La Bible : un livre historique et prophétique

ʼI te foʼi DVD La Bible : un livre historique et prophétique ko te ʼuluaki ʼata ʼi te ʼu ʼata e tolu ʼe ko tona kupu tāfito: La Bible : le livre le plus ancien toujours dʼactualité. ʼI te hili ʼo takotou sioʼi ia te foʼi ʼata ʼaia, kotou tali ki te ʼu fehuʼi ʼaenī:

(1) Koteā ia te ʼu ʼaluʼaga ʼaē ʼe ʼalutahi ai ia te Tohi-Tapu pea mo te ʼu meʼa fakapoto lalahi ʼo te temi ʼaenī? (2) ʼE tou lava ʼiloʼi feafeaʼi ko te Tohi-Tapu ʼaē ʼe tou maʼu ʼi te temi ʼaenī ʼe tatau mo te ʼu ʼuluaki tohi? (3) Koteā ʼaē ʼe makehe ai ia te ʼu tohi ʼāfea ʼo te Tohi-Tapu? (4) Koteā ia te ʼu ʼaluʼaga ʼaē neʼe tokoni ai ia John Wycliffe, mo Johannes Gutenberg, mo William Tyndale, mo John Hus, mo Martin Luther, mo Casiodoro de Reina pea mo Charles Taze Russell ki te fakamafola ʼo te Folafola ʼa te ʼAtua ʼi te mālamanei kātoa, pea neʼe feafeaʼi ia te fakafeagai mālohi ʼa te ʼēkelesia ki te Tohi-Tapu? (5) Neʼe ʼaoga feafeaʼi ia te ʼu tokoni ʼa te Tohi-Tapu moʼo tauʼi e te hahaʼi ia tonatou ʼu fihifihia ohagē ko te mahaki (Pes. 34:8), te manako ki te ʼu gaoʼi paʼaga (1 Tim. 6:9, 10), mo te māvete pea mo te heʼe agatonu ʼi te maʼuli fakataumātuʼa (1 Ko. 13:4, 5; Efe. 5:28-33), pea mo te manako ki te ʼu koloa (Mat. 16:26)? (6) Koteā te ʼu fakamoʼoni ʼaē ʼe natou fakahā mai, ko te maʼuliʼi ʼo te ʼu pelesepeto Fakatohi-tapu ʼe natou lava tauʼi ai ia te fehiʼa ki te tahi puleʼaga, ki te tahi lanu pea ki te tahi fenua (Luka 10:27)? (7) Koteā ia te ʼu ʼaluʼaga ʼaē neʼe kotou fiafia lahi ai ʼi takotou mulimuli ki te ʼu pelesepeto ʼo te Tohi-Tapu? (8) ʼE feafeaʼi hakotou fakaʼaogaʼi ia te foʼi fime ʼaia moʼo tokoni ki niʼihi?—Vakaʼi ia Te Minisitelio ʼo Te Puleʼaga ʼo Fepualio 2006, ʼi te pāsina 10.