Fakaʼaogaʼi Te Tohi Ke Ke Fiafia ’o He’e Gata

’E tou fiafia moka tou faka’aoga’i he tohi fo’ou mo’o taki he ako Tohi-Tapu. Tou kole kia Sehova ke ina tapuaki’i ʼatatou faiga ʼae ke tou fai ni tisipulo. (Mat 28:18-20; 1Ko 3:6-9) Kae ʼe feafea’i hatatou faka’aoga’i ia te ʼu me’a gaue fo’ou ʼaia?

’Aki te tohi fo’ou ʼaeni Ke Ke Fiafia ʼo Heʼe Gata, kua fetogi leva tatatou fa’ahiga faiako. Koia ʼe lelei ke kotou muli’i te ʼu tokoni ʼaeni, ke kotou teuteu’i pea mo taki ia te ʼu ako Fakatohi-tapu.a

• Lau ia te ʼu manatu, pea mo fai te ʼu fehu’i ke koulua faipalalau ki ai

• Lau ia te ʼu vaega ʼae ʼe tonu ke lau, pea mo tokoni kia ia ʼae ʼe ako ke mahino pe ʼe feafeaʼi tona maʼuliʼi

• Fakaha’ele te ʼu ʼata viteo pea mo faipalalau ki ai. Fai ia te ʼu fehu’i ʼae ʼe tu’u ʼi te tohi

• Faiga ke kotou fai ia he kapite ʼe tahi ʼi te ʼu ako takitahi

Ka kotou faifakamafola, kotou foaki mu’a ia te kaupepa pea mo vaka’i pe ʼe fia hoko atu tana fia mahino ki te Tohi-Tapu. (Vaka’i te fakamatala ʼae ʼi te ʼa takai “Foaki Te Kaupepa Ke Ke Fiafia ʼo Heʼe Gata ʼi te faifakamafola.”) Ka ʼosi pe takotou ako ia te kaupepa, pea ʼe kotou tokaga’i ʼe fia hoko atu tana ako, kotou foaki age ki ai ia te tohi pea mo hoko atu te ako ʼi te kapite 4. Kapau ne’e kua ina fai tana ako ʼi te tohi Ako’i Mai pe’e ko te tohi Te ʼOfa ʼo Te ʼAtua, kotou toe hoko atu te ako ʼi te tohi Ke Ke Fiafia ʼo Heʼe Gata. ʼA koutou pe leva te fakafuafua pe ʼe ko te kapite fea ʼae ʼe kotou toe kamata ai tana ako.

VAKAʼI TE ʼATA VITEO FAI HAU AKO TOHI-TAPU, PEA MO TALI KI TE ʼU FEHU’I ʼAENI:

• Kotea ʼae ka ako anai e ia ʼae ʼe ako?

• He ko’e ʼe lelei ke kotou fakaha ia te ʼata viteo ʼaeni ki takotou kau ako?

• Kotea te ʼu fakatu’utu’u ʼe lelei ke ke ʼekenaki ia ia ʼae ʼe ako ke ina fai?​—Vaka’i te paki “Te Kupu Tafito Pea Mo Te ʼu Fakatuʼutu’u”