Ke Ke Haga Fakaʼaogaʼi Te ʼu Nusipepa

Talu mai te taʼu 2018, ʼe tahi palalau ʼatatou nusipepa ʼae ʼe tou tufa ki he kupu tafito ʼe tahi. Ko ʼatatou nusipepa fuli ʼaia ʼe maʼu ʼi tatatou Meʼa Gaue Ki Te Faiako. Koia, ʼe lelei ke tou fakaʼaogaʼi moka tou olo ʼo faifakamafola. Pea ʼe toe lelei mo kapau ʼe tou maʼu he ʼu nusipepa mo tatou moka tou faifolau peʼe tou olo ʼo faifakatau. Neʼe mole fakatuʼutuʼu ke fakaʼaogaʼi te ʼu nusipepa ʼaia moʼo fai ʼaki he ʼu ako Tohi-Tapu. Kae ʼe feala ke lagaʼi ai te fia iloʼi ʼa te hahaʼi ʼo ʼuhiga mo he ʼu manatu ʼo te Tohi-Tapu.

Ka tou faipalalau mo he tahi, tou lau age he vaega Tohi-Tapu pea mo fakaha age he manatu ʼi hatatou nusipepa, ʼe ʼaoga anai ki ai. Ohage la, kapau ʼe ina taupau hana fanau, peʼe kua mate he tahi ʼo tona famili, peʼe tau mo he aluʼaga faigataʼa, ʼe feala ke ke ui fenei: “Neʼe au hoki lau age pe he alatike ʼe lelei pea ʼe palalau ʼo ʼuhiga mo tou aluʼaga. ʼE feala la ke au fakaha atu?” Kapau ʼe ina fia lau, ʼe feala ke ke tuku age te nusipepa peʼe ke momoli age ʼi te Neti, tatau aipe pe ʼe ko takolua ʼuluaki felaveʼi ʼaia. Logope la ʼe mole ko tatatou gaue tafito te tufa ʼo te ʼu nusipepa, kae ʼe feala ke tokoni mai ke tou maʼu te hahaʼi ʼae ʼe lotolelei ke natou mulimuli ki te ʼu meʼa ʼae ʼe natou ako.—Gau 13:48.

2018

2019

2020