Ko Te Fakatahi ʼo Te Taʼu

ʼAHO 1 ʼO ʼOKETOPELI 1994

KO TE FAKATAHI ʼO TE TAʼU ʼa te ʼu tēhina pea mo tuagaʼane ʼo te Sosiete Watch Tower Bible and Tract Society of Pennsylvania ʼaē ʼe hoko tuʼa tahi pe ʼi te taʼu fuli ʼe fai anai ʼi te ʼaho 1 ʼo ʼOketopeli 1994, ʼi te Fale Fakatahi ʼa te kau Fakamoʼoni ʼa Sehova, 2932 Kennedy Boulevard, Jersey City, New Jersey. ʼE fai anai te ʼuluaki fono ʼi te hola hiva vaelua pea ʼe ʼāteaina pe anai kia nātou ʼe kau ki te Sosiete, pea hoa mai leva kiai te fakatahi ʼaē hoko tuʼa tahi pe ʼi te taʼu, ʼi te hola 10.

Ko te ʼu tēhina pea mo tuagaʼane ʼo te Sosiete ʼaē neʼe nātou fetogi tonatou ʼu tuʼasila ʼi te taʼu ʼaenī kua hili, ʼe tonu anai ke nātou fakahā ʼi te temi nei ki te Pilō ʼo te Sikalaipe, koteʼuhi ke maʼu e te Pilō ʼaia te ʼu pepa fakaafe pea mo te ʼu pouvoirs, ʼaē neʼe momoli mai kia nātou lolotoga ʼo te māhina ʼo Sūlio.

Ko te ʼu pouvoirs, ʼe momoli anai ki te ʼu tēhina mo tuagaʼane ʼo te fakatahi ʼo te taʼu feiā aipe mo te ʼu pepa fakaafe, ʼe tonu ke toe fakaliliu ki te Pilō ʼo te Sikalaipe ia muʼa ʼo te ʼaho 1 ʼo ʼAukusito. Ko te tagata takitokotahi ʼe tonu ke ina tohi te ʼu pouvoirs pea mo ina fakaliliu fakavilivili, ʼo ina fakahā ʼi te pepa ʼaia peʼe ʼalu anai ki te fakatahi peʼe kailoa. Ko te ʼu tonu ʼaē ka foaki anai ʼe tonu ko he ʼu fakatuʼutuʼu tukupau, koteʼuhi ke ʼiloʼi ai ia nātou ʼaē ka kau anai ki te fakatahi.

ʼE fakatuʼutuʼu ko te polokalama katoa ʼaē ʼe kamata ʼaki te fono pea mo te ʼu tānaki, ʼe ʼosi ʼi te hola tahi peʼe ki muli mai ʼo te hola ʼaia. ʼE mole ʼi ai anai he ʼu akonaki ʼi te hili hoʼatā. ʼI tona ʼaluʼaga ʼaē, ʼe mole lahi he ʼu nofoʼaga, ko te hū ki loto ʼe fai anai ʼaki pe te ʼu tikite. Neʼe mole fakatuʼu ke fakahokohoko ki he tahi age ʼu fale fono te fakatahi ʼaia ʼaki te telefoni.