Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 28 ʼo ʼApelili 2008. Ko te taupau ʼo te ako ʼe ina fai anai te fakamanatu iā minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 3 ʼo Malesio ʼo aʼu ki te vāhaʼa ʼo te ʼaho 28 ʼo ʼApelili 2008.

HE KALITĀTĒ KI TE FAIAKONAKI

1. He koʼē ʼe maʼuhiga ke tou teuteuʼi tatatou ʼu akonaki ʼaki te ʼu tohi ʼaē kua hinoʼi mai, pea ʼe tou lava fakahoko feafeaʼi ia te faʼahi ʼaia? [be p. 234 pal. 1–p. 235 pal. 1]

2. He koʼē ʼe maʼuhiga ia te ʼu fehuʼi mokā tou faiako? [be p. 236 pal. 1-5]

3. ʼE lava tokoni feafeaʼi ia te ʼu fehuʼi ki te hahaʼi ʼaē ʼe tou fai palalau mo nātou, ke natou fakakaukauʼi ia te manatu ʼaē ʼe tou palalau kiai? [be p. 237 pal. 3–p. 238 pal. 1]

4. Kā tou faiako, he koʼē ʼe maʼuhiga ke tou faiva ʼi te fakaʼaogaʼi ʼo he ʼu fehuʼi moʼo ʼiloʼi ia te ʼu manatu moʼoni ʼo ia ʼaē ʼe ako? (Taag. 20:5; Mat. 16:13-16; Soa. 11:26) [be p. 238 pal. 3-5]

5. Koteā te lelei ʼo te fakaʼaogaʼi ʼo he ʼu fakatatau mokā tou faiako? (Sen. 22:17; Sel. 13:11) [be p. 240 pal. 1-3]

AKONAKI N° 1

6. Kotou toʼo mai he ʼu pelesepeto ʼe fakamaʼuhigaʼi ʼi te tohi ʼo Maleko, kā tokoni mai anai ke tou maʼu ia te maʼuli ʼi te pule ʼo te Puleʼaga ʼo te ʼAtua. [si p. 186 pal. 32]

7. ʼE tokoni feafeaʼi ia te laumālie māʼoniʼoni ki te ʼu kaugana ʼa te ʼAtua iā ʼaho nei? (Soa. 14:25, 26) [be p. 19 pal. 2-3]

8. Ko te fua lelei lahi fea ʼaē ʼe tou maʼu mai te lautohi? [be p. 21 pal. 3]

9. Koteā ʼaē ʼe fakamaʼua ki te ako? [be p. 27 pal. 3–p. 28 pal. 1]

10. ʼE fakatuputupu feafeaʼi e te Evaselio ʼo Luka tatatou falala ʼaē ko te Koga Tohi-Tapu Fakahepeleo, neʼe tohi ʼaki ia te takitaki ʼo te laumālie māʼoniʼoni? [si p. 192 pal. 30-31]

LAU ʼO TE TOHI-TAPU ʼI TE VĀHAʼA FULI

11. He koʼē neʼe fakatonutonuʼi e Sesu ia te tagata ʼaē neʼe ina fakahigoaʼi ia Ia ko “Faiako Agalelei”? (Mko. 10:17, 18) [w08 1/2 “ ʼE Maʼuli Te Folafola ʼa Sehova—Ko He ʼu Puani ʼAoga ʼo Te Tohi ʼa Maleko”]

12. He koʼē neʼe fakaʼaogaʼi e Sesu ia te fuʼu fiku moʼo fakatātā kiai ia te puleʼaga ʼo Iselaele? (Mko. 11:12-14, 20, 21) [w03 15/5 p. 26 pal. 2-3]

13. Koteā ia te fakaʼuhiga ʼo te ʼu palalau ʼaē neʼe fai e te ʼāselo ko Kapeliele, ʼi tana ʼui age ʼaē kiā Malia ʼe ina ‘faitamaʼi anai ʼi tona ʼalo,’ heʼe hifo anai ia te laumālie māʼoniʼoni ʼo te ʼAtua kiā ia pea ko te mālohi ʼo te ʼAtua ʼe ina mahuʼi anai ia ia? (Luka 1:30, 31, 34, 35) [w08 1/3 “ ʼE Maʼuli Te Folafola ʼa Sehova—Ko He ʼu Puani ʼAoga ʼo Te Tohi ʼa Luka”; it-2 p. 20 pal. 3]

14. Neʼe fai moʼoni koa e te ʼu tisipulo ʼa Sesu ia ‘te meʼa ʼaē neʼe mole gafua ke fai ʼi te Sāpato’? (Luka 6:1, 2) [gt 31]

15. Koteā te ako ʼe feala ke tou tāʼofi mai te tokoni ʼaē neʼe fai e Sesu kiā Maleta? (Luka 10:40-42) [w99 1/9 p. 31]