Polokalama ʼo Te Vahaʼa 30 ʼo Malesio

VĀHAʼA ʼO TE ʼAHO 30 ʼO MALESIO

Kātiko 93

□ Ako Tohi-Tapu ʼo Te Kōkelekāsio:

lv kāp. 3 ¶8-15, fakamatala ʼaē ʼe ʼātakai ʼi te p. 30

□ Ako Fakateokalatike:

Lau ʼo Te Tohi-Tapu: Ekesote 1-6

N° 1: Ekesote 1:1-19

N° 2: td 9A He Koʼe ʼe Fakafeagai Te Hahaʼi Ki Te Kau Kilisitiano?

N° 3: ʼE Ko Te Laumālie Māʼoniʼoni Koa ʼo Te ʼAtua ʼAē ʼe Ina Fakamālōlō Fakamilakulo Ia Te Hahaʼi Iā ʼAho Nei? (rs p. 176 ¶4–p. 177 ¶4)

□ Fono Gāue:

Kātiko 71

5 min: Te ʼu logo. Fakahā te ʼu logo fakaʼosi ʼo ʼuhiga mo te ʼAho Fakamanatu.

15 min: Kotou Teuteu Ke Kotou Tokoni Kiā Nātou ʼe Fia Logo Neʼe Kau Ki Te ʼAho Fakamanatu. Ko he akonaki ʼe fai e te taupau ki te gāue ʼo ina fakamanatuʼi ki te kau fai fakamafola peʼe koteā ʼaē ʼe tonu ke natou fai moʼo tokoni ki he kau ako Tohi-Tapu, mo te ʼu kaugā fagona ʼaē ʼe mole kei natou lagolago ki te kōkelekāsio, pea mo ʼihi atu ʼe natou ʼomai ʼo kau ki te ʼAho Fakamanatu, ohagē ko totatou ʼu kaumeʼa pea totatou fāmili. (Vakaʼi ia Te Minisitelio ʼo Te Puleʼaga ʼo Malesio 2008, ʼi te pāsina 6.) Fai ia he faʼifaʼitaki fakanounou ʼe fakahā peʼe lava kamata feafeaʼi ia he ako Tohi-Tapu mo he tahi ʼe fia logo neʼe kau ki te ʼAho Fakamanatu. Fakamanatuʼi ki te kau fai fakamafola fuli ke natou lau ia te ʼu vaega Tohi-Tapu ʼo ʼuhiga mo te ʼAho Fakamanatu ʼo kamata atu ʼi te ʼAhotapu ʼaho 5 ʼo ʼApelili. Ko te ʼu tokoni ʼaoga ʼe feala ke ina foaki moʼo fakahā mai ia te ʼu meʼa ʼaē ʼe tonu ke tou fai.

15 min: “ La Bible : un livre historique et prophétique. ” Ke minuta tahi ia te ʼu ʼuluaki palalau pea fai ʼaki he ʼu fehuʼi pea mo he ʼu tali.

Kātiko 213