Polokalama ʼo Te Vāhaʼa 5 ʼo Novepeli
VĀHAʼA ʼO TE ʼAHO 5 ʼO NOVEPELI
Kātiko 115 Pea Mo Te Faikole
□ Ako Tohi-Tapu ʼo Te Kōkelekāsio:
fy kāp. 10 ¶1-9 (30 min.)
□ Ako Fakateokalatike:
Lau ʼo Te Tohi-Tapu: Soele 1-3 (10 min.)
N° 1: Soele 2:17-27 (4 min. peʼe siʼi ifo)
N° 2: ʼE Feafeaʼi Hatatou Maʼuliʼi Te Pelesepeto ʼo Tāʼaga Lea 22:3? (5 min.)
N° 3: ʼE Feafeaʼi Hatatou Fakahā Ia Te Fakaʼapaʼapa Ki Te Kautahi ʼa Sehova?—rs p. 274 ¶1-5 (5 min.)
□ Fono Gāue:
10 min: Ko Te Kau Fafine Avelogo Lelei ʼe Hagē Ko He Kau Sōlia. (Pes. 68:12) Ko he fai palalau ʼe fakatafito ki te Annuaire 2012, pāsina 117, palakalafe 2, ki te pāsina 118 palakalafe 2, pea mo te pāsina 130, palakalafe 1, ki te pāsina 131, palakalafe 2. Fakaafe ia te nofoʼaki ke natou fakahā te ʼu ako ʼaē neʼe natou maʼu mai te ʼu fakamatala ʼaia.
10 min: Ko he akonaki ʼe ʼaoga ki te kōkelekāsio.
10 min: Te ʼu Manatu Moʼo Tufa Te ʼu Nusipepa ʼo Novepeli. Ko he fai palalau. Iā sekonita e 30 ki te 60, fakahā te tupuʼaga ʼo he fia lau anai e te hahaʼi ʼo tokotou telituale ia te ʼu nusipepa ʼaia. Hili ʼaia, fakaʼaogaʼi te ʼu ʼalatike ʼaē ʼe talanoa ki te kupu tāfito ʼo Te Tule Leʼo, mo fakaafe ia te nofoʼaki ke natou fakahā atu he ʼu manatu ʼo ʼuhiga mo he fehuʼi maʼuhiga ʼe feala ke tou lagaʼi pea mo he vaega ʼe feala ke tou lau ki te hahaʼi. ʼE tonu ke toe fai fēia mo te ʼu ʼalatike ʼaē ʼe talanoa ki te kupu tāfito ʼo te Réveillez-vous !, pea kapau ʼe kei maʼu he temi, vakaʼi he tahi age ʼalatike ʼo te ʼu nusipepa ʼaia. Fai he faʼifaʼitaki ʼo te tufa ʼo te ʼu nusipepa takitahi.
Kātiko 105 Pea Mo Te Faikole