Polokalama ʼo Te Vahaʼa 23 ʼo Fepualio

VĀHAʼA ʼO TE ʼAHO 23 ʼO FEPUALIO

Kātiko 23

□ Ako Tohi-Tapu ʼo Te Kōkelekāsio:

lv tohi mai te Kolesi Pule kāp. 1 ¶1-9

□ Ako Fakateokalatike:

Lau ʼo Te Tohi-Tapu: Senesi 32-35

Fakamanatu ʼo Te Ako Fakateokalatike

□ Fono Gāue:

Kātiko 1

5 min: Te ʼu logo. Fakatokagaʼi ia te tohi ʼaē kā tufa ʼi Malesio.

10 min: Tou Teuteuʼi Te Tufa ʼo Te Tule Leʼo ʼo te ʼaho 1 ʼo Malesio pea mo te Réveillez-vous! ʼo Malesio. ʼI te ʼosi fakasiosio fakanounou ʼo te ʼu nusipepa, fehuʼi ki te nofoʼaki pe ko te ʼu ʼalatike fea ʼaē ʼe lagi fia lau e te hahaʼi ʼo te telituale pea koteā tona tupuʼaga. Kole ki te nofoʼaki ke natou fakahā ia he fehuʼi ʼe natou lagaʼi anai moʼo kamata ia he fai palalau, pea mo he vaega Tohi-Tapu ʼaē kā natou lau ʼi muʼa ʼo tanatou tufa ia te ʼu nusipepa. Fakaʼosi ʼaki he faʼifaʼitaki ʼe fakahā ai peʼe feafeaʼi ia te tufa ʼo te ʼu nusipepa ʼaia e lua.

10 min: Ko he akonaki ʼe ʼaoga ki te kōkelekāsio.

10 min: ʼE Kotou Fakaʼaogaʼi Koa Ia Te Kiʼi Kaupepa Tou Vakaʼi Ia Te Tohi-Tapu ʼi Te ʼAho Fuli? Ko he akonaki pea mo he fai palalau mo te nofoʼaki ʼe fakatafito ki te ʼuluaki palalau ʼo te kiʼi kaupepa Tou Vakaʼi Ia Te Tohi-Tapu ʼi Te ʼAho Fuli—2009. Talanoa ki te maʼuhiga ʼaē ke tou toʼo he temi ʼi te ʼaho fuli ke tou vakaʼi ia te vaega Tohi-Tapu pea mo tona fakamatala. Fakaafe ia te nofoʼaki ke natou fakamatala tanatou polokalama pea mo feafeaʼi tanatou vakaʼi ia te vaega Tohi-Tapu pea ʼe fua lelei feafeaʼi kiā nātou.

Kātiko 160