Polokalama ʼo Te Fono Gāue

FAKATOKAGA: Hili he māhina e tahi peʼe lua, ʼi te ʼosi kau ʼo takotou kokelekasio ki te Fakatahi Faka Tisitilike “Te Fakalogo Ki Te ʼAtua,” ʼe fakatuʼutuʼu anai ʼi te Fono Gāue (lagi ʼi te ʼu minuta ʼo te akonaki ʼaē ʼe ʼaoga ki te kokelekasio) ke fai iā minuta 15 peʼe 20 te fakamanatu ʼo te ʼu puani ʼo te fakatahi, ʼaē neʼe tokagaʼi e te ʼu tēhina mo tuagaʼane ʼe ʼaoga ki te minisitelio. Ko te koga makehe ʼaia ʼo te Fono Gāue, ʼe ko he faigamālie kiā tatou ke tou fakamahino peʼe tou fakaʼaogaʼi feafeaʼi te ʼu manatu ʼaē neʼe tou ako ʼi te fakatahi, pea neʼe koteā tonatou ʼaoga ki te hikihiki ʼo totatou minisitelio.​—Vakaʼi Te Minisitelio ʼo Te Puleʼaga, ʼo Sūlio 2005, pasina 2.

Vāhaʼa ʼo te ʼaho 10 ʼo ʼOketopeli

Kātiko 17

10 min: Te ʼu logo. Te ʼu Tonu. Fakaʼaogaʼi te ʼu manatu ʼo te pasina 8 (mo kapau ʼe ʼaoga ki tokotou telituale) fai he ʼu faʼifaʼitaki moʼo fakahā Te Tule Leʼo ʼo te ʼaho 15 ʼo ʼOketopeli pea mo te Réveillez-vous ! ʼo te ʼaho 22 ʼo ʼOketopeli. ʼI te hili ʼo te ʼu faʼifaʼitaki, koutou fakamahino ia te ʼu puani lelei ʼaē ʼe feala ke tāʼofi. Tahi ʼaē meʼa, koutou talanoa ʼo ʼuhiga mo te tahi ʼu ʼalatike ʼo te ʼu nusipepa, ʼe lagi leleiʼia anai e te hahaʼi.

15 min: ʼE Ko Hakotou Agamāhani Koa Te Lautohi? Ko he fai palalau mo te nofoʼaki ʼe fakatafito ki te ʼu puani ʼo te tohi École du Ministère ʼi te pasina 21 ki te 26. Koteā te ʼu tohi ʼaē ʼe feala ke tou lau? (te fakamatala ʼaē ʼe ʼātakai ʼi te pasina 21.) He koʼe ʼe maʼuhiga kiā tatou ke tou lau ia te ʼu tohi ʼaē ʼe foaki mai e te tagata kaugana agatonu mo poto? (pasina 23 pal. 2) Koteā ʼaē ʼe tonu ke tou fai, ke feala hatatou mulimuli ki hatatou polokalama lautohi? (pasina 26, pal. 3 mo te 4) ʼE koutou fakatuʼutuʼu feafeaʼi te temi ʼaē moʼo lau ia te Réveillez-vous ! pea mo Te Tule Leʼo? Koteā te ʼu lelei ʼaē kua koutou maʼu ʼi takotou lautohi ʼaia?

20 min: “Tou Haga Tala Te Folafola ʼa Te ʼAtua ʼAki He Lototoʼa.”a Fakaafe te nofoʼaki ke nātou talanoa ki te ʼu ʼaluʼaga faigataʼa ʼaē ʼe ʼaoga ai ke tou lototoʼa ai moʼo fai ʼo he fagonogono. Koteā ʼaē neʼe tokoni kiā nātou ke nātou fai ia te faʼahi ʼaia?

Kātiko 78 pea mo te faikole fakaʼosi.

Vāhaʼa ʼo te ʼaho 17 ʼo ʼOketopeli

Kātiko 36

10 min: Te ʼu logo. ʼAki te koga 3 ʼo te pepa ʼaē neʼe tufa tahi mo Te Minisitelio ʼo Te Puleʼaga ʼo Sepetepeli 2005, vakaʼi he puani e tahi peʼe lua ki te faʼahiga fakaʼaogaʼi lelei ʼo te Tohi-Tapu mokā fai he ʼu ako Tohi-Tapu.

15 min: Koutou Tōkakaga Ki Te ʼu Hele ʼo Te Internet. Ko he akonaki ʼe fai anai e he tagata ʼāfea ʼo fakatafito ki te Réveillez-vous ! ʼaho 8 ʼo Tesepeli 2004, pasina 18 ki te 21.

20 min: “Tou ʼOʼofa Moʼoni Ki Te Hahaʼi, ʼo Tou Agalelei Kiā Nātou.”b Fakaafe te nofoʼaki ke nātou fakamatala peʼe tou lava agalelei feafeaʼi ki te hahaʼi mokā tou fai faka mafola. ʼI te tahi ʼu Minisitelio ʼo Te Puleʼaga, ʼe tou vakaʼi ai anai te tahi ʼu agaaga moʼo fakahā ʼo te ʼofa moʼoni ki te hahaʼi ʼaē ʼe tou fai faka mafola ki ai.

Kātiko 2 pea mo te faikole fakaʼosi.

Vāhaʼa ʼo te ʼaho 24 ʼo ʼOketopeli

Kātiko 68

10 min: Te ʼu logo. Koutou fakamanatuʼi te fakatuʼutuʼu ki te gāue fai faka mafola ʼo te ʼaho 1 ʼo Novepeli. Lau te falā pea mo te ʼu meʼa ʼofa. ʼAki he faʼifaʼitaki ʼi te ʼu faʼifaʼitaki ʼaē ʼe tuʼu ʼi te pepa ʼaē neʼe tufa tahi mo Te Minisitelio ʼo Te Puleʼaga ʼo Sānualio 2005, peʼe ko he faʼifaʼitaki ʼe ʼalutahi mo tokotou telituale, koutou fakahā te faʼahiga tufa ʼo te tohi pea mo te kaupepa ʼaē ʼe tou tufa ʼi Novepeli.​—Vakaʼi Te Minisitelio ʼo Te Puleʼaga ʼo Sānualio 2005, pasina 8 pal. 5.

15 min: Ko he akonaki ʼe ʼaoga ki te kokelekasio.

20 min: Tou Mulimuli Ki Te ʼu Pelesepeto ʼo Te ʼAtua ʼo ʼUhiga Mo Te Faiteuteu Pea Mo Te Helu ʼo Totatou Ulu. Ko he akonaki pea mo he fai palalau mo te nofoʼaki, ʼe fai e he tagata ʼāfea ʼo fakatafito ki Te Tule Leʼo ʼo te ʼaho 1 ʼo ʼAukusitō 2002, pasina 17 ki te 19. Fakaafe te nofoʼaki ke nātou fakamatala te faigamālie ʼaē ʼe feala ke tou maʼu mo kapau ʼe tou tuku he faʼifaʼitaki lelei ʼi te faiteuteu.

Kātiko 44 pea mo te faikole fakaʼosi.

Vāhaʼa ʼo te ʼaho 31 ʼo ʼOketopeli

Kātiko 166

10 min: Te ʼu logo. Fakamanatuʼi ki te kau fai faka mafola ke nātou manatuʼi mai tanatou ʼu kiʼi pepa tānaki gāue ʼo ʼOketopeli. ʼAki te ʼu manatu ʼo te pasina 8 (mo kapau ʼe ʼaoga ki tokotou telituale) fai he ʼu faʼifaʼitaki moʼo fakahā te tufa Te Tule Leʼo ʼo te ʼaho 1 ʼo Novepeli pea mo te Réveillez-vous ! ʼo te ʼaho 8 ʼo Novepeli. ʼI he tahi faʼifaʼitaki, fakahā age kiā ia ʼo te ʼapi ʼe koutou toe ʼaumai anai mo te nusipepa ʼaē ʼe hoa kiai, ʼo fakahā age te ʼu kupu tāfito ʼaē ʼe ʼātakai “ ʼI Te Nusipepa Ka Hoko Mai.”​—Vakaʼi Te Minisitelio ʼo Te Puleʼaga ʼo ʼOketopeli 1998, pasina 8 pal. 7 mo te 8.

15 min: Tou Uga Te Fia Logo ʼa Te Hahaʼi ʼAē ʼe Tou ʼAve Tuʼumaʼu Tanatou ʼu Nusipepa. Ko he akonaki pea mo he fai palalau mo te nofoʼaki ʼo fakatafito ki Te Minisitelio ʼo Te Puleʼaga ʼo Maio 2005, ʼi te pasina 8. E feafeaʼi hatatou uga te fia logo ʼa he tahi ʼe kita ʼave tuʼumaʼu ki ai te ʼu nusipepa? (pal. 1) E feafeaʼi hatatou teuteuʼi he ʼu fai palalau ʼe fakatafito ki he vaega Tohi-Tapu e tahi? (pal. 3) He koʼe ʼe mole tonu ke kita lau age pe ia te vaega ʼaē kua kita filifili? (pal. 4) ʼE lava feafeaʼi ki he tahi ʼe kita ʼave tuʼumau ki ai hana ʼu nusipepa ke ina tali hana ako Tohi-Tapu? (pal. 5) Fai he faʼifaʼitaki ʼa he tēhina peʼe ko he tuagaʼane, ʼe fai palalau mo he tahi ʼe ina ʼave tuʼumaʼu tana ʼu nusipepa, pea ʼe nā fai palalau ki te vaega Tohi-Tapu e tahi.

20 min: Ko He Kau Tūpulaga ʼe Nātou Pipiki Maʼu Ki Tanatou Tui, ʼAki He Aga Fakaʼapaʼapa. Ko he akonaki ʼe fai e he tagata ʼāfea ʼo fakatafito ki Te Tule Leʼo ʼo te ʼaho 15 ʼo Sepetepeli 2002, ʼi te pasina 23 mo te 24, ʼi te kupu tāfito “Koutou Fakamamaʼo Mai Ai ʼAki He Aga Fakaʼapaʼapa.” Vakaʼi fakatomuʼa mo he tūpulaga e tokotahi peʼe ko he ʼu tūpulaga e toko lua ke nā fakamatala te ʼu faigataʼaʼia ʼaē ʼe felāveʼi mo nāua ʼi te faleako, pea koteā ʼaē neʼe tokoni age kiā nāua ke nā lava kātakiʼi te ʼu faigataʼaʼia ʼaia.

Kātiko 222 pea mo te faikole fakaʼosi.

Vāhaʼa ʼo te ʼaho 7 ʼo Novepeli

Kātiko 39

5 min: Te ʼu logo.

20 min: Tou Hikihiki Tatatou Fakalogo ʼi Te ʼu Fono. Ko he akonaki pea mo he fai palalau mo te nofoʼaki ʼo fakatafito ki Te Tule Leʼo ʼo te ʼaho 15 ʼo Sepetepeli 2002, pasina 12 ki te 14, palakalafe 11 ki te 14. Vakaʼi te ʼu tokoni ʼaē ʼe tuku atu, pea kole age ki te nofoʼaki peʼe ko te ʼu tokoni fea ʼaē neʼe ʼaoga lahi kiā nātou moʼo mulimuli lelei ki te ʼu fono ʼo te kokelekasio.

20 min: “Tou Gāueʼi Te Fealagia ʼAē Ko Te Uga ʼo Te Hahaʼi Ke Nātou Fakakaukau.”c Filifili ni ʼu tēhina mo tuagaʼane ke nātou fakamatala pe neʼe feafeaʼi tanatou uga te hahaʼi ke nātou fakakaukauʼi te ʼu manatu faka Tohi-Tapu ʼaē neʼe nātou palalau kiai.

Kātiko 50 pea mo te faikole fakaʼosi.

[Nota]