Polokalama ʼo Te Fono Gāue

Vāhaʼa ʼo te ʼaho 9 ʼo Sānualio

Kātiko 10

10 min: Te ʼu logo. ʼAki te ʼu manatu ʼaē ʼe tuʼu ʼi te pasina 8 peʼe ko te tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼote ʼaho 1 ʼo Sānualio pea mo te Réveillez-vous ! ʼo Sānualio peʼe kapau mole heʼeki maʼu, fakahā te ʼu nusipepa fakamuli e lua ʼaē kua tau mai. ʼI te tahi faʼifaʼitaki, ʼe ko te fai faka mafola ʼi te ʼu matani gāue.

15 min: “Te Tohi Te Ako Mai Te Tohi-Tapu​—Te Tohi Tāfito Moʼo Fai ʼAki Te ʼu Ako Tohi-Tapu.”a Uga te nofoʼaki ke nātou fiafia ʼi te kamata ʼo he ʼu ako Tohi-Tapu ʼaki te tohi foʼou.

20 min: “Te Kamata ʼo He ʼu Ako Tohi-Tapu ʼAki Te Tohi Te Ako Mai Te Tohi-Tapu.” Ko he fai palalau mo te nofoʼaki ʼaki he ʼu faʼifaʼitaki ʼe fakatafito ki te pasina 3 ʼo te pepa ʼaē neʼe tufa tahi mo Te Minisitelio ʼo Te Puleʼaga ʼaenī. ʼE tou lava fakaʼaogaʼi ʼi te temi nei te tohi Te Ako Mai Te Tohi-Tapu moʼo kamata he ʼu ako Tohi-Tapu mo nātou ʼaē ʼe nātou fia ako. Koutou fakatuʼutuʼu he ʼu faʼifaʼitaki e tolu neʼe teuteuʼi lelei, ʼe fakahā ʼi te ʼuluaki faʼifaʼitaki peʼe feafeaʼi te fakaʼaogaʼi te pasina 4 mo te 5, ʼi te lua faʼifaʼitaki, te pasina 6, pea ʼi te tolu faʼifaʼitaki, te ʼuluaki palakalafe ʼi te pasina 7 moʼo kamata he ako Tohi-Tapu ʼi te ʼaʼahi. ʼI muʼa ʼo te fai ʼo te ʼu faʼifaʼitaki ʼaia, fakahā te ʼaluʼaga ʼaē ʼe faʼifaʼitakiʼi, pea koutou toe talanoa leva kiai. Kapau ʼe ʼaoga, pea ʼe feala ke vakaʼi fakanounou te ʼu palakalafe ʼi te tohi Te Ako Mai Te Tohi-Tapu. ʼI te fakaʼosi ʼo te ʼu faʼifaʼitaki, ʼe fakatuʼutuʼu anai e te kaugā fai faka mafola ke toe liliu ʼo fai te ʼaʼahi.

Kātiko 77 pea mo te faikole fakaʼosi.

Vāhaʼa ʼo te ʼaho 16 ʼo Sānualio

Kātiko 200

10 min: Te ʼu logo. Te ʼu Tonu. Moʼo teuteuʼi te fai palalau ʼaē ka fai anai iā vāhaʼa e lua ka haʼu ʼi te Fono Gāue, fakaloto mālohiʼi te nofoʼaki ke nātou sioʼi te foʼi ʼata Soigner sans transfuser​—Besoins et droits du patient.

15 min: Tatatou ʼu Fakatuʼutuʼu Moʼo Fai ʼo Te Finegalo ʼa Sehova. Ko he fai palalau mo te nofoʼaki ʼe fakatafito ki te pasina 4 ʼo aʼu ki te 7 ʼo te tohi Organisés pour faire la volonté de Jéhovah. Ke minuta tolu te ʼu ʼuluaki palalau ʼo fakatafito ki te pasina 4, pea fai palalau mo te nofoʼaki ki te pasina 5 ʼo aʼu ki te kupu tāfito ʼi te pasina 7. Ko te tahi ʼu faʼahi ʼo te tohi Organisés ʼe vakavakaʼi anai ʼi te tahi ʼu Fono Gāue.

20 min: “ ʼE Gigila Te Kau Tūpulaga Ohage Ko He ʼu Mālama.”b Fakaafe he kau tūpulaga ke nātou fakamatala pe neʼe lava feafeaʼi hanatou fai faka mafola ki tonatou ʼu kaugā ako. ʼE feala ke fakatuʼutuʼu fakatomuʼa ʼaki he ʼu tūpulaga e toko lua ke nā fai he ʼu fakamatala.

Kātiko 107 pea mo te faikole fakaʼosi.

Vāhaʼa ʼo te ʼaho 23 ʼo Sānualio

Kātiko 181

10 min: Te ʼu logo. Lau te falā pea mo te ʼu meʼa ʼofa. ʼAki te ʼu manatu ʼi te pasina 8 peʼe ko te tahi ʼu manatu ʼe ʼalutahi mo tokotou telituale, koutou fai he ʼu faʼifaʼitaki moʼo fakahā te tufa ʼo Te Tule Leʼo ʼo ʼaho 1 ʼo Fepualio pea mo te Réveillez-vous ! ʼo Fepualio peʼe kapau mole heʼeki maʼu, fakahā te ʼu nusipepa fakamuli ʼaē kua tau mai. Ke fai e he tūpulaga he faʼifaʼitaki.

15 min: Ko he akonaki ʼe ʼaoga ki te kokelekasio;

20 min: “Tou Fakahā ʼe Tou Fia ʼIloʼi Te Manatu ʼa Te Hahaʼi​—ʼo Tou Fai Fehuʼi Pea Mo Fakalogo.”c ʼI te palakalafe 2, kole ki te nofoʼaki peʼe ko te ʼu fehuʼi fea ʼaē neʼe lelei moʼo kamata ʼaki he ʼu fai palalau. Fai he faʼifaʼitaki ʼe fakahā ai ko te fakaʼaogaʼi ʼo he ʼu fehuʼi pea mo te fakalogo lelei ʼe ina uga he tahi ke palalau.

Kātiko 205 pea mo te faikole fakaʼosi.

Vāhaʼa ʼo te ʼaho 30 ʼo Sānualio

Kātiko 75

10 min: Te ʼu logo. Fakamanatuʼi ki te kau fai faka mafola ke nātou manatuʼi mai tanatou ʼu kiʼi pepa tānaki gāue ʼo Sānualio. Fakahā te tufa ʼo Fepualio, pea fai mo he faʼifaʼitaki moʼo fakahā te tufa ʼaia.

15 min: Ko He ʼu Fakatuʼutuʼu ʼOfa Ke Fua Lelei Kiā Tatou. Ko he akonaki ʼe fai e he tagata ʼāfea. Lau pea mo fai palalau ki te tohi mai te filiale ʼo te ʼaho 3 ʼo Sānualio 2003, ki te ʼu kokelekasio fuli ʼo ʼuhiga mo te ʼu lelei ʼaē ʼe tou maʼu mai te gāue ʼo te Komite Faka Felogoi Mo Te Lōpitali (CLH) pea mo te Hahaʼi Fakasiosio Mahaki (GVM)

20 min: “Ko He ʼAta ʼe Ina Fakahā Lelei Te Maʼuhiga ʼo Te Faʼahiga Tafa Kua Fai.” Lau ia Gaue 15:​28, 29, pea mo fakahā fakanounou ʼe tupu tāfito te fakafisi ʼa te kau Kilisitiano ki te ʼu foʼi huki toto, heʼe nātou fia fakalogo ki te lao ʼa te ʼAtua ʼo ʼuhiga mo te ʼuhiga taputapu ʼo te toto. Pea koutou fai palalau ki te foʼi ʼata Besoins et droits du patient, ʼo fakaʼaogaʼi te ʼu fehuʼi ʼaē ʼe tuʼu ʼi te alatike. Fakaʼosi ʼaki te lau ʼo te palakalafe fakamuli.

Kātiko 45 pea mo te faikole fakaʼosi.

Vāhaʼa ʼo te ʼaho 6 ʼo Fepualio

Kātiko 74

10 min: Te ʼu logo.

25 min: Tou ʼIloʼi Lelei Tatatou Tohi Foʼou Moʼo Akoʼi Te Hahaʼi. Ko he akonaki pea mo he fai palalau mo te nofoʼaki. Fakaafe te nofoʼaki ke nātou fakamatala te ʼu faʼahi ʼaē ʼe nātou leleiʼia ʼi te tohi Te Ako Mai Te Tohi-Tapu, ohage la ko te ʼu fehuʼi ʼaē ʼe kamata ʼaki te ʼu kapite pea mo te fakamanatu ʼaē ʼe fakahā lelei ai te ʼu puani tāfito ʼo te ʼu kapite (p. 106, 114), te ʼu pāki pea mo te ʼu fakamatala (p. 122 mo te 123, 147, 198), pea mo Te Tahi ʼu Fakamahino (p. 197, pal. 1 mo te 2). Ko te fakamatala ʼo te ʼu manatu ʼe fakaloto māfana pea mo ina uga te fia lautohi (p. 12, pal. 12). ʼE tuʼu ai te ʼu fakamahino ʼe faigafua pea mo mahino lelei (p. 58, pal. 5) pea mo te ʼu lea fakatātā ʼe lelei (p. 159, pal. 12). ʼI te ʼuluaki pasina, ʼe tohi ai te ʼu palalau moʼo tokoni mai ke tou kamata he ʼu ako Tohi-Tapu (p. 3 ki te 7). Fai he faʼifaʼitaki ʼe fakahā ai peʼe fakaʼaogaʼi feafeaʼi te fakamatala ʼaē ʼe ʼātakai ʼi te pasina 7 mokā fai he ako Tohi-Tapu foʼou. Fakamatala te ʼu ʼaluʼaga neʼe hoko ʼaki te fakaʼaogaʼi ʼo te tohi foʼou ʼaia.

10 min: ʼE Tapuakina Te Selevisi Pionie Vaeluaʼi Temi. (Taag. 10:22) Fakaafe ia nātou ʼaē neʼe pionie vaeluaʼi temi ʼi te ʼu māhina ʼo Malesio, mo ʼApelili, pea mo Maio ʼo te taʼu kua hili, ke nātou fakamatala pe neʼe koteā tanatou fakatuʼutuʼu pea mo te ʼu fiafia pea mo te ʼu tapuakina ʼaē neʼe nātou maʼu. Fakaloto mālohiʼi te nofoʼaki ke nātou fakakaukauʼi ʼi te faikole ke nātou pionie vaeluaʼi temi ʼi Malesio, mo ʼApelili, pea mo Maio ʼo te taʼu ʼaenī.

Kātiko 16 pea mo te faikole fakaʼosi.

[Nota]