HOKO ATU TONA ʼAʼAHI
AKO 7
Tou Faʼa Kataki
Pelesepeto: “Neʼe mole tuku tanatou faiakonaki pea mo tala te logo lelei.”—Gaue 5:42.
Te Meʼa ʼAe Neʼe Fai e Paulo
1. Sioʼi te ʼATA VITEO, peʼe lau ia Gaue 19:8-10. Pea tali ki te ʼu fehuʼi ʼaeni:
Kotea ʼae neʼe fai e Paulo ke hoko atu tana faifakamafola logo la te fakafeagai?
Neʼe tuʼa fia te toe liliu ʼa Paulo ʼo akoʼi ia natou ʼae ʼe fia logo? Pea neʼe ina fai lolotoga temi ʼe fia?
Kotea ʼAe ʼe Tou Ako Mai Ai?
2. ʼE ʼaoga he temi mo he ʼu faiga ki te fai ʼo te ʼu ʼaʼahi mo te kamata he ʼu ako.
Faʼifaʼitakiʼi Ia Paulo
3. Mulimuli ki te aluʼaga ʼo te hahaʼi. Toe liliu ʼo ʼaʼahi ʼi te hola mo te koga meʼa ʼae ʼe loto ki ai, maʼia pe neʼe mole ke ke fakatuʼutuʼu ke ke gaue ʼi te hola ʼaia.
4. Fakatuʼutuʼu ke ke toe liliu ki ai. ʼI muʼa ʼo tau mavae, kole age pe ko te temi fea ʼe ke toe liliu mai ai. Pea ke manatuʼi ʼo fakahoko.
5. Taupau he ʼu manatu ʼe lelei. ʼAua naʼa ke manatu ʼe mole fia logo te kilisitiano ʼaia he ʼe tahitahiga tau maʼu atu ia ia ki fale peʼe maʼumaʼua tuʼumaʼu. (1 Ko. 13:4, 7) Kae ke ke faʼa kataki mo fakaʼaogaʼi lelei tou temi.—1 Ko. 9:26.