Koteā ʼAē ʼe Tonu Ke Tou Fai Ke Leleiʼia Tātou e Te ʼAtua?

Tou fakamamaʼo mai te meʼa ʼaē ʼe kovi. 1 Kolonito 6:9, 10.

Kapau ʼe tou ʼofa kiā Sehova, pea ʼe mole tou fai anai he ʼu meʼa ʼe fehiʼa kiai.

ʼE mole loto ia Sehova ke tou kaihaʼa, mo tou ʼinu kava fakavale, peʼe tou fakaʼaogaʼi te toloke.

ʼE fehiʼa te ʼAtua ki te faifakapō pea mo te fakatō fatu pea mo te fai felāveʼi fakasino ʼa te tagata mo te tagata pea mo te fafine mo he tahi fafine pea mo te kai fakavale peʼe ko te kē mo ʼihi.

ʼE mole tonu ke tou tauhi ki he ʼu fakatātā peʼe tou faifakalauʼakau.

Ko te Palatiso ʼaē kā fakatuʼu ʼi te kele ʼe mole feala ai anai ke maʼuli ni hahaʼi ʼe natou fai he ʼu aga ʼe kovi.

Tou fai te meʼa ʼaē ʼe lelei. Mateo 7:12

Ke leleiʼia tātou e te ʼAtua ʼe tonu ke tou faʼifaʼitakiʼi ia tona ʼulugaaga.

ʼE tonu ke tou ʼofa ki te hahaʼi, ʼo tou agalelei pea mo loto foaki kiā nātou.

ʼE tonu ke tou aga fakahagatonu ʼi te ʼu faʼahi fuli ʼo totatou maʼuli.

Tou fakamafola ki te hahaʼi te huafa ʼo Sehova pea mo tona ʼu ala.—Isaia 43:10.

Tou manavaʼofa pea mo loto fakamolemole.