Kotea ʼAe ʼe Ui ʼi Te Tohi-Tapu?

ʼE tou maʼuʼuli koa “ ʼi te ʼu ʼaho fakamuli”?

Kotea tau manatu?

• ʼEi

• ʼOho

• Mahalo pe

ʼE ui ʼi te Tohi-Tapu

“ ʼI te ʼu ʼaho fakamuli, ʼe ʼi ai anai he ʼu temi makehe pea mo faigataʼa.” (2 Timoteo 3:⁠1) ʼE fakaha ʼi te ʼu lea fakapolofeta mo te ʼu aluʼaga ʼae ʼe lolotoga hoko nei, ʼe tou maʼuʼuli “ ʼi te ʼu ʼaho fakamuli.”

Kotea ʼae ʼe toe ui ʼi te Tohi-Tapu?

• ʼE hoko anai ʼi te ʼu ʼaho fakamuli te ʼu tau, te ʼu hoge, te ʼu mafuike pea mo te ʼu mahaki ʼe fakatupu mate.​—Mateo 24:​3, 7; Luka 21:⁠11.

• ʼI te ʼu ʼaho fakamuli, ʼe ʼaʼasili kovi anai te aga ʼa te hahaʼi pea ʼe natou nonofo anai ʼi te fakapoʼuli fakalaumalie.​—2 Timoteo 3:​2-5.

Kotea anai te ka haʼu ʼo te malamanei?

Ko ʼihi ʼe natou manatu . . . ʼe fakaʼosi anai te ʼu ʼaho fakamuli ʼaki te fakaʼauha ʼo te kele pea mo natou fuli ʼe maʼuʼuli ai. Kaʼe ko ʼihi ʼe natou fakaʼamu ʼe fetogi anai ʼi he temi. Kotea tau manatu?

ʼE ui ʼi te Tohi-Tapu

“E mau anai e te kau agatonu te fenua, pea e natou nonofo anai i ai o heegata.”​—Pesalemo 37:⁠29.

Kotea ʼae ʼe toe ui ʼi te Tohi-Tapu?

• ʼE fakaʼosi anai te ʼu ʼaho fakamuli ʼaki te ­pulihi ʼo te ʼu agakovi fuli.​—1 Soane 2:⁠17.

• ʼE liliu anai te kele ko he palatiso.​—Esaia 35:​1, 6.