He Faʼifaʼitaki ʼo He ʼu ʼUluaki Palalau

Moʼo Kamata He Ako Tohi-Tapu ʼi Te ʼUluaki Moeaki ʼo ʼOketopeli

“Tokolahi te hahaʼi ʼe natou manatu ko te ʼAtua ʼe ina fakamāuʼi anai nātou ʼo mulimuli ki ʼanatou gāue ʼaē neʼe natou fai ʼi muʼa atu. ʼI tau manatu lā, ʼe tonu koa ke tou fakatalitali ki te ʼAho ʼo te Fakamāu ʼaki he loto ʼamanaki peʼe tonu ke tou tuʼania te ʼaho ʼaia? [Tuku ke fai mai hana tali.] ʼE au fia fakahā atu he manatu maʼuhiga ʼo ʼuhiga mo te faʼahi ʼaia.” Kotou tuku age Te Tule Leʼo ʼo te ʼaho 1 ʼo ʼOketopeli, pea mo vakaʼi fakatahi mo ia te ʼuluaki manatu ʼo te pāsina 26 pea mo hona vaega. Kotou tuku age ki ai te nusipepa pea mo fai he fakatuʼutuʼu ke koutou toe liliu age ʼo vakaʼi fakatahi mo ia te tali ki te fehuʼi aē kā hoa mai.

Te Tule Leʼo ʼaho 1 ʼo ʼOketopeli

“ ʼE lahi te ʼu fenua ʼi te mālamanei ʼe fehiʼaʼinaʼi pea mo gaohi koviʼi ai te hahaʼi fafine. Pea meʼa fakaʼofaʼofa foki, heʼe lagolago kiai te ʼu akonaki fakalotu. ʼI tau manatu, ʼe tokaga moʼoni koa te ʼAtua ki te hahaʼi fafine? [Tuku ke fai mai hana tali.] ʼI te Tohi-Tapu ʼe fai ai te fakatotonu ki te ʼu tagata ʼohoana ʼo ʼuhiga mo tanatou aga ʼaē ki ʼonatou ʼohoana. [Lau age ia Efeso 5:28, 29.] ʼE fakahā ʼi te nusipepa ʼaenī pe koteā ʼaē ʼe ʼui ʼi te Tohi-Tapu ʼo ʼuhiga mo te manatu ʼa te ʼAtua ki te hahaʼi fafine.”

Réveillez-vous! ʼo ʼOketopeli

“Tokolahi te ʼu mātuʼa ʼe natou fakaʼamu ke lelei te ako ʼo ʼanatou fānau. Ki takotou manatu, kua tokalelei koa ia te ʼu fānau ʼaē ʼe maʼu pepa ʼi te faleako ke natou tauʼi ia te ʼu fihifihia ʼo te maʼuli? [Tuku ke fai mai hana tali.] Kotou fakatokagaʼi ia te manatu ʼi te Tohi-Tapu ʼo ʼuhiga mo te maʼuhiga ʼo te maʼu ʼo te ʼatamai mālama pea mo te poto. [Lau ia Ekelesiasi 7:12.] ʼE foaki mai ʼi te nusipepa ʼaenī ia manatu ʼaoga e nima moʼo tokoni ki te ʼu fānau ke lelei tanatou ako.”