Ko Te ʼu Tali Ki ʼAkotou ʼu Fehuʼi

◼ Koteā koa te meʼa ʼe tonu anai ke fai e te sikalaipe mokā haʼu he pionie katoa ki te kokelekasio?

ʼE tonu anai ke fakahā e te sikalaipe ki te Sosiete, ʼo ina fakamahino te faʼahi ʼaia ʼi te pepa tānaki ʼo te kokelekasio (S-1). ʼE tonu anai ke faka felogoi ia mo te sikalaipe ʼo te kokelekasio ʼaē ʼe haʼu mai ai te pionie katoa pea mo fakaʼui ki ai te ʼu pepa tānaki gāue fuli ʼaē ʼa te pionie katoa (S-21) ʼaē ʼe ina maʼu ʼo feiā aipe mo he tohi ʼa te komite ki te gāue.

Ko he pionie ʼe mavae ʼo ʼalu ki he tahi faʼahi ʼe tautau felāveʼi mo he ʼu faigataʼaʼia ʼuhi ko tana fetogi nofoʼaga pea mo te fakatuʼutuʼu ʼaē ʼo he polokalama lelei ʼo ʼuhiga mo te fai faka mafola. ʼE ina leleiʼia te tokoni fonu ʼi te ʼofa ʼa te ʼu tagata ʼāfea ke feala ai he fakaʼaluʼalu lelei ʼo tana fetogi kokelekasio.

Fakamanatu: ʼE foaki e te sikalaipe te Kate foʼou ʼe ʼaoga ki te kau pionie pea mo tohi ai te kokelekasio ʼaē ʼe kau ki ai (S-202) ki te ʼu pionie ʼāteaina pe ʼaē ʼi Niumea nei pea mo nātou ʼaē ʼi Vanuatu ʼaē ʼe fetogi kokelekasio. Ko te kau pionie ʼaē kua puli tanatou kate, peʼe kua fetogi tonatou higoa ʼuhi heʼe kua nātou ʼohoana peʼe kua nātou mavete mo tonatou ʼohoana, peʼe nātou ʼōmai mai he fenua ʼe fakalogo ki he tahi filiale, ʼe tonu anai ke nātou maʼu tanatou kate foʼou mai te Sosiete, kae ʼe mole nātou fakalogo ki te sikalaipe. Ko te sikalaipe peʼe ko te pionie ʼe faitohi anai ki te Sosiete ʼo fakamahino ki ai tona ʼaluʼaga pea mo fakaʼui ki ai he kate foʼou.