He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo ʼOketopeli

“Ko te hahaʼi ʼo te ʼatu ʼu fenua fuli pē mo te ʼu lotu fuli pē ʼe natou faikole ʼi te ʼaho fuli. ʼI tau manatu lā, ʼe fakagono koa te ʼAtua ki te ʼu faikole fuli pea mo tali kiai?” Tuku ke fai mai hana tali. Kotou fakatoʼo age ki ai Te Tule Leʼo ʼo te ʼaho 1 ʼo ʼOketopeli, pea kotou fai palalau ki te ʼuluaki kupu taki ʼo te pāsina 30. Kotou lau age he vaega Fakatohi-tapu ʼe tuʼu ai. Kotou foaki age te ʼu nusipepa, pea kotou fakatuʼutuʼu ke kotou toe ʼaʼahi ia ia moʼo fai palalau ki te lua fehuʼi.

Te Tule Leʼo ʼaho 1 ʼo ʼOketopeli

Kotou fakahā age te takafi ʼo te nusipepa, pea kotou ʼui fēnei age: “Koteā lā tau tali ki te fehuʼi ʼaenī? [Tuku ke fai mai hana tali.] ʼE au fia fakahā atu pe koteā ʼaē ʼe ʼui ʼi te Tohi-Tapu ki te faʼahi ʼaia. [Lau age ia 1 Soane 5:19.] ʼE fakahāhā ʼi te vaega ʼaenī, ‘ko ia ʼaē ʼe ina puleʼi te mālamanei, ʼe ko te agakovi,’ ia te Tēvolo. Kae ʼe maʼuli moʼoni koa te Tēvolo? ʼE haʼu maifea? Koteā te loaloaga ʼo te temi ʼaē ʼe kei tuku ai e te ʼAtua ke ina puleʼi te mālamanei? ʼE fakahāhā tona ʼu tali ʼi te nusipepa ʼaenī.”

Réveillez-vous! ʼo ʼOketopeli

“ ʼE matou ʼaʼahi te hahaʼi ʼaki te fakatuʼutuʼu ʼaē ke matou tokoni ki te maʼuli fakafāmili. Koteā lā te faigataʼa maʼuhiga ʼaupitō ʼe tau mo te ʼu mātuʼa iā ʼaho nei ʼo ʼuhiga mo te akoako ʼo tanatou fānau? [Tuku ke fai mai hana tali.] ʼE kaugamālie te ʼu mātuʼa ʼe natou falala ki te tokoni ʼa te Tohi-Tapu. Ohagē lā ko te ʼu palalau ʼaenī ʼe ʼaoga moʼoni mokā akonakiʼi te fānau. [Lau age ia Efesi 4:31.] ʼE fakahā ʼi te nusipepa ʼaenī peʼe feafeaʼi ia he lava tokoni ʼa te Tohi-Tapu ki te ʼu mātuʼa ʼi te ʼu temi fuli pē ʼo te lahilahi ake ʼo tanā tamasiʼi, mai tona kei meamea ʼo aʼu ki tona temi tūpulaga.”