Watchtower TANAKIʼAGA TOHI ʼI TE NETI
Watchtower
TANAKIʼAGA TOHI ʼI TE NETI
Faka'uvea
  • TOHI-TAPU
  • TOHI
  • FONO
  • wp19 N° 2 p. 10-11
  • Moka Ke Mahaki Kovi

Aucune vidéo n'est disponible pour cette sélection.

Il y a eu un problème lors du chargement de la vidéo.

  • Moka Ke Mahaki Kovi
  • Ko Te Tule Leʼo ʼe Ina Kalagaʼi Te Puleʼaga ʼo Sehova (Tufa)—2019
  • Manatu Tafito
  • He Tahi ʼu Alatike
  • NI PULEʼAKI NEʼE ʼAOGA KI ʼIHI
  • Ka Mahaki He Tahi ʼi Te Famili
    Te Kalavi ʼo Te Manuʼia Faka Famili
  • ʼE Ke Maʼuhiga Kia Sehova!
    Ko Te Tule Leʼo ʼe Ina Kalagaʼi Te PuleʼAga ʼo Sehova (Ako)—2020
  • ʼE Tokoni Feafeaʼi Atu Te Faikole?
    Ko Te Tule Leʼo ʼe Ina Kalagaʼi Te Puleʼaga ʼo Sehova (Tufa)—2021
  • Tou Tokoni Kia Natou ʼAe ʼe Mahaki ʼUlu
    Ko Te Tule Leʼo ʼe Ina Kalagaʼi Te Puleʼaga ʼo Sehova (Tufa)—2023
Hoko Atu
Ko Te Tule Leʼo ʼe Ina Kalagaʼi Te Puleʼaga ʼo Sehova (Tufa)—2019
wp19 N° 2 p. 10-11

Moka Ke Mahaki Kovi

“Neʼe fakaha mai e toku toketa ʼe au maʼu te kosea. Neʼe au manatu ʼi te moʼi temi pe ʼaia, ko au ko te mate. Kae neʼe au toe liliu ki fale pea neʼe au ui fenei leva: ‘ ʼE fakapunamaʼuli te mahaki ʼaeni kae ʼe tonu ke au maʼu he puleʼaki ke au lava ʼutaki pe.’ ”—Ko Linda, ʼe taʼu 71.

“ ʼE au maʼu he mahaki ʼe faigataʼa, ʼe tau mamahi te faʼahi hema ʼo toku foʼi ʼulu. Neʼe kua au lotovaivai ʼosi ʼi te kua lahi fau ʼo toku mamahi. Pea ʼi ʼihi lakaga, neʼe mole kei au lava katakiʼi tokotahi toku mamahi pea neʼe kua au fia fakamate.”—Ko Elise, ʼe taʼu 49.

Ko he tagata mahaki ʼi tona saliote mo ʼona kaumeʼa ʼi ʼona tafa

ʼE LAGI faigataʼa ʼaupito kia koe tau iloʼi ʼae ʼe kovi tou mahaki peʼe ko te mahaki ʼo hou kaumeʼa peʼe ko he tahi ʼo tou famili. ʼE tonu ke ke tokaga ki tou mahaki logo la ia tau kua lototuʼania mo lotovaivai gafua. Pea ʼe feala ke ʼaʼasili tau mataku ʼuhi ko te ʼu vakai mahaki mo te maʼu gataʼa peʼe ko te totogi kovi ʼo hou faitoʼo. ʼE mole lagi kei ke iloʼi pe ʼe tonu ke ke haga kifea ʼuhi ko ʼau tuʼania mo te kovi ʼo tou mahaki.

ʼE feala ke ke kumi tokoni kifea? Neʼe ʼaoga ki te tokolahi ia te faikole mo te lau ʼo ni vaega fakalotomalohi ʼi te Tohi-Tapu. Neʼe natou toe maʼu he malohi ʼi te tokoni mo te ʼofa age ʼo ʼonatou famili mo kaumeʼa.

NI PULEʼAKI NEʼE ʼAOGA KI ʼIHI

ʼE taʼu 58 ia Robert, koʼeni tana faitokoni: “Kapau ʼe ke tui ki te ʼAtua, ʼe tokoni atu anai ke ke katakiʼi tou mahaki. Faikole kia Sehova. Fakaha fuli ʼau manatu. Kole tona laumalie maʼoniʼoni mo tana tokoni ke ke lava ʼutaki tou mahaki pea ke tokagaʼi e tou famili ʼe ke lotomalohi.”

Neʼe ʼaoga ʼaupito te tokoni ʼo te famili kia Robert. ʼI te ʼaho fuli ʼe pauʼi age hona kaiga peʼe ko he foʼi tokolua mo fakalavelave age pe ʼe lelei pe. Neʼe ina toe maʼu ni fakalotomalohi mai mamaʼo mai ʼona kaumeʼa. Neʼe ina maʼu ai te malohi feʼauga ke faʼa kataki.

Kapau ʼe ke fia alu ʼo fakasiosio he tahi ʼe mahaki, ʼe ʼaoga atu anai te tala manatu ʼaeni ʼa Linda: “ ʼE mole fia palalau tuʼumaʼu pe anai he tahi ki tona mahaki. Koia ʼae ʼe lelei ke kolua faipalalau ohage pe ko te mahani.”

Koia, ʼe ke lotomalohi anai ʼuhi ko te tokoni ʼa te ʼAtua mo te Tohi-Tapu, ʼo toe feia mo te famili mo ʼou kaumeʼa. ʼE kei ʼi ai pe he ʼuhiga ʼo tou maʼuli tatau aipe pe ʼe kovi hou mahaki.

He ʼu Vaega Fakatohi-tapu ʼe ʼAoga

Falala ki te ʼAtua.

“Neʼe au fakafehuʼi ia Sehova, pea neʼe tali mai kia te au. Neʼe ina haofaki au mai ʼoku mataku fuli. Neʼe pauʼi te tagata agavaivai, pea neʼe logo ki ai ia Sehova.”—Pesalemo 34:4, 6, MN.

ʼE ui fenei e Linda ʼae neʼe kua tou palalau ki ai: “ ʼE mole au kole kia Sehova ke au foimo lelei atu aipe. Kae ʼe au kole tana tokoni ke au lotomalohi mo au lava katakiʼi toku mahaki.”

Kumi ʼi te Folafola ʼa te ʼAtua te malohi.

“E mole ui e he tahi: E au mahaki!” —Esaia 33:24.

Metitasio ki te ʼu fakapapau ʼa te ʼAtua ki te ka haʼu. ʼE ke maʼu ai he ʼamanaki mo he malohi feʼauga ʼi te temi nei.

Kumi tokoni ki tou famili mo ʼou kaumeʼa.

“E ofa te kaumea i te temi fuli, pea i te malaia e hage ia ia ko he tehina.”—Taaga Lea 17:17.

Koʼeni te tokoni ʼa Elise: “ ʼE mole tonu ke ke nofo tokotahi tuʼumaʼu. Tali te tokoni ʼo ʼou kaumeʼa. ʼE moʼoni ʼe lagi ʼe ʼi ai pe ni lakaga ʼe ke lotovaivai ʼaupito ai pea ʼe ke ui ʼe mole pe la fakalogo atu te ʼAtua, kae ʼaua naʼa ke nofo tokotahi.”

    Te ʼu Tohi Fakaʼuvea (1978-2025)
    Mavae
    Hu Ki Loto
    • Faka'uvea
    • Vaevae
    • Préférences
    • Copyright © 2025 Watch Tower Bible and Tract Society of Pennsylvania
    • Conditions d’utilisation
    • Règles de confidentialité
    • Paramètres de confidentialité
    • JW.ORG
    • Hu Ki Loto
    Vaevae