Te ʼu Tonu

◼ ʼApelili Mo Maio: Ko Te Tule Leʼo pea mo te Réveillez-vous ! ʼE tou faiga tāfito anai ke tou ʼaʼahi te hahaʼi ʼaē ʼe fia logo pea neʼe kau ki te ʼAho Fakamanatu peʼe ki te akonaki makehe ki te hahaʼi fuapē kae ʼe mole natou ʼomai putuputu ki te kōkelekāsio. Ko te fakatuʼutuʼu ʼo te ʼu ʼaʼahi ʼaia ʼe ko te kamata ʼo he Ako Tohi-Tapu mo nātou ʼaē mole heʼeki fai hanatou ako. Sūnio: Koteā ʼAē ʼe Akoʼi Moʼoni Mai ʼi Te Tohi-Tapu? Tou fakatuʼutuʼu ke tou kamata he ʼu ako Tohi-Tapu mo te tohi ʼaia. ʼE feala ke tufa mo te kiʼi pepa lotu ʼE Koutou Fia Mahino Lahi Koa Ki Te Tohi-Tapu? Sūlio: Te kaupepa Kotou Nonofo ʼAlaʼala! peʼe feala pē ke kotou tufa mo te kaupepa ʼE Koutou Lava Kaumeʼa Mo Te ʼAtua!

◼ ʼO kamata atu ʼi Sūlio, ko te ʼu kiʼi kate fakaʼiloga ʼo te fakatahi fakatisitilike taʼu 2008 ʼe kau anai ki tona tufa atu. ʼE mole ʼaoga anai ke kotou fakaʼui. Kapau ʼe ʼaoga anai he tahi age ʼu kiʼi kate fakaʼiloga ki te kōkelekāsio, ʼe tonu anai ke fakaʼui ʼaki te Pepa Fakaʼui Tohi (S-14). ʼE tonu anai ke kotou fakaʼui ia te ʼu kiʼi ʼaiʼaga ʼo te ʼu kiʼi kate fakaʼiloga maʼa te kōkelekāsio mo kapau ʼe natou loto kiai.

◼ ʼE tonu ke taupau e te ʼu sīkalaipe ʼo te ʼu kōkelekāsio he ʼu pepa feʼauga ʼo te pepa Fakaʼui Ki Te Selevisi Pioniē Kātoa (S-205) pea mo te pepa Fakaʼui Ki Te Selevisi Pioniē Vaeluaʼi Temi (S-205b). ʼE feala ke fakaʼui te ʼu pepa ʼaia ʼi te Pepa Fakaʼui Tohi (S-14). ʼE tonu ke maʼu he ʼu pepa feʼauga ki te taʼu kātoa. ʼI muʼa ʼo te momoli ʼo te ʼu pepa fakaʼui pioniē ki te filiale, vakaʼi muʼa peʼe kua fai te ʼu tali ki te ʼu fehuʼi fuli ʼaē ʼe tuʼu ʼi te pepa pioniē.

◼ ʼE tonu ke taupau e te filiale te ʼu tuʼasila pea mo te ʼu nūmelo telefoni ʼa te ʼu taupau pelesitā fuli pea mo te ʼu sīkalaipe. Kapau ʼi he temi pē ʼe fetogi te ʼu faʼahi ʼaia, ʼe tonu anai ki te Komitē Gāue ʼo Te Kōkelekāsio ke faitohi fakavilivili ki te filiale.

◼ Kapau ʼe kotou folau pea mo kotou fia kau ki te ʼu fono peʼe ki te ʼu fakatahi ʼaē ʼe fai ʼi he tahi age fenua, ʼe tonu ke kotou kole ki te filiale ʼaē ʼe tokaga ki te gāue ʼo te fenua ʼaia te ʼu ʼaho, mo te hola pea mo te faʼahi ʼaē ʼe fai ai te ʼu fono ʼaia. Ko te ʼu tuʼasila ʼo te ʼu filiale ʼe tuʼu ʼi te pāsina fakamuli ʼo te Annuaire.