Te ʼu Tonu

◼ Sepetepeli Mo ʼOketopeli: Ko Te Tule Leʼo pea mo te Réveillez-vous ! Kā tou liliu ʼo ʼaʼahi he tahi, fakaʼaogaʼi moʼo kamata hana ako Tohi-Tapu ia te tohi Te Ako Mai Te Tohi-Tapu peʼe ko te kaupepa lahi Tou Fakalogo Ki Te ʼAtua Pea Ke Tou Māʼuʼuli ʼo Heʼegata mo kapau ʼe ʼaoga kiai. Novepeli Mo Tesepeli: Fakaʼaogaʼi ia he ʼu kiʼi pepa lotu: ʼE Kotou Fia ʼIloʼi Koa Te Moʼoni?, ʼE ʼi Ai Koa Hokotou Laumālie Tuputupua? Koteā Te ʼAmanaki Ki Te Kau Mate?, Kua Vave Fakagata Te ʼu Mamahi Fuli! Kapau ʼe ina fia ʼiloʼi, fakahā age ia te faʼahiga fai ʼo he ako Tohi-Tapu ʼaki te tohi Te Ako Mai Te Tohi-Tapu peʼe ko te kaupepa lahi Tou Fakalogo Ki Te ʼAtua Pea Ke Tou Māʼuʼuli ʼo Heʼegata.

◼ Ko te akonaki makehe ʼaē kā fai anai ʼi te temi ʼo te ʼAho Fakamanatu ʼi te vāhaʼa ʼo te ʼuluaki ʼaho ʼo ʼApelili 2013. ʼE hoki fakahā atu anai te kupu tāfito ʼo te akonaki ʼaia. Ko te ʼu kōkelekāsio ʼaē ʼe fai tanatou vāhaʼa makehe peʼe ko hanatou fakatahi lahi ʼi te fakaʼosi vāhaʼa ʼaia, ʼe tonu anai ke natou fai te akonaki makehe ʼaia ʼi te vāhaʼa ʼaē ʼe hoa mai kiai. ʼE mole tonu anai ki he kōkelekāsio ke ina fai ia te akonaki ʼaia ʼi muʼa ʼo te ʼuluaki ʼaho ʼo ʼApelili.