Tou Haga Fakaatalitali Mo He Fakaʼamu Lahi Pea Mo He Faʼa Kataki

Kua taʼu fia takotou fakaatalitali ke pule la te Puleʼaga ʼo te ʼAtua? ʼE kotou loto faʼa kataki pe koa logo la te ʼu ʼahiʼahi? (Lom 8:25) Ko ʼihi kau Kilisitiano ʼe fehiʼaʼinaʼi mo gaohi koviʼi mo pilisoniʼi peʼe fakamatakuʼi ʼe matehi anai natou. Ko te tokolahi ʼe natou tau mo he ʼu mahaki kovi peʼe ko te vaivai matuʼā.

Kotea ʼae ʼe tokoni mai anai ke tou haga fakaatalitali logo la ʼe tou tau mo ni fihifihia? ʼE tonu ke tou fakamalohiʼi tatatou tui ʼaki te lau ʼo te Tohi-Tapu pea mo metitasio ʼi te ʼaho fuli. ʼE tonu ke tou sioʼi fakamamaʼu te ʼamanaki. (2Ko 4:16-18; Hep 12:2) ʼE tonu ke tou kole mamahi kia Sehova te malohi ʼo tona laumalie maʼoniʼoni. (Luk 11:10, 13; Hep 5:7) ʼE tokoni mai tatatou Tamai ʼofa ke tou ‘ ʼutakiʼi ia meʼa fuli pea mo kataki fualoa ʼi te fiafia.’—Kol 1:11.

VAKAʼI TE ʼATA VITEO “ ʼE TONU KE TOU “FAʼA KATAKI ʼO LELE”—TOU FAIGAʼI KE TOU MAʼU IA TE FAKAPALE, PEA MO TALI KI TE ʼU FEHUʼI ʼAENI:

• 

  Ko te ʼu “meʼa fakafokifa” fea ʼae ʼe feala pe ke hoko ʼi totatou maʼuli? (Ekl 9:11, MN)

• 

  ʼE tokoni feafeaʼi mai anai te faikole ke tou tauʼi te ʼu ʼahiʼahi?

• 

  Mo kapau la ʼe mole kei feala ke lahi tatatou gaue kia Sehova ohage ko te mahani, he koʼe ʼe tonu ke tou fakahagahaga tafito pe ki te ʼu meʼa ʼae ʼe tou fealagia?

• 

  He koʼe ʼe tou falala malohi ʼe tou maʼu anai te fakapale?