Polokalama ʼo Te Fono Gāue

Vāhaʼa ʼo te ʼaho 9 ʼo ʼApelili

Kātiko 201

10 min: Te ʼu logo. Fakaloto mālohi te nofoʼaki ke natou sioʼi te foʼi ʼata DVD ʼaē ko tona kupu tāfito: Les jeunes sʼinterrogent... Que vais-je faire de ma vie ? moʼo teuteuʼi te fai palalau kā fai anai ʼi te Fono Gāue ʼo te vāhaʼa kā hoko mai. Ko nātou ʼaē ʼe feala ke natou sioʼi te foʼi ʼata ʼaia ʼi te Fakafalani, ʼe fakaloto mālohiʼi nātou ke natou metitāsioʼi te ʼu manatu ʼaē ʼe maʼu ai, ʼaē ʼe fakaloto mālohi ki te tui pea mo fakaʼaogaʼi moʼo tokoni ki tonatou kiʼi fāmili pea mo te kau ako Tohi-Tapu. Kotou fakahā lelei te ʼu meʼa ʼaē ʼe feala ke tou maʼu ʼi te fakamatala ʼaē ʼe ʼātakai ko te “Menu principal,” pea mo fakamahino peʼe feafeaʼi te filifili ʼo te ʼu faʼahi ʼaē ʼe kotou fia sioʼi ʼi te foʼi ʼata DVD ʼaia. ʼAki te ʼu manatu ʼi te pāsina 12 peʼe ko te tahi ʼu manatu ʼe ʼalutahi mo tokotou telituale, kotou fai he faʼifaʼitaki ʼo te tufa ʼo Te Tule Leʼo ʼo te ʼaho 1 ʼo ʼApelili pea mo te Réveillez-vous ! ʼo ʼApelili peʼe ko te ʼu nusipepa fakamuli e lua ʼaē kua kotou maʼu. ʼI he tahi faʼifaʼitaki, ʼe lagaʼi anai he fehuʼi e te kaugā fai faka mafola pea ina tali anai kiai ʼi tana toe liliu mai.

15 min: “Ko Te Kōkelekāsio Kātoa ʼe Feala Ke Kau Ki Te Fai ʼo He ʼu Tisipulo Foʼou.”a ʼI te palakalafe 4, fakaafe te nofoʼaki ke natou fakahā pe neʼe fakaloto mālohiʼi feafeaʼi ia nātou e te kōkelekāsio ʼi muʼa ʼo tanatou papitema. ʼE feala ke fakatuʼutuʼu fakatomuʼa ke fakafehuʼi he tokotahi peʼe ko he toko lua.

20 min: “Ko Te Gāue Lahi ʼe Fai ʼi Te Mālamanei Kātoa Moʼo Fakahā Te Fakatahi Faka Tisitilike ‘Kotou Mulimuli Iā Kilisito!’ ”b Kā vakaʼi ia te palakalafe 3, fakaafe ia te nofoʼaki ke natou fakamatala he ʼu fua lelei neʼe natou maʼu ʼi te tufa ʼo te ʼu pepa fakaafe ki te fakatahi faka tisitilike ʼo te taʼu ʼaenī kua hili, peʼe kotou fakaʼaogaʼi ia he ʼu fakamatala ʼo te Annuaire 2007, mai te pāsina 7 ʼo aʼu ki te kiʼi kupu tāfito ʼo te pāsina 10.

Kātiko 43 pea mo te faikole fakaʼosi.

Vāhaʼa ʼo te ʼaho 16 ʼo ʼApelili

Kātiko 161

10 min: Te ʼu logo. Te ʼu Tonu.

15 min: “Tou ‘Fagonogono Te Folafola ʼa Te ʼAtua ʼo Mole [Tou] Mātataku.’ ”c Kapau ʼe feʼauga te temi, fakaafe te nofoʼaki ke natou fakamahino te ʼu vaega Tohi-Tapu.

20 min: “ ʼE Kotou Fakaʼaogaʼi Feafeaʼi Anai Tokotou Maʼuli?”—ʼUluaki Koga.d ʼI te ʼosi vakaʼi fakanounou te palakalafe 1 pea mo te 2, fai palalau ki te ʼu fehuʼi ʼaē ʼe tuʼu ʼi te ʼu palakalafe 3 mo te 4. ʼI te vakaʼi ʼo te fehuʼi 4 ʼi te palakalafe 3, lau te ʼu vaega Tohi-Tapu e lua ʼaē ʼe tuʼu ai. Moʼo fakaʼosi, vakaʼi te fakamatala ʼaē ʼe ʼātakai ko te “Menu principal.” Fakaloto mālohiʼi te nofoʼaki ke natou sisio ki te ʼu “Interviews” (Te ʼu Fakafehuʼi) pea mo “Suppléments” (Te Tahi ʼu Faʼahi) ʼi te DVD moʼo teuteuʼi te fai palalau ʼi te Fono Gāue ʼo te vāhaʼa kā hoko mai.

Kātiko 207 pea mo te faikole fakaʼosi.

Vāhaʼa ʼo te ʼaho 23 ʼo ʼApelili

Kātiko 215

10 min: Te ʼu logo. Lau ʼo te falā pea mo te ʼu meʼa ʼofa. ʼAki te ʼu manatu ʼi te pāsina 8 peʼe ko te tahi ʼu manatu ʼe ʼalutahi mo tokotou telituale, kotou fai he faʼifaʼitaki ʼo te tufa ʼo Te Tule Leʼo ʼo te ʼaho 1 ʼo Maio pea mo te Réveillez-vous ! ʼo Maio peʼe ko te ʼu nusipepa fakamuli e lua ʼaē kua kotou maʼu. Fakahā te ʼu fakatuʼutuʼu makehe ki te fai faka mafola ʼi te ʼaho 1 ʼo Maio.

10 min: Kotou Sisio! Ko he Mālama ʼe Taulekaleka! Ko he akonaki ʼe fakatafito ki Te Tule Leʼo Fakafalani ʼo te ʼaho 15 ʼo Malesio 2007, pāsina 12-14.

25 min: “ ʼE Kotou Fakaʼaogaʼi Feafeaʼi Anai Tokotou Maʼuli?”—Lua Koga.e Fai palalau ki te ʼu fehuʼi takitahi ʼaē ʼe tuʼu ʼi te ʼu palakalafe 5 ki te 7. Fakaʼosi ʼaki te pāui ʼofa ʼaē ʼe tuʼu ʼi te palakalafe 8.

Kātiko 172 pea mo te faikole fakaʼosi.

Vāhaʼa ʼo te ʼaho 30 ʼo ʼApelili

Kātiko 16

5 min: Te ʼu logo. Fakamanatuʼi ki te kau fai faka mafola fuli ke natou foaki tanatou kiʼi pepa tānaki gāue ʼo ʼApelili. Fakahā te ʼu fakatuʼutuʼu makehe ki te fai faka mafola ʼi te ʼaho 8 ʼo Maio.

10 min: Ko he akonaki ʼe ʼaoga ki te kōkelekāsio.

30 min: “Tou Mulimuli Iā Kilisito ʼo Tou Fakahā Te Fakaʼapaʼapa.”f ʼE fai e te sīkalaipe. Fakahā te fakatahi ʼaē ʼe kau kiai te kōkelekāsio. Vakaʼi te fakamatala ʼaē ʼe ʼātakai “Te ʼu Fakamanatu ʼo ʼUhiga Mo Te Fakatahi Faka Tisitilike.”

Kātiko 44 pea mo te faikole fakaʼosi.

Vāhaʼa ʼo te ʼaho 7 ʼo Maio

Kātiko 183

10 min: Te ʼu logo. Fakahā te ʼu fakatuʼutuʼu makehe ki te fai faka mafola ʼi te ʼaho 17 ʼo Maio.

15 min: Te ʼu Fakatuʼutuʼu ʼo ʼUhiga Mo Te Laga ʼo Te ʼu Fale Tauhi. Ko he akonaki pea mo he fai palalau mo te nofoʼaki, ʼe fakatafito ki te kāpite 11 ʼo te ʼalatike Kua Nātou Fakatuʼutuʼu Moʼo Fai ʼo Te Finegalo ʼo Sehova, ʼi te pepa ʼaē neʼe tufa tahi atu mo Te Minisitelio ʼo Te Puleʼaga ʼaenī ʼi te pāsina 7 ki te 10.

20 min: “Kā Pupuli Te Hahaʼi ʼi Tonatou ʼApi.”g ʼE fai e te taupau gāue.

Kātiko 163 pea mo te faikole fakaʼosi.

[Nota]