Polokalama ʼo Te Vāhaʼa 1 ʼo ʼOketopeli
VĀHAʼA ʼO TE ʼAHO 1 ʼO ʼOKETOPELI
Kātiko 103 Pea Mo Te Faikole
□ Ako Tohi-Tapu ʼo Te Kōkelekāsio:
fy kāp. 8 ¶16-22, te fakamatala ʼaē ʼe ʼātakai ʼi te pāsina 97 (30 min.)
□ Ako Fakateokalatike:
Lau ʼo Te Tohi-Tapu: Taniela 4-6 (10 min.)
N° 1: Taniela 4:18-28 (4 min. peʼe siʼi ifo)
N° 2: He Koʼē ʼe Fakafisi Te Kau Kilisitiano Moʼoni Ki Te Gaohi Meʼa Fakatemonio? (5 min.)
N° 3: ʼI Te Temi Muʼa, Neʼe Foaki Feafeaʼi e Te ʼAtua Tana ʼu Fakatotonu Ki Tana ʼu Kaugana?—rs p. 270 ¶4–p. 271 ¶1 (5 min.)
□ Fono Gāue:
5 min: Kamata He Ako Tohi-Tapu ʼi Te ʼUluaki Moeaki. Fakaʼaogaʼi ia te faʼifaʼitaki ʼi te pāsina ʼaenī moʼo fakahā ai peʼe feafeaʼi ia te fakaʼaogaʼi ʼo te ʼu nusipepa moʼo kamata he ako Tohi-Tapu ʼi te ʼuluaki Moeaki ʼo ʼOketopeli. Fakalotomālohiʼi te kau fai fakamafola ke natou kamata he ako Tohi-Tapu.
15 min: Koteā ʼAē Neʼe Tou Fai ʼi Te Taʼu ʼAenī Kua Hili? Ko he akonaki ʼe fai e te taupau ki te gāue. Vakaʼi te ʼu gāue ʼa te kōkelekāsio ʼaē neʼe fai ʼi te taʼu ʼaenī kua hili, ʼaē talanoa tāfito ai ki te ʼu gāue lelei neʼe fakahoko, pea mo fai he fakamālo ki te kōkelekāsio. Fakafehuʼi he tahi peʼe ko he toko lua ke natou fakamatalatala mai he ʼu ʼaluʼaga lelei neʼe felāveʼi mo nātou. Talanoa ki he puani e tahi peʼe lua ʼe feala anai ke gāueʼi e te kōkelekāsio lolotoga te taʼu kā hoa mai, pea mo vakaʼi he ʼu tokoni ʼe ʼaoga ke natou tuputupu ai.
10 min: Te ʼu Manatu Moʼo Tufa Te ʼu Nusipepa ʼo ʼOketopeli. Ko he fai palalau. Iā sekonita e 30 ki te 60, fakahā te tupuʼaga ʼo he fia lau anai e te hahaʼi ʼo tokotou telituale ia te ʼu nusipepa ʼaia. Hili ia, fakaʼaogaʼi te ʼu ʼalatike ʼaē ʼe talanoa ki te kupu tāfito ʼo Te Tule Leʼo, mo fakaafe ia te nofoʼaki ke natou fakahā atu he ʼu manatu ʼo ʼuhiga mo he fehuʼi maʼuhiga ʼe feala ke tou lagaʼi pea mo he vaega ʼe feala ke tou lau. ʼE tonu ke toe fai fēia mo te ʼu ʼalatike ʼaē ʼe talanoa ki te kupu tāfito ʼo te Réveillez-vous !, pea kapau ʼe kei maʼu he temi, vakaʼi he tahi age ʼalatike ʼo te ʼu nusipepa ʼaia. Fai he faʼifaʼitaki ʼo te tufa ʼo te ʼu nusipepa takitahi.
Kātiko 85 Pea Mo Te Faikole