TE ʼU KOLOA ʼO TE TOHI-TAPU | MALEKO 3-4
Te Fakamalolo ʼi Te ʼAho ʼo Te Sapato
He koʼe neʼe lotomamahi ʼaupito ia Sesu ʼi te aga ʼa te kau takitaki lotu Sutea? Koteʼuhi neʼe natou fakamamafa fau te Sapato ʼaki tanatou toe hilifaki ki ai he tahi atu ʼu lao neʼe mole ʼaoga. Ohage la, neʼe tapu te matehi ʼo he kiʼi foʼi kutu. Neʼe gafua ʼi te lao te fakamalolo ʼo he tahi mo kapau pe neʼe tuʼutamakiʼia tona maʼuli. Ko tona fakaʼuhiga, ʼi te ʼaho ʼo te Sapato neʼe mole fakagafua ke faitoʼo he hui ʼo he tahi neʼe fasi peʼe ko he fakatotonu ʼo he hui neʼe mahuʼi. ʼO ha mai ai, neʼe ko te kau takitaki lotu neʼe mole natou manavaʼofa pe la ki te tagata ʼae neʼe nima mate.