Polokalama ʼo Te Fono Gāue

Vāhaʼa ʼo te ʼaho 13 ʼo Malesio

Kātiko 41

10 min: Te ʼu logo. Te ʼu Tonu. ʼAki te ʼu manatu ʼi te pasina 4 peʼe ko he tahi ʼu faʼifaʼitaki ʼe ʼaoga anai ʼi takotou telituale, fai he ʼu faʼifaʼitaki ʼo te tufa ʼo Te Tule Leʼo ʼo te ʼaho 1 ʼo Malesio pea mo te Réveillez-vous ! ʼo Malesio, pea kapau mole heʼeki tau mai, fai te ʼu faʼifaʼitaki ʼaki te ʼu nusipepa fakamuli. ʼI te fakaʼosi ʼo te ʼu faʼifaʼitaki, ko ia ʼaē ʼe fai faka mafola, ʼe ina fakaʼaogaʼi anai te tuʼa pasina fakaʼosi, moʼo fakaafe ia ia ʼo te ʼapi ke haʼu ki te ʼAho Fakamanatu.

15 min: “Tou Tokoni Ki Te Hahaʼi Ke Nātou Maʼu Te ʼu Tapuakina ʼo Te Totogi ʼAē Neʼe Foaki e Kilisito.”a ʼI te akonaki ʼaē ka hoa mai, ʼe koutou toe vakavakaʼi lelei anai te faʼahiga fakaʼaogaʼi ʼo te ʼu pasina 206 ki te 208 ʼo te tohi Te Ako Mai Te Tohi-Tapu, mokā koutou fakaafe ia te hahaʼi ki te ʼAho Fakamanatu.

20 min: Te Taumafa ʼo Te ʼAliki​—Ko He Toʼotoʼoga ʼe Ina Fakavikiviki Te ʼAtua. Ko he fai palalau ʼaki he ʼu fehuʼi pea mo he ʼu tali ʼo fakatafito ki te ʼu pasina 206 ki te 208 ʼo te tohi Te Ako Mai Te Tohi-Tapu. ʼAki he ʼu ʼuluaki palalau ʼe mole minuta kātoa, koutou fakahā te faʼahiga talanoa ki te faʼahi ʼaia ki he tahi ʼi te fai faka mafola, ʼo koutou lau ia te ʼuluaki palakalafe. ʼOsi ʼaia pea koutou fakaafe ia te nofoʼaki ke nātou tali ki te ʼu fehuʼi ʼaenī, kae mole koutou fakalau ia te ʼu palakalafe: (pal. 2) Ko ʼanafea ʼaē neʼe kamata fai ai e Sesu ia te ʼAho Fakamanatu ʼo tona mate? (pal. 3) ʼE tonu ke fai tuʼa fia ia te Taumafa ʼo te ʼAliki? (pal. 4) ʼE fakamatala feafeaʼi ʼi te Tohi-Tapu ia te fai ʼo te ʼAho Fakamanatu? (pal. 5) He koʼe ʼe tou ʼiloʼi ko Sesu neʼe mole ina fakaliliu moʼoni ia te pane ko tona sino pea mo te vino ko tona taʼataʼa? (pal. 6) Koteā ʼaē ʼe fakatātā e te pane ʼaē ʼe mole hona meʼa fakatupu? (pal. 7) Koteā ʼaē ʼe fakatātā e te vino? (pal. 8) Ko ai ʼaē ka kai ki te pane pea mo ʼinu ki te vino ʼi te ʼAho Fakamanatu? (pal. 9) Ko te temi fea ʼaē ʼe fai ai te ʼAho Fakamanatu, pea he koʼe ʼe tonu ke tou kau kiai? ʼO mulimuli ki te temi, koutou faka maʼuhigaʼi ia te ʼu vaega tāfito. Fakaloto mālohiʼi ia te nofoʼaki ke nātou vakaʼi ia te ʼu manatu ʼaia mo te kau ako Tohi-Tapu pea mo te hahaʼi ʼaē ka nātou fakaafe mai anai ki te ʼAho Fakamanatu. ʼE nātou lau anai ia te ʼu palakalafe, mo fai palalau ki te ʼu manatu tāfito, pea mo fai he ʼu fehuʼi ʼe faigafua ohage ko te ʼu fehuʼi ʼo te akonaki ʼaenī.

Kātiko 107 pea mo te faikole fakaʼosi.

Vāhaʼa ʼo te ʼaho 20 ʼo Malesio

Kātiko 18

10 min: Te ʼu logo. Vakaʼi te ʼu manatu tāfito ʼo te fakamatala ʼaē ʼe ʼātakai ko tona kupu tāfito “Te ʼu Fakamanatu ʼo ʼUhiga Mo Te ʼAho Fakamanatu.”

23 min: Te Tuʼulaga Gāue ʼa Kilisito ʼi Te Fakatuʼutuʼu ʼa Te ʼAtua. Ko he akonaki ʼe fakatafito ki te tohi Organisés pour faire la volonté de Jéhovah, ʼi te pasina 10 ki te 13. Ka koutou fai palalau anai ki te ʼu ʼuluaki palakalafe e lua ʼi te kupu tāfito “ Le rôle du Christ ” (Te Tuʼulaga Gāue ʼa Kilisito), fakaʼaogaʼi minuta e tolu peʼe fā moʼo palapalalau pea mo faʼifaʼitakiʼi ia he ʼu ʼaluʼaga moʼo tufa ia te kiʼi pepa fakaafe ki te ʼAho Fakamanatu. Vakaʼi te ʼu tokoni ʼaē ʼe tuʼu ʼi Te Minisitelio ʼo Te Puleʼaga ʼo Fepualio 2006, pasina 3, palakalafe 3.

12 min: ʼE Tou Maʼu He Lotomālohi Mokā Tou Vakaʼi Ia Te Tohi-Tapu ʼi Te ʼAho Fuli. Ko he akonaki pea mo he faʼifaʼitaki ʼe fakatafito ki te ʼu ʼuluaki palalau ʼo te kiʼi kaupepa Tou Vakaʼi Ia Te Tohi-Tapu ʼi Te ʼAho Fuli​—2006. ʼE fai anai he faʼifaʼitaki ʼaki he famili, ʼe nātou vakaʼi pea mo faifai palalau ki te koga tohi ʼo te ʼaho.

Kātiko 103 pea mo te faikole fakaʼosi.

Vāhaʼa ʼo te ʼaho 27 ʼo Malesio

Kātiko 44

15 min: Te ʼu logo. Fakamanatuʼi ki te kau fai faka mafola ke nātou ʼaumai tanatou ʼu pepa tānaki gāue ʼo Malesio. Lau te falā pea mo te ʼu meʼa ʼofa. ʼAki te ʼu manatu ʼi te pasina 4 peʼe ko te tahi ʼu manatu ʼe ʼalutahi mo tokotou telituale, koutou fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo ʼApelili pea mo te Réveillez-vous ! ʼo ʼApelili peʼe kapau mole heʼeki maʼu, fakahā te ʼu nusipepa fakamuli ʼaē kua tau mai. ʼE feala hakotou fai he faʼifaʼitaki ʼo te faʼahiga tufa ʼo te kiʼi pepa fakaafe moʼo fakaafe te hahaʼi ʼaē ʼe fia ʼōmai ki te ʼAho Fakamanatu.

10 min: ʼE Kei Pule Faʼitaliha Koa ia Te ʼAtua Ki Te Kele? Ko he akonaki pea mo he faʼifaʼitaki ʼe fakatafito ki te tuʼa pasina fakaʼosi ʼo Te Tule Leʼo ʼo te ʼaho 1 ʼo ʼApelili 2006. Fakaʼaogaʼi ia te ʼu faigamālie fuli moʼo fakaafe ia te hahaʼi ki te akonaki makehe ʼaē ka fai ki te kaugamālie. Koutou manatuʼi ʼo fakaafe takotou kau ako fuli, mo tonatou famili ʼaē ʼe mole nātou ako ia te Tohi-Tapu. Koutou fai ia te fakaafe makehe ʼaia ki te hahaʼi fuli ʼaē ʼe nātou fia logo, pea mo te hahaʼi ʼaē ʼe tou felāveʼi mo nātou ʼi te gāue fai faka mafola. Fai he faʼifaʼitaki ki te fakaʼaogaʼi ʼo Te Tule Leʼo ʼaho 1 ʼo ʼApelili, mokā koutou fakaafe he tēhina peʼe ko he tuagaʼane ʼe mole kei fai faka mafola, peʼe mole kei haʼu ki te ʼu fono.

20 min: He ʼu ʼAluʼaga Neʼe Hoko ʼi Tokotou Telituale. Koutou fakaafe ia te nofoʼaki ke nātou fakamatalatala te ʼu ʼaluʼaga ʼaē neʼe hoko kiā nātou ʼi tanatou tufa te tohi Te Ako Mai Te Tohi-Tapu lolotoga te māhina ʼo Malesio. Koutou talanoa ʼo ʼuhiga mo te ʼu ako Tohi-Tapu ʼaē neʼe kamata. ʼE feala ke faʼifaʼitakiʼi he ʼaluʼaga e tahi peʼe ko he ʼu ʼaluʼaga e lua neʼe hoko ʼi tokotou telituale.

Kātiko 40 pea mo te faikole fakaʼosi.

Vāhaʼa ʼo te ʼaho 3 ʼo ʼApelili

Kātiko 222

15 min: Te ʼu logo. Vakaʼi fakanounou ia te alatike “Tou Fiafia ʼi Te Ako ʼo Te Tohi Koteā ʼAē ʼe Akoʼi Moʼoni Mai ʼi Te Tohi-Tapu?” ʼi te pasina 6 ʼo Te Minisitelio ʼo Te Puleʼaga ʼo Fepualio 2006. Talanoa ki te polokalama ʼo te ako tohi ʼaē ka fai ki te tohi ʼaia Te Ako Mai Te Tohi-Tapu. Fakahā mo te faʼahiga fakaʼaogaʼi ʼo te kiʼi pepa fakaafe moʼo fakaafe ia te hahaʼi ʼaē ʼe fia logo, ke nātou ʼōmai ki te ʼAho Fakamanatu.

10 min: Ko he akonaki ʼe ʼaoga ki te kokelekasio.

20 min: “Tou Akoʼi Te Kau Agavaivai Ke Nātou Haʼele ʼi Te ʼAla ʼo Te ʼAtua.”b Fakahā he ʼu manatu ʼe fakatafito ki Te Tule Leʼo ʼo te ʼaho 1 ʼo Sūlio 2004, pasina 16, palakalafe 9.

Kātiko 93 pea mo te faikole fakaʼosi.

[Nota]