He Faʼifaʼitaki ʼo He ʼu ʼUluaki Palalau

Moʼo Kamata He ’u Ako Tohi-Tapu ʼi Te ʼUluaki Moeaki ʼo Oketopeli

“Tokolahi te hahaʼi ʼe natou tui ki te kau ʼaselo. Kaʼe ʼe feafeaʼi ki tou faʼahi? [Tuku ke fai mai hana tali.] ʼI tau manatu la ʼe feala koa ki te kau ʼaselo malolohi ʼaia ke natou tokoni kia tatou? ʼE fakaha mai ʼi te Tohi-Tapu pe ʼe tokoni feafeaʼi ia te kau ʼaselo ki te hahaʼi ia ʼaho nei.” Fakaha age ʼi te tuʼa pasina ʼo Te Tule Leʼo ʼo Oketopeli–Tesepeli pea mo vakaʼi fakatahi mo ia te ʼu palakalafe ʼo te ʼuluaki fehuʼi pea mo lau age he vaega ʼe tohi ai. Kotou tuku age ki ai te ʼu nusipepa pea mo fai he fakatuʼutuʼu ke kotou toe liliu ʼo vakaʼi fakatahi mo ia te tali ki te fehuʼi ʼae ʼe hoa mai ki ai.

Ko Te Tule Leʼo Oketopeli–Tesepeli

“Kapau ko te ʼAtua ʼe mafimafi, ʼi tau manatu la ʼe feala koa ke tou ui ko ia te tupuʼaga ʼo te ʼu mamahi ʼae ʼe tau mo te malamanei? [Tuku ke fai mai hana tali. Pea lau ia Sakopo 1:13.] ʼE fakamahino ʼi te nusipepa ʼaeni he ko ʼe ʼe hoko ia te ʼu mamahi ʼaia pea kotea ʼae ka fai anai e te ʼAtua moʼo pulihi te agakovi mo te ʼu mamahi.”

Réveillez-vous! Oketopeli

“ʼE ma ʼaʼahi te hahaʼi moʼo tokoni kia natou ke natou maʼu te tali ki te fehuʼi ʼaeni. [Fakaha age te takafi ʼo te Réveillez-vous !] ʼI tau manatu la, ʼe feala koa ke fiafia totatou maʼuli mo kapau ʼe tou koloaʼia? [Tuku ke fai mai hana tali.] ʼE fakaha mai ʼi te Tohi-Tapu pe ʼe tonu ke feafeaʼi tatatou faʼahiga manatu ʼo ʼuhiga mo te ʼu koloa. [Lau ia Luka 12:15.] Ohage ko tona ui ʼi te Tohi-Tapu, ʼe feala ke fiafia te maʼuli ʼa te hahaʼi fuli. Koia ʼae ka fakamahino e te nusipepa ʼaeni.”