22-28 SEPETEPELI

EKELESIASI 1-2

Katiko 103 Pea Mo Te Faikole | Fakaha Te Polokalama (1 min.)

KOLOA ʼO TE TOHI-TAPU

1. Hoko Atu Te Akoʼi ʼo Te ʼu Taʼiake ʼAe Ka Hoa Mai

(10 min.)

[Fakahaʼele te ʼATA VITEO Fakamahino ʼo ʼUhiga Mo Te Tohi ʼo Ekelesiasi.]

ʼE fakamaʼua ki te ʼu taʼiake takitahi ke natou akoʼi te ʼu taʼiake ʼae ka hoa mai (Ekl 1:4; w17.01 27 ¶3-4)

Ka tou akoʼi mo tuku age he ʼu gaue ki ʼihi ʼi te tauhi ʼae kia Sehova, ʼe tou tokoni ke natou fiafia ʼi tanatou gaue kinakina ʼae maʼa Sehova (Ekl 2:24)

Ko te tagata ʼafeā kei tupulaga ʼe ina takitaki “Te Tule Leʼo” kae malimali age te tehina kua matuʼa ʼae ʼe lautohi. — Kotou akoʼi te kau tupulaga ke feala hanatou fakahoko te ʼu gaue ʼae ʼi te loto kokelekasio. ʼAua takotou tuʼania ʼae naʼa natou fetogi koutou ʼi ʼokotou pilivilesio

2. Koloa Fakalaumalie

(10 min.)

Ekl 1:1—Kotea te fakaʼuhiga moka ui ʼi te Tohi-Tapu ko Salomone neʼe ko he “tagata tanaki?” (it “Ekelesiasi” ¶1)

Tau tali
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?

Tau tali

3. Lau ʼo Te Tohi-Tapu

(4 min.) Ekl 1:1-18 (th ako 11)

KE KE FAIVA ʼI TE FAIFAKAMAFOLA

4. Kamata He Faipalalau

(2 min.) FAIFAKAMAFOLA FAIGAMALIE. Kumi he manatu ʼe leleiʼia e te kilisitiano ʼaia. Pea ke fakatuʼutuʼu ke ke toe alu ki ai. (lmd ako 3 manatu 5)

5. Kamata He Faipalalau

(2 min.) FAILAUPAPA. Palalau ki he manatu ʼi te kaupepa ʼOfa Ki Te Hahaʼi ʼo ke fakaʼaogaʼi te fakamahino 1 ko tona kupu tafito “Ko He ʼu Moʼoni Fakatohi-Tapu ʼe Mahino Gafua.” (lmd ako 2 manatu 3)

6. ʼAʼahi

(2 min.) FAIFAKAMAFOLA FAIGAMALIE. Tali ki he fehuʼi neʼe fai atu e he tahi neʼe kolua faipalalau ki muʼa atu. (lmd ako 9 manatu 5)

7. Fai Ni Tisipulo

(5 min.) FAILAUPAPA. Fakaha pe ʼe feafeaʼi te fai ʼo he ako Tohi-Tapu pea mo fai ni fakatuʼutuʼu ke toe hoko atu. (lmd ako 10 manatu 3)

MAʼULI FAKAKILISITIANO

Katiko 84

8. Ko Ako Maʼuhiga ʼe Tolu ʼo ʼUhiga Mo Totatou Akoʼi

(15 min.) Faipalalau.

Pāki: ʼE akoʼi e he ʼu tehina niʼihi age tehina ʼi he ʼu aluʼaga kehekehe. 1. Ko he tehina ʼe ina akoʼi he tuagaʼane pe feafeaʼi tana fakaʼaogaʼi te tutuʼu hila ʼi he laga fale. 2. Ko he tagata ʼafeā ʼe ina sioʼi he tehina tupulaga ʼe ina akoako te fai ʼo tana akonaki ʼi he Fale Fono ʼe lavaki. ʼE toʼo e te tagata ʼafeā te kaupepa “Fai Fakamalotoloto Tau Lautohi Pea Mo Tau Faiakonaki.” 3. Ko he tehina ʼe ina akoʼi ki he tehina kei tupulaga pe feafeaʼi tana fetogi te ʼu foʼi maka ʼo te ʼu mikolo. 4. Ko he tamai mo ʼona foha ʼe lua ʼe natou tokoni ki te fakamaʼa ʼo te Fale Fono. Ko te tamai mo tona foha lahi ʼe nā fakaʼaogaʼi te ʼu masini homi ʼotaʼota kae ko te kiʼi tama veliveli ʼe ina holo te faiakonakiʼaga. — Kapau ʼe tou ʼoʼofa ki ʼotatou tehina, kotou akoʼi natou ke natou fakahoko te ʼu gaue ʼae neʼe foaki mai e Sehova

ʼI te Tohi-Tapu ʼe tou maʼu he ʼu faʼifaʼitaki ʼe lelei ke tou iloʼi ai pe ʼe feafeaʼi te akoʼi ʼo ʼihi. ʼE lahi te ʼu ako ʼe tou maʼu mai te faʼahiga akoʼi ʼo Saulo e Samuele, te akoʼi ʼo Eliseo e Elia, te akoʼi ʼo te ʼu tisipulo e Sesu, pea mo te akoʼi ʼo Timoteo e Paulo. Kae ʼe moʼoni, ko Sehova tokotahi pe te faiako maʼoluga. Kotea te ako ʼe tou maʼu mai te faʼifaʼitaki ʼa Sehova?

Fakahaʼele te ʼATA VITEO Tou Faʼifaʼitakiʼi Ia Sehova ʼo Tou Akoʼi ʼIhi (Soa 5:20)—Kogaʼi ʼata. Fehuʼi ki te nofoʼaki:

Kotea te ʼu ako ʼe tolu ʼe feala ke tou taʼofi mai ia Sehova ʼi tona ʼuhiga faiako?

Tau tali

9. Ako Tohi-Tapu ʼo Te Kokelekasio

(30 min.) lff kap. 11