He ʼu Manatu ʼo ʼUhiga Mo Te ʼu Nusipepa
Te Tule Leʼo ʼaho 1 ʼo Sānualio
“ ʼI te ʼu hahaʼi ʼaē neʼe au fai palalau mo nātou, tokolahi ʼe natou tuʼania ʼo ʼuhiga mo te tuputupu ʼo te ʼu taumātuʼa ʼaē ʼe mole kei natou fiafia ʼi tonatou maʼuli fakataumātuʼa pea mo te tuputupu ʼo te ʼu māvete. Koteā tau manatu ʼo ʼuhiga mo te faigataʼaʼia ʼaia? [Tuku ke fai mai hana tali.] Ohagē ko tona ʼui ʼi te Tohi-Tapu, ko te ʼohoana ʼe ko te meʼa ʼofa mai te ʼAtua [Lau age ia Mateo 19:4-6.] ʼE fakahā ʼi te ʼalatike ʼaenī peʼe koteā ʼaē ʼe feala ke fai e te ʼu taumātuʼa ke mālohi ai tanatou ʼu felōgoi.” Kotou fakahā age te ʼalatike ʼi te pāsina 16.
Réveillez-vous! ʼo Sānualio
“ ʼE manatu e ʼihi ko te tui ʼe tupu tāfito ia mai te ʼu meʼa ʼaē ʼe tou logoʼi ʼi totatou loto, kae mole tou tui heʼe kua tou mahino ki he akonaki. Koteā tau manatu ki te faʼahi ʼaia? [Tuku ke fai mai hana tali.] Ohagē ko tona ʼui ʼi te Tohi-Tapu, ko he tahi ʼe tui ʼe mole hoko tui kiā meʼa fuli pē. [Lau age ia 1 Soane 4:1.] Ko te ʼalatike ʼaē ʼe kamata ʼi te pāsina 28 ʼe ina fakamahino mai peʼe tou lava ʼiloʼi papau feafeaʼi ʼe fakatafito lelei takita tui ki he akonaki kua tou mahino kiai.”
Te Tule Leʼo ʼaho 1 ʼo Fepualio
“Tokolahi te hahaʼi ʼe natou tui ko te ʼōloto ʼo Eteni ʼe ko he fāgana pē ia. ʼE lagi ke punamaʼuli anai ʼi te ʼiloʼi ʼaē ko Sesu neʼe talanoa kiā Atama mo Eva, ko he ʼu hahaʼi neʼe māʼuʼuli moʼoni. [Tuku ke fai mai hana tali. Pea lau age ia Mateo 19:4-6.] ʼE tali ʼi te nusipepa ʼaenī ki te ʼu fehuʼi ʼe fai māhani e te hahaʼi ʼo ʼuhiga mo te ʼōloto ʼo Eteni.”
Réveillez-vous! ʼo Fepualio
“ ʼE hagē ʼe tuputupu te fia ʼiloʼi ʼa te hahaʼi ʼo ʼuhiga mo te ʼu vampires, mo te ʼu hahaʼi faifakalauʼakau pea mo gaohi meʼa fakatemonio. ʼI tau manatu, ʼe feala koa ke fua kovi kiā kita mokā kita palu te faifakalauʼakau? [Tuku ke fai mai hana tali.] Ke ke fagono mai muʼa ki te fakatokaga ʼaē neʼe fai e te ʼAtua ki Iselaele ʼo te temi muʼa. [Lau age ia Teutalonome 18:10-12.] ʼE fakahā ʼi te nusipepa ʼaenī pe koteā ʼaē ʼe ʼui ʼi te Tohi-Tapu ʼo ʼuhiga mo te faifakalauʼakau.”