ʼE Fonu Anai Te Kele ʼi Te ʼAtamai Malama ʼo Sehova

11:6-9

Neʼe fakaʼuhiga feafeaʼi ki te kau Iselaele te lea fakapolofeta ʼaeni?

• Neʼe mole tonu ke matataku te kau Iselaele ki te ʼu manu fekai peʼe ko te ʼu tagata aga fekai, lolotoga tanatou toe liliu mai ʼi te ʼaunofo ʼi Papilone peʼe ʼi tonatou fenua totonu. —Ese 8:21, 22

ʼE fakaʼuhiga feafeaʼi te lea fakapolofeta ʼaia ki totatou temi?

• ʼE feala ki te ʼatamai malama ʼo Sehova ke ina fetogi te ʼuluagaaga ʼa te hahaʼi. Ko te hahaʼi ʼae neʼe agakovi ki muʼa atu ʼe kua natou maʼuli tokalelei mo te hahaʼi. Neʼe feala ke fakatuʼu he palatiso fakalaumalie ʼi te malamanei katoa ʼuhi pe ko te ʼatamai malama ʼo te ʼAtua

ʼE hoko feafeaʼi anai te lea fakapolofeta ʼaia ʼi te ka haʼu?

• ʼE liliu anai te kele ko he palatiso pea ʼe maʼu ai anai te fimalie mo te tokalelei, ohage ko te fakatuʼutuʼu ʼa te ʼAtua ʼi te kamataʼaga. ʼE mole kei fakatupu tuʼutamaki anai te tagata peʼe ko te ʼu manu

Neʼe fetogi ia Paulo ʼuhi ko te ʼatamai malama ʼo te ʼAtua

• ʼI tona ʼuhiga Faliseo, neʼe hage tona ʼuluagaaga ko he manu fekai.—1Ti 1:13

• Neʼe fetogi tona ʼuluagaaga ʼuhi pe ko tana maʼu te ʼatamai malama totonu.—Kol 3:8-10