Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 27 ʼo Fepualio 2012. Ko te ʼaho ʼaē neʼe fakatuʼutuʼu ke gāueʼi ai ia te ʼu puani takitahi ki te fakamanatu ʼe kau anai ki te ʼu fekumi ʼaē ʼe feala ke kotou fai mokā teuteuʼi te ako ʼi te vāhaʼa fuli.

1. ʼE tonu koa ia te ʼui ʼaē ko te manavaʼofa ʼo Sehova ʼe ina fakamalū tana faitotonu? (Esa. 30:18) [9 ʼo Sān., w02 1/3 p. 30]

2. Koteā te ako ʼe tou lava tāʼofi mai te fakahifo ʼo Sepena ʼi tona tuʼulaga tagata fai fekau ʼa Esekiasi? (Esa. 36:2, 3, 22) [16 ʼo Sān., w07 1/2 p. 14 pal. 6]

3. Koteā te ako ʼe tou lava tāʼofi mai te fakamatala ʼo Esaia 37:1, 14-20 ʼo ʼuhiga mo te ʼu fihifihia? [16 ʼo Sān., w07 1/2 p. 14 pal. 7-8]

4. Ko te lea fakatā ʼaē ʼe tuʼu iā Esaia 40:31 ʼe ina fakalotomālohiʼi feafeaʼi ia te ʼu kaugana ʼa Sehova? [23 ʼo Sān., w96 15/6 pp. 10-11)

5. ʼI te temi nei, ʼe fakalotomālohiʼi feafeaʼi tātou e te ʼu palalau ʼa Sehova ʼaē ʼe tuʼu iā Esaia 41:14 ʼo ʼuhiga mo te ʼohofi ʼaē kā ʼamanaki hoko? [23 ʼo Sān., ip-2-F p. 24 pal. 16]

6. ʼE feafeaʼi hatatou fakahā kiā Sehova ʼe tou “mulimuli i te faitotonu”? (Esa. 51:1) [6 ʼo Fep., ip-2-F p. 165 pal. 2]

7. Ko ai “te kau lalahi, peʼe ko te tokolahi” ʼaē ʼe talanoa ki ai ia Esaia 53:12, pea ʼe malave feafeaʼi kiā tātou ia te felōgoi ʼa Sehova mo nātou? [13 ʼo Fep., ip-2-F p. 213 pal. 34]

8. Neʼe maʼuliʼi feafeaʼi e te hahaʼi ʼa Sehova ia te ʼu palalau fakatā ʼaē ʼe talanoa kiai ia Esaia 60:17, lolotoga te ʼu ʼaho fakamuli? [20 ʼo Fep., w02 1/7 p.16 pal. 7]

9. Koteā te fakaʼuhiga ʼo “te tau o te kalasia peʼe te taʼu ʼo te manavaʼofa” ʼaē neʼe fekauʼi ke tala e Sesu mo tana ʼu tisipulo? (Esa. 61:2) [20 ʼo Fep., ip-2-F pp. 324-325 pal. 7-8]

10. Koteā te kalitātē fakaofoofo ʼo Sehova ʼe hā lelei mai ʼi te ʼu palalau ʼa Esaia 63:9? [27 ʼo Fep., w03 1/7 p. 19 pal. 22-23]