Polokalama ʼo Te Fono Gāue

FAKATOKAGA: ʼE tuʼu pe anai ʼi Te Minisitelio ʼo Te Puleʼaga te polokalama ʼo te ʼu Fono Gāue ki te vāhaʼa ʼo te ʼu fakatahi, lolotoga te ʼu māhina ʼo Sepetepeli pea mo ʼOketopeli. ʼE feala ke fai e te ʼu kokelekasio he ʼu fetogi ke nātou kau ki te Fakatahi Faka Tisitilike “Te Fakalogo Ki Te ʼAtua.” Kapau ʼe feala, pea ʼe fakaʼaogaʼi anai he ʼu minuta e 15 ʼi te Fono Gāue fakaʼosi ʼi muʼa ʼo te fakatahi, moʼo fakamanatuʼi te ʼu tokoni ʼaē ʼe tuʼu ʼi te pepa ʼe ʼalutahi mo te minisitelio ʼo te māhina ʼaenī. Hili he māhina e tahi peʼe lua ki takotou fakatahi, koutou toe vakaʼi ia minuta e 15 peʼe 20 ʼi he Fono Gāue (lagi ʼi te akonaki ʼaē ʼe ʼaoga ki te kokelekasio), te fakamanatu ʼo te ʼu puani maʼuhiga ʼo te fakatahi ʼaē neʼe leleiʼia e te kau fai faka mafola ke nātou fakaʼaogaʼi ʼi tanatou minisitelio. ʼI te Fono Gāue makehe ʼaia, ʼe fakahā ai anai te maʼuhiga ʼaē ke tou fakaʼaogaʼi te ʼu tokoni ʼaē neʼe tou logo kiai ʼi te fakatahi pea mo tona ʼaoga ʼaē kiā tatou moʼo hikihiki ʼo tatatou minisitelio.

Vāhaʼa ʼo te ʼaho 11 ʼo Sūlio

Kātiko 49

8 min: Te ʼu logo. ʼAki te ʼu manatu ʼo te pasina 6 (mo kapau ʼe ʼaoga ki tokotou telituale) fai he ʼu faʼifaʼitaki moʼo fakahā Te Tule Leʼo ʼo te ʼaho 15 ʼo Sūlio pea mo te Réveillez-vous ! ʼo te ʼaho 22 ʼo Sūlio, pea kapau mole heʼeki tau mai te ʼu nusipepa ʼaia, pea fai te ʼu faʼifaʼitaki ʼaki te ʼu nusipepa fakamuli e lua. ʼE feala ke fakaʼaogaʼi he tahi ʼu ʼuluaki palalau. ʼI te ʼu faʼifaʼitaki ʼaia, fakahā he faʼahiga tali ki he tahi ʼe ina ʼui “ ʼE au maʼumaʼua.”​—Vakaʼi te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, ʼi te pasina 10.

20 min: “Tou Fakavikiviki Ia Sehova ʼi Te Fakatahi Lahi.”a Ko te akonaki ʼe fai e te sikalaipe ʼo te kokelekasio. Koutou fakahā te fakatahi ʼaē ka kau kiai te kokelekasio. Koutou vakaʼi te alatike ʼaia mo te nofoʼaki ohage ko tona fai ʼi te Ako ʼo Te Tule Leʼo. Vakaʼi te talanoa ʼaē ʼe ʼātakai “Te ʼu Fakamanatu ʼo ʼUhiga Mo Te Fakatahi Faka Tisitilike.”

17 min: “Tou Faka Mafola Ki Te Tokolahi.”b Ka koutou vakaʼi te palakalafe 5, koutou toe vakaʼi te ʼu tokoni ʼaē ʼe ʼaoga ki te telituale, ʼaē ʼe tuʼu ʼi Te Minisitelio ʼo Te Puleʼaga ʼo Sūnio 2005, ʼi te pasina 6.

Kātiko 45 pea mo te faikole fakaʼosi.

Vāhaʼa ʼo te ʼaho 18 ʼo Sūlio

Kātiko 200

10 min: Te ʼu logo. Te ʼu Tonu.

15 min: “Tou Fai He ʼu Ako Tohi-Tapu ʼe Tuputupu​—Koga Hogofulu-Ma-Tahi.”c Fai he faʼifaʼitaki, ko he tēhina pea mo he kaugā fagona foʼou ʼe nā teuteuʼi fakatahi he ʼaʼahi. ʼE nā talanoa ki te ʼuluaki fai palalau pea ʼe nā filifili he puani ke nā fakaʼaogaʼi ki tana toe ʼaʼahi. ʼE nā teuteuʼi he ʼuluaki palalau faigafua pea mo he fehuʼi ʼe feala ke lagaʼi ʼi te fakaʼosi ʼo te fai palalau. ʼI te fakaʼosi ʼo tanā faʼifaʼitaki, ʼe nā faʼifaʼitakiʼi leva tanā teuteu fakatahi ʼaia.

20 min: Tou Tokoni Ki Te Hahaʼi Ke Nātou Leleiʼia Ia Te Tohi-Tapu. Fai ʼaki he ʼu fehuʼi pea mo he ʼu tali, ʼo fakatafito ki te tohi Atolasio Ki Te ʼAtua, ʼi te pasina 24 mo te 25, palakalafe 3 ki te 6. Koutou fakaʼaogaʼi te ʼu fehuʼi ʼaē ʼe tuʼu ʼi te lalo pasina ʼo te tohi. Koutou fakaʼaogaʼi mo te ʼu manatu ʼaē ʼe tuʼu ʼi te kaupepa lahi Un livre pour tous, ʼi te pasina 32.

Kātiko 10 pea mo te faikole fakaʼosi.

Vāhaʼa ʼo te ʼaho 25 ʼo Sūlio

Kātiko 138

15 min: Te ʼu logo. Lau te tānaki falā pea mo te ʼu meʼa ʼofa. ʼAki te ʼu manatu ʼo te pasina 6 (mo kapau ʼe ʼaoga ki tokotou telituale), fai he ʼu faʼifaʼitaki moʼo fakahā Te Tule Leʼo ʼo te ʼaho 1 ʼo ʼAukusitō pea mo te Réveillez-vous ! ʼo te ʼaho 8 ʼo ʼAukusitō, pea kapau mole heʼeki tau mai te ʼu nusipepa ʼaia, pea fai te ʼu faʼifaʼitaki ʼaki te ʼu nusipepa fakamuli e lua. ʼE feala ke fakaʼaogaʼi he tahi ʼu ʼuluaki palalau. ʼI he tahi faʼifaʼitaki, koutou fakahā ia te tufa ʼo te ʼu nusipepa ʼi he fagonogono faigamālie ʼi te ʼu meʼa fakatauʼaga meʼa peʼe ʼi he tahi atu koga meʼa ʼe hahaʼi.

10 min: Koutou Akoʼi Te Moʼoni Ki Te Loto ʼo Takotou Tamasiʼi. (Teu. 6:7) Ko he akonaki ʼe fai e he tagata ʼāfea pea ʼe fakatafito ki Te Tule Leʼo ʼo te ʼaho 15 ʼo ʼAukusitō 2002, ʼi te pasina 30 mo te 31. Koutou talanoa ki te ʼu pelesepeto faka Tohi-Tapu ʼaē ʼe nātou lava takitaki he tāmai peʼe ko he faʼē Kilisitiano ʼo ʼuhiga mo te akoʼi ʼo tana tamasiʼi.

20 min: “ ʼE Tou Tuʼu Maʼua Ki Te Hahaʼi.”d Koutou fakaʼaogaʼi te ʼu manatu ʼaē ʼe tuʼu ʼi Te Tule Leʼo ʼo te ʼaho 1 ʼo Sūlio 2000, ʼi te pasina 11, palakalafe 13.

Kātiko 30 pea mo te faikole fakaʼosi.

Vāhaʼa ʼo te ʼaho 1 ʼo ʼAukusitō

Kātiko 185

15 min: Te ʼu logo. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo Sūlio. Fakaafe te nofoʼaki ke nātou ʼavahi tanatou tohi École du ministère ʼi te pasina 70, pea vakaʼi fakatahi mo te nofoʼaki ia te ʼu palakalafe 1 mo te 2, pea mo te talanoa ʼaē ʼe ʼātakai “Comment répondre lors des réunions ?” (Peʼe feafeaʼi hatatou tali ʼi te ʼu fono?)

15 min: “Koutou Tokoni Ki Takotou Fānau Ke Nātou Tuputupu ʼi Te Minisitelio.” Ko he akonaki pea mo he fai palalau mo te nofoʼaki. Fai he faʼifaʼitaki, ko he tāmai peʼe ko he faʼē pea mo hana tamasiʼi ʼe nā fakaʼaogaʼi he ʼu ʼuluaki palalau faigafua. ʼI te fakaʼosi ʼo te faʼifaʼitaki, ʼe fakamahino fakanounou e te tāmai peʼe ko te faʼē ia te fakatuʼutuʼu ʼo ʼuhiga mo te ʼu meʼa ʼofa ʼaē ʼe foaki moʼo lagolago ki te gāue.

15 min: Neʼe Kua Koutou Faka Faigafua Koa Takotou Fai Palalau Mo Te Hahaʼi? Ko he akonaki pea mo he fai palalau mo te nofoʼaki, pea ʼe fakatafito ki Te Minisitelio ʼo Te Puleʼaga ʼo Sānualio 2005, pasina 6. Vakaʼi te ʼu tokoni ʼaē neʼe kua foaki atu, pea mo fakahā he faʼahiga fai palalau faigafua moʼo fakahā ia te tufa ʼo ʼAukusitō. Fai he faʼifaʼitaki e tahi peʼe lua.

Kātiko 4 pea mo te faikole fakaʼosi.

[Nota]