TE ʼU KOLOA ʼO TE TOHI-TAPU | SENESI 3-5

Te ʼu Nunuʼa Kovi ʼo Te ʼUluaki Loi

Pāki: 1. ʼE fakaʼaogaʼi e Satana te gata ke palalau kia Eva. 2. Ko Atama mo Eva kua matuʼatuʼa mo vaivavai. 3. Ko te hahaʼi ʼe lanu mo agaʼi fenua kehekehe mai ia Atama mo Eva kia ʼaho nei.

Talu mai tana lohiʼi ia Eva, ʼe kei hoko atu pe e Satana tana kakaʼi te hahaʼi. (Fkh 12:9) ʼE taʼofi feafeaʼi e te ʼu loi ʼaeni te fakaovi ʼa te hahaʼi kia Sehova?

ʼE mole ʼi ai he ʼAtua
Ko te ʼAtua ʼe ko he Tahitolutapu
ʼE mole ʼi ai he huafa ʼo te ʼAtua
Ko te ʼAtua ʼe ina fakamamahiʼi te hahaʼi ʼi ʼifeli ʼo talu ai
Ko meʼa fuli ʼae ʼe hoko, ʼe ko te finegalo ʼo te ʼAtua
ʼE mole tokaga te ʼAtua ki te hahaʼi

Kotea ʼe ke logoʼi mai te ʼu loi ʼaia ʼa Satana ʼo ʼuhiga mo te ʼAtua?

ʼE feafeaʼi hau fakamaʼa te huafa ʼo te ʼAtua mai te ʼu loi ʼaia?