Te ʼu Meʼa ʼAe ʼe Mole Tonu Ke Tou Fai Moka Tou Takitaki He Ako

ʼAua Naʼa Lahi Fau Tau Palalau: ʼE mole tonu ke tou fakamahino ia meʼa fuli. Neʼe fai e Sesu ia te ʼu fehuʼi moʼo tokoni ki te hahaʼi ke natou fakakaukau pea mo mahino ki he manatu. (Mt 17:24-27) ʼE lelei te fai ʼo te ʼu fehuʼi ke maʼuli te faipalalau pea mo ke iloʼi ai pe kotea ʼae kua mahino pea mo tui ki ai ia ia ʼae ʼe ako. (be 253 pal. 3-4) Ka ke fai he fehuʼi, ʼe tonu ke ke atali ke fai atu hana tali. Pea kapau ʼe mole tonu tana tali, ʼaua naʼa ke foimo fakaha age ki ai te tali ʼae ʼe tonu. Fai he tahi age ʼu fehuʼi ʼe tokoni anai ki ai ke ina maʼu te tali ʼae ʼe totonu. (be 238 pal. 1-2) Palalau mamalie ke feala hana mahino ki te ʼu manatu foʼou.—be 230 pal. 4.

Fakafaigafua Tau Fakamahino: ʼAua naʼa ke fakamatala fuli age te ʼu meʼa ʼae kua ke iloʼi. (Soa 16:12) Talanoa tafitō ki te ʼu puani maʼuhiga ʼo te palakalafe. (be 226 pal. 4-5) Kapau ʼe ke fakamahino te ʼu puani ʼae ʼe mole maʼuhiga, ʼe feala ke fakaleluʼi ia ia ʼae ʼe ako, ʼo ʼuhiga mo te ʼu puani tafitō. (be 235 pal. 3) Kapau kua mahino ki te puani maʼuhiga, hiki atu ki te palakalafe ʼae ʼe hoa mai.

Palalau Pe Ki Te ʼu Manatu ʼo Te Palakalafe: ʼE mole tonu pe ke tou vakaʼi te ʼu palakalafe. ʼE tonu ke malave te ako ki tona loto. (Luk 24:32) Vakaʼi tafitō te ʼu vaega maʼuhiga ʼo te palakalafe, ʼe ke fakaʼaogaʼi ai te malohi ʼo te Folafola ʼa Te ʼAtua. (2Ko 10:4; He 4:12; be 144 pal. 1-3) Fakaʼaogaʼi he ʼu faʼifaʼitaki. (be 245 pal. 2-4) Fai te ako ʼo mulimuli ki te ʼu fihifihia ʼo ia ʼae ʼe ako, pea mo te ʼu meʼa ʼae ʼe tui ki ai. Fai age ki ai te ʼu fehuʼi ʼaeni: “Kotea tau manatu ʼo ʼuhiga mo te manatu ʼaeni neʼe ta vakaʼi?” “Kotea ʼae ʼe ke ako ʼo ʼuhiga mo Sehova?” “Kotea te fua lelei mo kapau ʼe ke maʼuliʼi te tokoni ʼaeni?”—be 238 pal. 3-5; 259 pal. 2.