Ko Te Kau Fakamo’oni ’a Sehova ’e Ko He Lotu Mavae Koa Mai Amelika?

’E tu’u ’amatou pilo lalahi fakamalamanei ’i Amelika. Ka’e ’e mole matou kau ki he lotu mavae mai Amelika ’uhi ko te ’u fa’ahi ’aeni:

• Ko ’ihi ’e natou ui ’o ’uhiga mo he lotu mavae ’e ko he ki’i kutuga ne’e mavae mai he lotu. Ne’e mole mavae te kau Fakamo’oni ’a Sehova mai he tahi age lotu. Ka’e, ne’e matou toe fakatu’u te Lotu Fakakilisitiano ohage ko tona fai e te kau ’uluaki Kilisitiano.

• ’E gaue nei te kau Fakamo’oni ’a Sehova ia fenua mo telituale ’e 230 tupu. ’I he potu pe ’e matou ma’u’uli ai, ’e matou nonofo agatonu pe kia Sehova ’Atua pea mo Sesu Kilisito, ka’e mole ki te pule’aga ’o Amelika pe’e ki he tahi age pule’aga fakatagata.—Soane 15:19; 17:15, 16.

• Ko ’amatou akonaki fuli ’e fakatafito ki te Tohi-Tapu, ka’e mole ki he ’u tohi ’a he tagata takitaki lotu ’o Amelika.—1 Tesalonika 2:13.

• ’E mole matou mulimuli ’i he tagata, ka’e ia Sesu Kilisito.—Mateo 23:8-10.