Tou Hiva Fakavikiviki Kia Sehova ʼi Te Fiafia

Neʼe hiva fakavikiviki ia Paulo mo Silasi kia Sehova lolotoga tonā pilisoni. (Gau 16:25) ʼE mahino ia, neʼe nā lotomalohi ai mo faʼa kataki. Kae ʼe feafeaʼi ia ʼaho nei? Ko te ʼu katiko pea mo te ʼu hiva ʼae ʼe fakaʼaogaʼi ki te tauhi, ʼe natou fakalotomalohiʼi tatou pea ʼe tokoni mai ke tou nonofo agatonu ʼi te ʼu ʼahiʼahi. Kae ko tona ʼuhiga moʼoni, moʼo fakavikiviki kia Sehova. (Pes 28:7) Neʼe kua fakalotomalohiʼi tatou ke tou maʼu loto te ʼu katiko. Neʼe kua kotou faigaʼi koa? ʼE feala ke tou akoako te ʼu katiko mo iloʼi te ʼu kupu lolotoga te ako fakafamili.

VAKAʼI TE ʼATA VITEO ʼE HIVA FAKAVIKIVIKI TE ʼU FANAU KIA SEHOVA PEA MO TALI KI TE ʼU FEHUʼI ʼAENI:

• 

  ʼE malave feafeaʼi kia tatou te hiva ʼo te ʼu katiko?

• 

  ʼE teuteuʼi feafeaʼi e te selevisi Audio/Vidéo moka natou puke he hiva?

• 

  ʼE teuteuʼi feafeaʼi e te ʼu fanau mo te ʼu famili moka fai he puke?

• 

  Ko te ʼu katiko fea ʼae ʼe ke leleiʼia pea kotea tona tupuʼaga?