Polokalama ʼo Te Fono Gāue

Vāhaʼa ʼo te ʼaho 12 ʼo Sūnio

Kātiko 222

10 min: Te ʼu logo. ʼAki te ʼu manatu ʼi te pasina 4 peʼe ko he tahi faʼahiga palalau ʼe ʼalutahi mo tokotou telituale, fai he faʼifaʼitaki ʼo te tufa ʼo Te Tule Leʼo ʼo te ʼaho 1 ʼo Sūnio pea mo te Réveillez-vous ! ʼo Sūnio, peʼe ko te ʼu nusipepa fakamuli ʼaē kua tou maʼu. ʼI te tahi faʼifaʼitaki, koutou faʼifaʼitakiʼi te tufa ʼa te ʼu nusipepa ʼi te fai fagonogono faigamālie.

20 min: “Ko Tatatou Minisitelio​—ʼE Ko He Gāue ʼe Fai ʼAki He Agaʼofa”a Kapau ʼe maʼu he temi, koutou fakaafe ia te nofoʼaki ke nātou fakamatalatala ia te ʼu vaega.

15 min: Tou Falala Ki “Te Tagata Kaugana Agatonu Mo Poto.” Ko he akonaki pea mo he fai palalau mo te nofoʼaki ʼe fakatafito ki te kapite 3 ʼo te alatike Kua Nātou Fakatuʼutuʼu Moʼo Fai ʼo Te Finegalo ʼo Sehova, ʼaē ʼe tuʼu ʼi te pepa ʼaē neʼe tufa tahi atu mo Te Minisitelio.

Kātiko 47 pea mo te faikole fakaʼosi.

Vāhaʼa ʼo te ʼaho 19 ʼo Sūnio

Kātiko 21

10 min: Te ʼu logo. Te ʼu Tonu.

20 min: ʼE Ko He Meʼa Lelei Te Fai ʼo He Palalau ʼi Tona Temi Totonu! Ko he akonaki pea mo he fai palalau mo te nofoʼaki, ʼe fakatafito ki Te Tule Leʼo ʼo te ʼaho 1 ʼo Sānualio 2006, ʼi te pasina 17 ki te 19. ʼI te ʼu ʼuluaki palalau, talanoa ki te ʼu fua lelei e fā mokā tou vikiʼi niʼihi, ʼi te kupu tāfito “Tona ʼu Fua Lelei.” ʼOsi ʼaia pea fakaafe ia te nofoʼaki ke nātou tali ki te ʼu fehuʼi ʼaenī: Ko ai tāfito ʼaē ʼe tāu ke tou fakavikiviki? He koʼe ʼe ʼaoga ke tou fakavikiviki ki totatou ʼu tēhina mo tuagaʼane? Ko te ʼu ʼaluʼaga fea ʼaē ʼe feala ai ke tou fai he ʼu fakavikiviki ʼi te kokelekasio? He koʼe ʼe lelei ke tou fai he ʼu fakavikiviki ʼi te famili, pea ʼe tou lava fakahoko feafeaʼi ia te faʼahi ʼaia? Koteā te fakaloto mālohi ʼaē neʼe koutou maʼu ʼi te ʼu fakavikiviki?

15 min: “Tou ʼOʼofa Ki Te Hahaʼi​—ʼO Tou Fakavikiviki Kiā Nātou.”b Fai he faʼifaʼitaki nounou, ko he fai faka mafola ʼe fakalogo lelei ki te ʼu palalau ʼo ia ʼo te ʼapi, ʼo fai ki ai he fakavikiviki fakamalotoloto, pea ʼe ina faʼu tanā fai palalau ʼo mulimuli ki te tali ʼo ia ʼo te ʼapi, pea mo ina lau age he vaega ʼe ʼalutahi mo tanā fai palalau.

Kātiko 165 pea mo te faikole fakaʼosi.

Vāhaʼa ʼo te ʼaho 26 ʼo Sūnio

Kātiko 71

15 min: Te ʼu logo. Lau ʼo te falā pea mo te ʼu meʼa ʼofa. ʼAki te ʼu manatu ʼi te pasina 4 peʼe ko he tahi faʼahiga palalau ʼe ʼalutahi mo tokotou telituale, fakahā te tufa ʼo Te Tule Leʼo ʼo te ʼaho 1 ʼo Sūlio pea mo te Réveillez-vous ! ʼo Sūlio, peʼe ko te ʼu nusipepa fakamuli ʼaē kua tou maʼu. ʼI te fakaʼosi ʼo te ʼu faʼifaʼitaki, ko ia ʼaē ʼe fai faka mafola ʼe ina lagaʼi he fehuʼi ʼe ina uga anai ia ia ʼo te ʼapi ke ina fakakaukauʼi, pea ʼe koutou tali anai kiai ʼi te tahi ʼaʼahi ʼaki te tohi Te Ako Mai Te Tohi-Tapu.

15 min: Te Gāue ʼi He Kokelekasio ʼo He Tahi Lea. Ko he akonaki ʼe fakatafito ki Te Tule Leʼo Fakafalani ʼo te ʼaho 15 ʼo Malesio 2006, pasina 17 ki te 20. Fakaʼaogaʼi mo te ʼu manatu ʼo te tohi Organisés, ʼi te pasina 112, palakalafe 2. Faka ʼalutahi te ʼu manatu mo takotou kokelekasio. ʼE feala hakotou fakafehufehuʼi he tahi peʼe ko he toko lua ʼe nā fia ako he tahi lea moʼo fakalahi tanā minisitelio.

15 min: Te Faka Mafola ʼo Te Logo Lelei ʼi Sūlio. Ko te ʼu faʼahi fea ʼaē ʼe fia talanoa tāfito kiai ia te hahaʼi ʼo tokotou telituale? Fakafehufehuʼi fakanounou he tahi peʼe ko he toko lua neʼe nā fakaʼaogaʼi lelei te tohi Te Ako Mai Te Tohi-Tapu pea neʼe lagi kamata hanā ako Tohi-Tapu. ʼOsi ʼaia, fai he faʼifaʼitaki ʼo te tufa ʼo te māhina ʼi te fai faka mafola ʼi te ʼu ʼapi, ʼo fakaʼaogaʼi ia he manatu neʼe fua lelei ʼi tokotou telituale.​—Vakaʼi ia Te Minisitelio ʼo Te Puleʼaga ʼo Sānualio 2005, pas. 8, pal. 5.

Kātiko 16 pea mo te faikole fakaʼosi.

Vāhaʼa ʼo te ʼaho 3 ʼo Sūlio

Kātiko 121

10 min: Te ʼu logo. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo Sūnio.

15 min: Ko he akonaki ʼe ʼaoga ki te kokelekasio.

20 min: “E Feafeaʼi Hakotou Fakahoko Takotou ʼu Fakatuʼutuʼu Fakalaumālie?”c Fakaafe te kau tūpulaga ʼo tokotou kokelekasio ke nātou fakamatala tanatou ʼu fakatuʼutuʼu fakalaumālie, pea koteā ʼaē ʼe nātou fai moʼona fakahoko. ʼE feala hakotou teuteuʼi fakatomuʼa he ʼu fakafehufehuʼi mo he tokotahi peʼe ko he toko lua.

Kātiko 30 pea mo te faikole fakaʼosi.

[Kiʼi nota]