Polokalama ʼo Te Vāhaʼa 9 ʼo Malesio

Katiko 89 Pea Mo Te Faikole

Ako Tohi-Tapu ʼo Te Kokelekasio:

my kapite 75-76 (30 min.)

Ako Fakateokalatike:

Lau ʼo Te Tohi-Tapu: 1 Samuele 1-4 (8 min.)

N° 1: 1 Samuele 2:30-36 (3 min. peʼe siʼi ifo)

N° 2: Ko Sehova ʼe Ko Te Tupuʼaga Mafimafi—igw p. 2 pal. 4-p. 3 pal. 1 (5 min.)

N° 3: Tou Tōkakaga Ki Te Kākā ʼa Satana!—lv p. 192-193, fakamatala ʼae ʼi te ʼa takai (5 min.)

Fono Gaue:

Kupu Tafitō ʼo Te Mahina: “Nofo Teuteu Ki Te Fai o Te u Gaue Lelei Fuli.”​—Tito 3:1.

Katiko 45

10 min: “Nofo Teuteu Ki Te Fai o Te u Gaue Lelei Fuli.” Ko he akonaki ʼe fakatafito ki te kupu tafitō ʼo te mahina. Lau pea mo faipalalau ki te ʼu vaega ʼo Taaga Lea 21:5, mo Tito 3:1 pea mo 1 Petelo 3:15. Fakamahino pe koʼe ʼe lelei ke tou nofo teuteu. Toe fakamanatuʼi te ʼu faʼahi ʼe tou vakaʼi anai ʼi te ʼu Fono Gaue ʼo te mahina. Fakaha tona pikipikiga mo te kupu tafitō ʼo te mahina.

10 min: Fakafehuʼi Ia Te Taupau ʼo Te Ako Fakateokalatike: Kotea tau gaue ʼi te kokelekasio? ʼE ke teuteu feafeaʼi ke ke takitaki te ako ʼi te vahaʼa fuli? He koʼe ʼe tonu ke teuteuʼi lelei e te kau ako ia tanatou akonaki? He koʼe ʼe lelei ki te nofoʼaki ke natou lau fakatomuʼa ia te ʼu koga ʼae ʼe fakatafito ki ai ia te ʼu akonaki?

10 min: “Kua Kotou Tokalelei Koa Ki Te ʼAho Fakamanatu?” Ko he faipalalau. Toe fakamanatuʼi ia te ʼu manatu ʼae ʼe tuʼu ʼi Te Minisitelio ʼo Te Puleʼaga ʼo Malesio 2013 ʼi te pasina 2. Fai he faʼifaʼitaki, ko he tehina ʼe ina fakatalitali fakafiafia he tahi neʼe fakaafe ki te ʼAho Fakamanatu.

Katiko 8 Pea Mo Te Faikole