Polokalama ʼo Te Fono Gāue

Vāhaʼa ʼo te ʼaho 8 ʼo Sānualio

Kātiko 12

10 min: Te ʼu logo. Fakaloto mālohiʼi te nofoʼaki ke natou sioʼi te foʼi ʼata viteo Pas de sang : la médecine relève le défi moʼo teuteuʼi te fai palalau ʼaē kā fai anai ʼi te Fono Gāue ʼo te vāhaʼa ʼo te ʼaho 22 ʼo Sānualio. ʼAki te ʼu manatu ʼi te pāsina 8 peʼe ko te tahi age ʼu faʼahiga palalau ʼe ʼalutahi mo tokotou telituale, kotou fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Sānualio pea mo te Réveillez-vous ! ʼo Sānualio, peʼe ko te ʼu nusipepa fakamuli e lua ʼaē kua kotou maʼu. ʼI te tahi faʼifaʼitaki, fakahā peʼe feafeaʼi he tali ki he tahi ʼe ina ʼui mai: “ ʼE ʼau maʼumaʼua.”​—Vakaʼi ia te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, ʼi te pāsina 14.

15 min: Te ʼu lelei ʼaē ʼe tou maʼu ʼi te kiʼi kaupepa Tou Vakaʼi Ia Te Tohi-Tapu ʼi Te ʼAho Fuli. Ko he akonaki pea mo he fai palalau mo te nofoʼaki, pea ʼe fakatafito ki te ʼu ʼuluaki palalau ʼo te kiʼi kaupepa Tou Vakaʼi Ia Te Tohi-Tapu ʼi Te ʼAho Fuli​—2007. Fakahā ki te nofoʼaki ia te maʼuhiga ʼaē ke toʼo ʼi te ʼaho fuli ia he ʼu kiʼi minuta moʼo lau ia te vaega faka Tohi-Tapu pea mo tona fakamatala. Kole fakatomuʼa ki he tahi peʼe ko he toko lua ke nā fakamatala tanā ʼu fakatuʼutuʼu moʼo vakaʼi te koga tohi pea mo tona ʼu fua lelei kiā nāua. Fakaʼosi ʼaki he ʼu palalau fakanounou ʼo ʼuhiga mo te vaega faka Tohi-Tapu ʼo te taʼu 2007.

20 min: ʼE Aʼu Te Logo Lelei Ki Te Hahaʼi Kaugamālie. Ko he akonaki pea mo he fai palalau mo te nofoʼaki, ʼe fakatafito ki te ʼalatike Kua Nātou Fakatuʼutuʼu Moʼo Fai ʼo Te Finegalo ʼo Sehova, ʼi te pepa ʼaē neʼe tufa tahi atu mo Te Minisitelio ʼo Te Puleʼaga ʼaenī ʼi te pāsina 3.

Kātiko 165 pea mo te faikole fakaʼosi.

Vāhaʼa ʼo te ʼaho 15 ʼo Sānualio

Kātiko 93

10 min: Te ʼu logo. Te ʼu Tonu.

15 min: ʼE ʼi Ai Koa He Meʼa ʼe Ina Tāʼofi Koutou? Ko he akonaki ʼe fai e he tagata ʼāfea, pea ʼe fakatafito ki Te Tule Leʼo ʼo te ʼaho 1 ʼo ʼApelili 2002, ʼi te pāsina 13 ki te 15.

20 min: “ ʼE Mole Au Loto Au Kiai.”a Kā kotou vakaʼi te palakalafe 4, fehuʼi ki te nofoʼaki pe ko te ʼu ʼalatike fea ʼaē ʼe fia fai palalau kiai te hahaʼi ʼo te telituale. Fai he ʼu faʼifaʼitaki nounou e lua ʼe fakahā ai peʼe feafeaʼi te tali ki he tahi ʼe ina ʼui mai: “ ʼE mole ʼau loto ʼau kiai.”​—Vakaʼi te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, ʼi te pāsina 11-12.

Kātiko 135 pea mo te faikole fakaʼosi.

Vāhaʼa ʼo te ʼaho 22 ʼo Sānualio

Kātiko 224

10 min: Te ʼu logo. Lau te falā pea mo te ʼu meʼa ʼofa. ʼAki te ʼu manatu ʼi te pāsina 8 peʼe ko te tahi ʼu manatu ʼe ʼalutahi mo tokotou telituale, kotou fai he faʼifaʼitaki ʼo te tufa ʼo Te Tule Leʼo ʼo te ʼaho 1 ʼo Fepualio pea mo te Réveillez-vous ! ʼo Fepualio, peʼe ko te ʼu nusipepa fakamuli e lua ʼaē kua kotou maʼu. ʼI he tahi faʼifaʼitaki, fakahā peʼe feafeaʼi hatatou tuku ki he tahi ʼe tou ʼave tuʼumaʼu kiai tana ʼu nusipepa.

10 min: Ko he akonaki ʼe ʼaoga ki te kōkelekāsio.

25 min: “Koteā Te Faitoʼo ʼAē ʼe Lelei ʼAupitō?” Ko he akonaki ʼe fai e he tagata ʼāfea. Fai palalau mo te nofoʼaki ki te foʼi ʼata Pas de sang, ʼo kotou fakaʼaogaʼi te ʼu fehuʼi ʼaē ʼe tuʼu ʼi te ʼalatike. Fakaʼosi te akonaki, ʼaki te lau ʼo te palakalafe fakamuli pea mo fakaloto mālohiʼi te nofoʼaki kātoa ke natou toe lau fakalelei te ʼu ʼalatike ʼo Te Tule Leʼo.

Kātiko 45 pea mo te faikole fakaʼosi.

Vāhaʼa ʼo te ʼaho 29 ʼo Sānualio

Kātiko 40

10 min: Te ʼu logo. Fakamanatuʼi ki te kau fai faka mafola ke natou ʼaumai tanatou ʼu kiʼi pepa tānaki gāue ʼo Sānualio. Fakahā te tufa ʼo Fepualio, pea fai mo he faʼifaʼitaki moʼo fakahā te tufa ʼaia.

20 min: “Kua Kotou Tokalelei Koa Mokā Hoko Mai Ia He Tuʼutāmaki Ki Te Kele?”b Ko he akonaki ʼe fai e he tagata ʼāfea. Kotou fakaʼaogaʼi mo te ʼu manatu ʼo Te Minisitelio ʼo Te Puleʼaga ʼo te māhina ʼo Novepeli 2005, ʼi te pāsina 3.

15 min: Kapau Neʼe Kotou Fakapapau ʼe Kotou Toe Liliu, Pea ʼe Tonu Ke Kotou Toe Liliu. Ko he akonaki pea mo he fai palalau, pea ʼe fakatafito ki Te Tule Leʼo ʼo te ʼaho 15 ʼo Sepetepeli 1999, ʼi te pāsina 11. Fakaafe te nofoʼaki ke natou fakamatala he ʼu meʼa neʼe hoko kiā nātou, pea ʼe ʼiloga ai te ʼu tapuakina ʼaē neʼe natou maʼu ʼi tanatou toe liliu ʼo fai tanatou ʼu ʼaʼahi.

Kātiko 44 pea mo te faikole fakaʼosi.

Vāhaʼa ʼo te ʼaho 5 ʼo Fepualio

Kātiko 3

10 min: Te ʼu logo.

15 min: Ko Au Ko Te Fakamoʼoni. Ko he akonaki pea mo he fai palalau mo te nofoʼaki. Ko ʼihi tūpulaga ʼe natou ufiufi ʼi te fakahā ko natou ko he Fakamoʼoni ʼa Sehova, koteʼuhi ʼe natou tuʼania naʼa vāʼi nātou e tonatou ʼu kaumeʼa. Kae ʼe lahi te ʼu tupuʼaga lelei ke kotou fakahā ai pe ko ai ia koutou. Heʼe ko te kau faiako ʼaē ʼe natou ʼiloʼi te faʼahi ʼaia, ʼe lagi lahi age anai tanatou fakaʼapaʼapa kiā koutou pea mole natou fakakinauʼi anai koutou ki he ʼu meʼa ʼe fakafeagai ki takotou lotu. Pea ko te kau tūpulaga ʼaē ʼe mole mulimuli ki te ʼu aga ʼaē ʼe tonu ke fai, ʼe mole natou uga anai koutou ke kotou fai te ʼu aga heʼeʼaoga ʼaē ʼe natou fai. Ko ʼihi ʼe natou mahino anai ki te ʼu tonu ʼaē kā kotou fai ʼo ʼuhiga mo te fakatahi ʼa he taʼahine mo he tama peʼe ko te kau ki te ʼu faigaoʼi ʼi te faleako pea mo he tahi age ʼu fakafiafia ʼi tuʼa atu ʼo te faleako. ʼE mole kotou tuʼania fau anai mokā kotou felāveʼi mo hokotou kaugā ako ʼi te fai faka mafola ʼi te telituale. (g02 22/3 p. 12) Fakaafe he kau fai faka mafola ke natou fakamatala te ʼu fua lelei ʼo tanatou fakahā ʼi te faleako ko nātou ko te kau Fakamoʼoni ʼa Sehova. ʼE lava teuteuʼi fakatomuʼa he fakamatala e tahi peʼe lua.

20 min: “Te ʼOfa​—Ko Te Kalavī ʼo He Minisitelio ʼe Fua.”c Fakaʼaogaʼi he ʼu fakamatala ʼo Te Tule Leʼo ʼo te ʼaho 1 ʼo Fepualio 2003, pāsina 23, palakalafe 16-17.

Kātiko 181 pea mo te faikole fakaʼosi.

[Nota]