Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 23 ʼo Fepualio 2009. Ko te taupau ʼo te ako ʼe ina fai anai te fakamanatu iā minuta e 20, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 5 ʼo Sānualio ʼo aʼu ki te vāhaʼa ʼo te ʼaho 23 ʼo Fepualio 2009.

1. Neʼe lava feafeaʼi ki te ʼAtua ke ina fakamū he mālama ʼi te ʼuluaki ʼaho, mai tona ʼaluʼaga ʼaē neʼe hoki fakatupu ia te ʼu mālama ʼi te fā ʼaho? (Sen. 1:3, 16) [w04 1/1 p. 28 pal. 5]

2. Koteā ʼaē ʼe hā mai ʼi te mole ʼui age ʼaē ʼa Sehova kiā Noe ke ina puleʼi ia te kele, ohagē ko tana ʼui age ki te tagata haohaoa ko Atama? (Sen. 9:1) [it-1-F p. 788 pal. 6]

3. Neʼe kamata ʼanafea ia te Fuakava mo Apalahamo, pea lolotoga temi e fia? (Sen. 12:1-4) [w04 15/1 p. 26 pal. 4; w01 15/8 p. 17 pal. 13]

4. Koteā ʼaē ʼe fakamoʼoni ai ko Nimelote pea mo nātou ʼaē neʼe muli iā ia, neʼe mole natou fakahoko tanatou fakatuʼutuʼu ʼaē ke ‘fakalogona tonatou higoa’? (Sen. 11:4) [w98 15/3 pp. 24-25]

5. Mai tona ʼaluʼaga ʼaē ʼe fakahigoaʼi ia Lote ko he tagata “agatonu” iā 2 Petelo 2:7, he koʼē neʼe ina foaki tona ʼu ʼofafine ki te hahaʼi aga heʼeʼaoga? (Sen. 19:8) [w05 1/2 p. 26 pal. 15-16; w04 15/1 p. 27 pal. 3]

6. Mai tona ʼaluʼaga ʼaē, ko te ʼu tagata ʼohoana ʼe tonu ke natou tōkakaga ki tonatou fāmili, neʼe lava kapu feafeaʼi e Apalahamo ia Akale pea mo Isimaele ke ʼolo ki te toafa? (Sen. 21:10-21; 1 Tim. 5:8) [w88-F 15/2 p. 31]

7. Koteā ia te ako ʼe feala ke tou tāʼofi mai te faiga ʼaē ʼa Eliesele ke mulimuli ki te takitaki ʼa Sehova moʼo maʼu ia he ʼohoana maʼa Isaake? (Sen. 24:14, 15, 17-19, 26, 27) [w97 1/1 p. 31 pal. 2]

8. Neʼe koteā ia te fakaʼuhiga ʼo te moemisi ʼa Sakopo ʼaē neʼe sio ai ki te ʼu ʼāselo ʼe ‘hihifo mai mo hahake ʼi te tuʼuga’? (Sen. 28:10-13) [w03 15/10 p. 29 pal. 1; it-1-F p. 683]

9. He koʼē neʼe fia maʼu e Lasele ia te ʼu fuaʼi ʼakau ʼaē ko te ʼu mandragores ʼa te tama ʼa Lea? (Sen. 30:14, 15) [w04 15/1 p. 28 pal. 7]

10. He koʼē ko he faʼifaʼitaki lelei neʼe tuku mai e Sakopo ʼo ʼuhiga mo te fakatokatoka ʼo he ʼu fihi? (Sen. 33:3, 4) [g82-F 22/5 p. 19 pal. 8-10]