʼa te Selevisi ʼo Te ʼu Gāue Olotinatea.

Ko te māhina ʼo te ʼAho Fakamanatu ʼo te mate ʼo Sesu neʼe ko he temi neʼe lahi ai te gāue ʼi te telituale ʼo tatatou filiale, ʼaē ʼe kau kiai ia Niu Kaletonia, mo Vanuatu, pea mo Uvea mo Futuna. ʼI Malesio neʼe ko pionie e toko 274, pea ko te tuputupu foʼou neʼe maʼu ia nātou ʼaē neʼe kau ki te fakamanatu ʼo te Ōmoe ʼa te ʼAliki, neʼe ko te toko 7 905.

ʼO fakatahi mo koutou, ʼe mātou ʼamanaki ke “lahi tuʼumaʼu takotou ʼu gāue ʼi te ʼAliki” ʼi tatatou kamata te taʼu gāue 2005.​—1 Ko. 15:58, MN.

Tokotou ʼu tēhina,

Te Pilō ʼo Te Filiale ʼo Niu-Kaletonia