Tou Fakapipiki Te ʼu Kiʼi Pepa Lotu Pea Mo ʼIhi ʼAtu ʼu Tohi
1 ʼI te ʼu nusipepa fuli ʼaē kua ʼosi tā ʼi te temi nei, ʼe gata pe ki Te Tule Leʼo pea mo te Koutou ʼaʼala! ʼe nā tokoniʼi te kau lautohi fakamalotoloto ke nātou maʼu te ala ʼo te maʼuli. ʼI ʼapelili pea mo maio, ko ʼihi ia nātou ʼe felogoi anai mo tatou ʼe nātou fia logo lelei anai ki te logo ʼo te Puleʼaga, pea ʼe feala anai ke tou fakatokagaʼi fakahagatonu tanatou fakasiosio ki te ʼu numelo fakamuli ʼo tatatou ʼu nusipepa peʼe ki he kaupepa lanu ʼa te Sosiete. Ko ʼihi ʼe mole lahi anai tanatou fia logo ʼi te kamataʼaga. ʼI te faʼahi ʼaia, ʼe tou fia kamata anai ʼaki he manatu e tahi peʼe lua ʼo he kiʼi pepa lotu; ʼosi ʼaia, kapau ʼe ina fakahā mai tana fia logo, ʼe tou fakapipiki anai te kiʼi pepa lotu pea mo he nusipepa peʼe ko he kaupepa.
2 ʼE feala hatatou ʼui age:
◼ “Tokolahi te hahaʼi ʼe nātou loto tahi ʼo ʼui maʼa nātou ko te ʼu faigataʼaʼia ʼi totatou temi ʼe mole ʼi ai hona tonu. ʼE ke ʼiloʼi koa ko te ʼu faigataʼaʼia fakamataku ʼaē ʼe tau mo totatou temi neʼe fakakikite ʼi te Tohi-Tapu?” ʼE feala ke tou fakahā te ʼu pasina 4 pea mo te 5 ʼo te kiʼi pepa lotu Ko te malamanei ʼo te temi ʼaenī ʼe hāo anai koa? pea mo fai palalau ki he ʼu faigataʼaʼia ʼe tuʼu ʼi ai.
3 Kapau ʼe fia logo ia ki te meʼa ʼaē ʼe tou lau age ʼi te kiʼi pepa lotu pea ʼe tou fia fakahā age anai ki ai Te Tule Leʼo ʼo te ʼaho 1 ʼo ʼapelili, ʼe feala ke tou fakahāhā te alatike ʼaē ko tona kupu “Tou muliʼi te mālama ʼo te malamanei”, pea tou fakahā ko Sesu ʼaē ka ina pulihi te ʼu faigataʼa fuli ʼe tau mo te tagata. ʼOsi ʼaia, tou fakahā age ki ai ʼe tou toe liliu mai ʼi he temi ʼe faigamalie moʼo hoko atu ʼo te fai palalau.
4 Kapau ʼe tou faiga ke ina fakatokagaʼi te numelo ʼo te “Koutou ʼaʼala!” ʼo te ʼaho 8 ʼo ʼapelili, ʼe feala ke tou fakaʼaogaʼi te ʼuluaki palalau ʼo te palakalafe 2, pea mo toe ʼui age:
◼ “Tokolahi ʼe lotolotolua ʼo ʼui maʼa nātou ʼe feala pulihi e te lotu pea mo te ʼu tagata politike totatou ʼu faigataʼaʼia. Kae, ʼe nātou fehufehuʼi peʼe mole tonu koa la ke maliu ki te poto fakatagata ke maʼu ai he tonu ʼo ʼuhiga mo te ʼu faigataʼaʼia.” ʼOsi ʼaia, tou lau he manatu ʼaoga ʼo te alatike ʼaenī “La science résoudra-t-elle les problèmes du XXI e siècle?” ʼE mahino ko te alatike ʼaia ʼe ina uga anai te fia logo ʼa te tokolahi ʼi te kau tūpulaga, kae tāfito te kau ako.
5 Kapau ʼe tou fakahā te kaupepa “Voici”, ʼe feala ke tou kamata te fai palalau ʼo fēnei:
◼ “Tokolahi ʼe nātou fehufehuʼi pe koteā te meʼa ka hoko mokā tou mamate. ʼE ʼui e ʼihi ʼe tou ʼolo ki te lagi peʼe ki ʼifeli; ko ʼihi ʼe mole nātou ʼiloʼi. Ko te tali ʼa te Tohi-Tapu ʼe fakaofoofo pea mo fakaloto fīmālie.” ʼE feala ke tou fakahā age te kiʼi pepa lotu Quel espoir y a-t-il pour nos chers disparus? pea mo fai palalau ki he ʼu manatu ʼe tuʼu ʼi ai. Kapau ʼe ina fakahā mai tana fia logo ʼo ʼuhiga mo te meʼa ʼaē ʼe tuʼu ʼi te kiʼi pepa lotu, ʼe tonu leva ke tou fakaʼaogaʼi te ʼu pasina 16 pea mo te 17 ʼo te kaupepa.
6 Kapau ko koutou ko he kau faka mafola foʼou, e koutou leleiʼia anai ʼo kamata he fai palalau faigafua. He koʼe ʼe mole toʼo he ʼu kiʼi pepa lotu ke lahi Ko te malamanei ʼo te temi ʼaenī ʼe hāo anai koa? pea mo fakaʼaogaʼi te ʼu manatu ʼe tuʼu ʼi te palakalafe 2 ʼo te alatike ʼaenī?
7 ʼE ko he meʼa maʼuhiga te ʼave ʼo te logo ʼo te fakamaʼuli ki te hahaʼi ʼi tonatou ʼu ʼapi. ʼI tatatou kumi te hahaʼi ‘ ʼe tau mo nātou’, ke tou fakaʼaoga fakaleleiʼi te ʼu kiʼi pepa lotu pea, kapau ʼe tou felāveʼi mo he tahi ʼe fia logo, tou fakapipiki te ʼu kiʼi pepa lotu pea mo ʼihi ʼatu ʼu tohi. — Mat. 10:13.