“Fakaha Ia Te Taʼu Manavaʼofa ʼo Sehova”

Ko te ‘taʼu manavaʼofa ʼo Sehova’ ʼe mole ko he taʼu moʼoni

61:1, 2

• ʼE ko he temi loaloaga ʼe tuku ai e Sehova ki te kau agavaivai ke natou maʼu te faigamalie ʼae ke natou tali ai tana fakamafola ia te ʼateaina

• ʼI te ʼuluaki sekulo, neʼe kamata te taʼu manavaʼofa ʼo Sehova ʼi te temi ʼae neʼe kamata ai e Sesu tana faifakamafola ʼi te taʼu 29 H.T.S. pea neʼe fakaʼosi ʼi te “aho o te hauhau” ʼo Sehova ʼi te temi ʼae neʼe maumauʼi ai ia Selusalemi ʼi te taʼu 70 H.T.S.

• ʼI totatou temi, neʼe kamata te taʼu manavaʼofa ʼi te temi ʼae neʼe fakanofo hau ai ia Sesu ʼi selo ʼi te taʼu 1914 pea ʼe fakaʼosi anai ʼi te mamahi lahi

ʼE tapuakinaʼi e Sehova tana hahaʼi ʼaki “ni [“fuʼu ʼakau lalahi,” MN] o te faitotonu”

61:3, 4

• ʼI te agamahani, ko te ʼu fuʼu ʼakau ʼae ʼe lalahi tafito ʼi te malamanei, ʼe natou hohomo fakatahi ʼi te vao matuʼa pea ʼe natou fetekeniʼaki

• Ko ʼonatou aka kua lagi fepikipikiʼaki, ʼo feala ai ki te ʼu fuʼu ʼakau kehekehe fuli ʼaia ke taʼaki gataʼa moka hoko mai he afā

• Ko te ʼu fuʼu ʼakau lalahi, ʼe natou fakamalumalu te ʼu kiʼi fuʼu ʼakau liliki, pea ka maʼofa ʼonatou lau pea ʼe natou liliu ko he ʼu meʼa fakagako kele

Ko natou fuli ʼae ʼe kau ki te ʼu kokelekasio Fakakilisitiano ʼo te malamanei katoa ʼe natou maʼu ni fua lelei mai te tokoni mo te puipui ʼo te ʼu “[“fuʼu ʼakau lalahi,” MN] o te faitotonu,” ia te toe ʼo te kau fakanofo