20-26 OKETOPELI
EKELESIASI 9-10
Katiko 30 Pea Mo Te Faikole | Fakaha Te Polokalama (1 min.)
1. Ke Kotou Maʼu He Manatu ʼe Lelei ʼo ʼUhiga Mo ʼOkotou ʼAhiʼahi
(10 min.)
ʼE tou iloʼi ka tou tau mo he ʼu ʼahiʼahi, ʼe mole fakaʼuhiga leva ʼe mole ʼofa ia Sehova kia tatou (Ekl 9:11; w13 15/8 14 ¶20-21)
ʼE tou iloʼi ʼe hoko anai kia tatou he ʼu aluʼaga ʼe mole faitotonu ʼi te malama agakovi ʼa Satana (Ekl 10:7; w19.09 4-5 ¶10)
Tou toʼo he temi ke tou fakafetaʼi ki te ʼu meʼa ʼofa ʼae neʼe foaki mai e Sehova tatau aipe pe ʼe tou tau mo he ʼu fihifihia (Ekl 9:7, 10; w11 1/10 10 ¶1-2)
2. Koloa Fakalaumalie
(10 min.)
Ekl 10:12-14—Kotea te fakatokaga ʼe tou maʼu ʼi te ʼu vaega ʼaeni ʼo ʼuhiga mo te faifatufatu? (it “Faifatufatu, Fai He ʼu Fasituʼu” ¶4, 8)
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?
3. Lau ʼo Te Tohi-Tapu
(4 min.) Ekl 10:1-20 (th ako 11)
4. Kamata He Faipalalau
(3 min.) FAILAUPAPA. Kamata he faipalalau mo he tahi ʼe hage mai ʼe lotomamahi. (lmd ako 3 manatu 4)
5. Kamata He Faipalalau
(4 min.) FAIFAKAMAFOLA FAIGAMALIE. Palalau ki he manatu ʼi te kaupepa ʼOfa Ki Te hahaʼi ʼo ke fakaʼaogaʼi te fakamahino 1 ko tona kupu tafito “Ko He ʼu Moʼoni Fakatohi-Tapu ʼe Mahino Gafua” ki he tahi neʼe ina ui atu ʼe tuʼania ʼo ʼuhiga mo te faʼahi fakaekonomika. (lmd ako 4 manatu 4)
6. Fai Ni Tisipulo
(5 min.) lff kapite 17 manatu tafito, fehuʼi fakamanatu, mo taku fakatuʼutuʼu. (lmd ako 12 manatu 3)
Katiko 47
7. ʼE Tokoni Atu Anai Sehova Moka Hoko He Aluʼaga Fakaʼofaʼofa
(15 min.) Faipalalau.
ʼE tou tau ʼi te ʼaho fuli mo he ʼu faʼahiga fihifihia kehekehe. Kae ʼe feala ke hoko fakapunamauli ʼihi ʼahiʼahi mo fakamataku. Koia, ʼe mole tou iloʼi ai pe kotea ʼe tonu ke tou fai mo tou feʼekeʼaki pe ʼe tou lava katakiʼi anai. Ko ai ʼae ka tokoni mai pea kotea ʼae ka tou fai moka hoko he ʼu aluʼaga fakaʼofaʼofa?
ʼE foaki tuʼumaʼu atu e Sehova “he maʼuli fimalie” tatau aipe pe kotea tou fihifihia. (Esa 33:6) ʼE loto e Sehova ke tou aga fakapotopoto he ʼe tokoni mai anai. (Taa 11:2) Kapau ʼe tou tau mo he aluʼaga fakaʼofaʼofa, ʼe lagi ʼaoga anai ke tou toʼo he temi ke kita tokaga kia kita peʼe ki he tahi ʼe tou ʼoʼofa ai. Pea ke tou toʼo he ʼu tonu fakapotopoto mo kita toʼo he temi ke puli mamalie ai tokita lotomamahi. (Ekl 4:6)
Kapau ʼe uga e Sehova ʼana kaugana ke natou fefakalotomalohiʼaki, ʼe tonu foki ke tou tali te tokoni peʼe ke tou kole tokoni. Kotou mamatuʼi, ʼe ʼofa mamahi ʼokotou tehina mo tuagaʼane kia koutou mo fiafia ʼi te lagolago atu.
Lau ia 2 Kolonito 4:7-9. Fehuʼi ki te nofoʼaki:
He koʼe ʼe tonu ke tou faiga ke tou taupau tuʼumaʼu ʼatatou agamahani fakalaumalie tatau aipe pe ʼe faigataʼa tona fakahoko?
Fakahaʼele te ʼATA VITEO ʼE Ovi Ia Sehova Kia Natou ʼAe ʼe Lotomamahi. Fehuʼi ki te nofoʼaki:
Neʼe tokoni feafeaʼi ia Sehova ki te taumatuʼa Septer?
Neʼe tokoni feafeaʼi te ʼu tehina mo tuagaʼane kia naua?
Kotea te tahi ako ʼe feala ke tou taʼofi mai tanā faʼifaʼitaki?
8. Ako Tohi-Tapu ʼo Te Kokelekasio
(30 min.) lff kap. 14