Ko Te Fakatahi ʼAē ʼe Fai ʼi Te Taʼu Fuli, ʼAho 4 ʼo ʼOketopeli 1997

KO TE FAKATAHI ʼAĒ ʼE FAI ʼI TE TAʼU FULI mo te ʼu tēhina pea mo tuagaʼane ʼa te Watch Tower Bible and Tract Society of Pennsylvania, ʼe fai anai ʼi te ʼaho 4 ʼo ʼOketopeli 1997, ʼi te Fale Fakatahi ʼa te kau Fakamoʼoni ʼa Sehova, 2932 Kennedy Boulevard, Jersey City, New Jersey. ʼE fai anai te ʼuluaki fono ʼi te hola hiva vaelua pea ʼe ʼāteaina pe kia nātou ʼaē ʼe kau ki te Sosiete, pea hoa mai leva kiai, ʼi te hola 10, te fakatahi ʼaē ʼe fai ʼi te taʼu fuli.

Ko te ʼu tēhina pea mo tuagaʼane ʼo te Sosiete ʼaē neʼe nātou fetogi tonatou ʼu tuʼasila ʼi te taʼu ʼaenī kua hili, ʼe tonu anai ke nātou fakahā ʼi te temi nei ki te Pilō ʼo te Sikalaipe, koteʼuhi ke nātou maʼu te pepa fakaafe pea mo te ʼu pouvoirs lolotoga te māhina ʼo Sūlio.

Ko te ʼu pouvoirs, ʼaē ʼe momoli anai ki te ʼu tēhina pea mo tuagaʼane ʼo te fakatahi ʼaē ʼe fai ʼi te taʼu fuli, ʼo toe feiā aipe mo te ʼu pepa fakaafe, ʼe tonu ke toe fakaliliu ki te Pilō ʼo te Sikalaipe ʼo faka tuʼakoi ki te ʼaho 1 ʼo ʼAukusito. Ko nātou takitokotahi ʼe tonu ke nātou tohi te ʼu pouvoirs pea mo nātou fakaliliu fakavilivili, ʼo nātou fakahā ʼi te pepa ʼaia peʼe nātou ʼolo anai ki te fakatahi peʼe kailoa. ʼE tonu anai ke ʼiloʼi papau te ʼu tonu ʼaē ka nātou fai, koteʼuhi ke ʼiloʼi ai ia nātou ʼaē ka nātou kau anai ki te fakatahi ʼaia.

ʼE fakatuʼutuʼu ko te polokalama katoa ʼaia ʼaē ʼe kamata ʼaki te fono pea mo te ʼu tānaki, ʼe ʼosi anai ʼi te hola tahi hili hoʼatā peʼe ki muli age. ʼE mole ʼi ai anai he ʼu akonaki ʼi te hili hoʼatā. Mai tona ʼaluʼaga ʼaē, ʼe mole lahi he ʼu nofoʼaga, ko te hū ki loto ʼe fai anai ʼaki pe te ʼu tikite. ʼE mole fai anai he fakatuʼutuʼu ke fakahokohoko ki he tahi age ʼu fale fono te fakatahi ʼaia ʼaki te telefoni.